ສຸດເສົ້າ! “ປານເພັດ” ນັກມວຍໄທ ເສຍຊີວິດແລ້ວ ຫລັງຖືກນ໋ອກລົ້ມລົງຫົວຟາດພື້ນໝົດສະຕິໃນຍົກທີ 5
July 25, 2022 - 12:30 PM
ປານເພັດ ພະດຸງໄຊມວຍໄທຍິມ ນັກມວຍຊາວໄທ ທີ່ເປັນອະດີດນັກກິລາເຕະຄິກບ໋ອກຊິງທີມຊາດໄທ ຕ້ອງລາໂລກນີ້ໄປແບບບໍ່ມີວັນກັບຄືນມາ ວົງການມວຍໄທຮ່ວມອາໄລຢ່າງໂສກເສົ້າ.
ວັນທີ 23 ກໍລະກົດ 2022 ຄວາມເຄື່ອນໄຫວຂອງ ປານເພັດ ພະດຸງໄຊມວຍໄທຍິມ ທີ່ຖືກອາວຸດສອກຂອງ ແອນໂທນີ TF Muay Thai ນັກມວຍຊາວຝຣັ່ງ ໃນຍົກທີ 5 ໃນຂະນະທີ່ເວລາພຽງ 1.18 ນາທີ ກ່ອນທີ່ຈະລົ້ມລົງຫົວຟາດພື້ນໝົດສະຕິ ໃນການແຂ່ງຂັນມວຍໄທ Fighter X ລຸ້ນ 73 ກິໂລ ທີ່ສະໜາມມວຍກອງທັບອາກາດ ໃນວັນສຸກທີ 15 ກໍລະກົດຜ່ານມາ. ຈາກນັ້ນຈຶ່ງໄດ້ຖືກນຳຕົວສົ່ງໂຮງໝໍທັນທີ, ເຊິ່ງພັນລະຍາ ແລະ ຄອບຄົວຂອງ ປານເພັດ ກໍ່ໄດ້ອັບເດດອາການເປັນໄລຍະຕະຫລອດ
ຫລ້າສຸດ ຊ່ວງເວລາ 20:30 ໂມງ ມີການຢືນຢັນຈາກຄອບຄົວຂອງເຂົາແລ້ວວ່າ ປານເພັດ ໄດ້ຈາກໂລກນີ້ໄປແບບບໍ່ມີວັນກັບຄືນມາ ເຮັດໃຫ້ຄອບຄົວ, ວົງການມວຍ ແລະ ອື່ນໆ ເສົ້າສະຫລົດໃຈໄປຕາມໆກັນ
