ໄອເອັມເຟ ປັບຫລຸດຄາດການເຕີບໂຕເສດຖະກິດທົ່ວໂລກ

 VOVWORLD ໄດ້ລາຍງານຂ່າວວ່າ: ກອງທຶນເງິນຕາສາກົນ (IMF) ໄດ້ປັບ​ຫລຸດ ການຄາດຄະເນ ລະດັບເຕີບໂຕ ຍອດຜະລິດ ຕະພັນ ພາຍໃນ (GDP) ທົ່ວໂລກ ປີນີ້ ລົງລະດັບ 3,2% ເມື່ອທຽບໃສ່ລະດັບ 3,6%. ໃນບົດລາຍງານ ຫລ້າ​ສຸດ ທີ່ມີຊື່ວ່າ “ແງ່ຫວັງ ເສດຖະກິດໂລກ” ປະກາດ ໃນວັນທີ 26 ກໍລະກົດນີ້ ​ເນື່ອງ​ຈາກ ເສດຖະກິດຢູ່ ຈີນ ແລະ ຣັດເຊຍ ​ເຕີບ​ໂຕ​ໜ້ອຍ​ລົງ.ນອກຈາກ​ນີ້ IMF ຍັງ​ປັບ​ຫລຸດ ການຄາດຄະເນ ລະດັບເຕີບໂຕ GDP ປີ 2023 ຈາກລະດັບ 3,6% ລົງ 2,9% ຍ້ອນຜົນກະທົບ ຂອງນະໂຍບາຍ ເງິນຕາ ຖືກຮັດແໜ້ນ. ຕາມການ ຄາດຄະເນຂອງ IMF ແລ້ວ, ອັດຕາ ໄພເງິນເຟີ້ ໃນປີນີ້ ຢູ່ບັນດາ ພື້ນຖານ ເສດຖະກິດ ພັດທະນາ ຈະຂຶ້ນເຖິງ 6,6%, ເພີ່ມຂຶ້ນ ເມື່ອທຽບໃສ່ ການຄາດຄະເນ 5,7%.