ພອລ ປັອກບາ ອາດຈະພາດໄປບານໂລກ ຫາກເລືອກປິ່ນປົວເຂົ່າດ້ວຍການຫຍິບບາດ

ສື່ອິຕາລີ ລາຍງານວ່າ  ພອລ ປັອກບາ ອາດພາດໄປຫລິ້ນໃນເຕະບານໂລກ 2022 ຫາກລາວເລືອກປິ່ນປົວອາການ ບາດເຈັບເຂົ່າດ້ວຍການຫຍິບບາດ.

ສຳລັບ ປັອກບາ ໄດ້ຮັບບາດເຈັບຮອງກະດູກດ້ານນອກຢູ່ເຂົ່າລະຫວ່າງການຝຶກຊ້ອມເມື່ອວັນທີ 25 ກໍລະກົດ ທັງທີ່ຫາກໍລົງສະ ຫນາມໃຫ້ ຢູເວນຕຸສ ເຊິ່ງລາວຍ້າຍຄືນຖິ່ນເກ່ົາຮອບສອງໄປພຽງເກມດຽວ.

ຕາມທີ່ມີລາຍງານວ່າດາວເຕະອາຍຸ 29 ປີ ຈະບໍ່ສາມາດລົງສະຫນາມໄດ້ເຖິງ 2 ເດືອນຈາກອາການບາດເຈັບທີ່ເກີດຂຶ້ນ ແຕ່ຫລ້າສຸດ ສື່ເປີດເຜີຍວ່າ ຫລັງໄດ້ຮັບການປະເມີນອາການທີ່ອິຕາລີ ປັອກບາມີທາງເລືອກໃນການປ່ິນປົວຢູ່ສອງວິທີ.

ໂດຍວິທີທີຫນຶ່ງຄືການເອົາກະດູກບາງສ່ວນອອກເຊິ່ງຈະເຮັດໃຫ້ລາວຕ້ອງພັກ 40-60 ວັນ ແຕ່ວິທີດັ່ງກ່າວບໍ່ເຫມາະກັບນັກເຕະ ທີ່ມີອາຍຸຫລາຍ ເພາະຈະສົ່ງຜົນຕໍ່ການເຄື່ອນທີ່.

ສ່ວນວິທີທີສອງຄືການຫຍິບບາດ ເຊິ່ງຈະເຮັດໃຫ້ລາວຕ້ອງພັກປິ່ນປົວອາການເຖິງ 5 ເດືອນ ແລະ ສົ່ງຜົນໃຫ້ລາວອາດຈະເຊົາ ບໍ່ທັນໄປຫລິ້ນບານໂລກ 2022 ທີ່ປະເທດກາຕາກັບທີມຊາດຝຣັ່ງໄລຍະເດືອນພະຈິກນີ້.