ຢູເວນຕູສ ລຸ້ນໜັກ! ປັອກບາ ເຈັບຫົວເຂົ່າໃນລະຫວ່າງຝຶກຊ້ອມ ອາດພາດເກມກະຊັບມິດກັບ ບາເຊໂລນາ

ກອງກາງຊາວຝຣັ່ງມີໂອກາດທີ່ຈະພາດເກມໃນຊ່ວງເປີດລະດູການ, ຫລັງຈາກທີ່ໄດ້ຮັບບາດເຈັບຫົວເຂົ່າ ແລະ ຈະບໍ່ໄດ້ດວນກັບ ບາເຊໂລນາ ທີ່ ດາຣັສ ແນ່ນອນ.

ດາວເຕະອາຍຸ 29 ປີ ໄດ້ຍ້າຍຈາກ ແມນເຊັສເຕີ ຢູໄນເຕັດ ເພື່ອກັບຄືນໄປຫຼິ້ນໃຫ້ກັບ ຢູເວນຕູສ, ສະໂມສອນທີ່ຕົນສ້າງຊື່ຂຶ້ນມາໃນຕອນທີ່ເປັນດາວຮຸ່ງ, ແຕ່ຈຳຕ້ອງລຸ້ນໜັກວ່າຈະຟື້ນຟູທັນລົງຫຼິ້ນໃນຊ່ວງເປີດລະດູການ ຫຼື ບໍ່

ຖະແຫລງການຂອງສະໂມສອນກ່າວວ່າ “ປັອກບາ ໄດ້ມີການເອັກສະເລ ແລະ ພົບວ່າຫົວເຂົ່າເບື້ອງຂວາມີການຊີກຂາດໃນໝອນຮອງກະດູກດ້ານຂ້າງຂອງລາວ”.

“ໃນອີກຊົ່ວໂມງຂ້າງຫນ້າ ເຂົາຈະເຂົ້າປຶກສາກັບຜູ້ຊ່ຽວຊານດ້ານໂລກກະດູກ ເພື່ອໃຫ້ການປິ່ນປົວເປັນໄປຢ່າງຕໍ່ເນື່ອງ. ເຂົາຈະບໍ່ໄດ້ເດີນທາງໄປ ດາຣັສ”