ຄ່ານິຍົມເອົາສັດປ່າເປັນຂອງຕ້ອນແຂກ ເປັນພຶດຕິກຳລະເມີດກົດໝາຍ-ທຳລາຍສັດປ່າທາງອ້ອມ

ຄ່ານິຍົມເອົາສັດປ່າເປັນຂອງຕ້ອນແຂກ ເປັນພຶດຕິກຳລະເມີດກົດໝາຍ-ທຳລາຍສັດປ່າທາງອ້ອມ - aHR0cHM6Ly9zLmlzYW5vb2suY29tL2xhLzAvdWQvNi8zMjg1OS91bnRpdGxlZC0xLmpwZw - ຄ່ານິຍົມເອົາສັດປ່າເປັນຂອງຕ້ອນແຂກ ເປັນພຶດຕິກຳລະເມີດກົດໝາຍ-ທຳລາຍສັດປ່າທາງອ້ອມ
ຄ່ານິຍົມເອົາສັດປ່າເປັນຂອງຕ້ອນແຂກ ເປັນພຶດຕິກຳລະເມີດກົດໝາຍ-ທຳລາຍສັດປ່າທາງອ້ອມ - 16583075379783 - ຄ່ານິຍົມເອົາສັດປ່າເປັນຂອງຕ້ອນແຂກ ເປັນພຶດຕິກຳລະເມີດກົດໝາຍ-ທຳລາຍສັດປ່າທາງອ້ອມ

ເມື່ອປ່າໄມ້ທຳມະຊາດຍັງອຸດົມສົມບູນ ສັດນ້ຳ-ສັດປ່າ ທີ່ອາໄສກໍອຸດົມສົມູບນເຊັ່ນດຽວກັນ, ແຕ່ທ່ານຮູ້ຫລືບໍ່ ປະຊາກອນສັດນ້ຳ-ສັດປ່າ ໄດ້ຫລຸດລົງ ແລະ ກໍຫລຸດລົງຢ່າງໜ້າເປັນຫ່ວງ ຍ້ອນປ່າໄມ້ທີ່ຢູ່ອາໄສ ຂອງມັນຖືກທຳລາຍ, ຖືກລ່າເປັນອາຫານ ແລະ ຊື້ຂາຍ. ແນວໃດກໍດີບັນຫານີ້, ເຈົ້າໜ້າທີ່ກ່ຽວຂ້ອງໄດ້ເພີ່ມທະວີການຄຸ້ມຄອງສັດນ້ຳ-ສັດປ່າໂດຍໄດ້ເອົາໃຈໃສ່ ກວດກາລາດຕະເວນຢູ່ຂອບເຂດປ່າສະຫງວນ, ປ່າປ້ອງກັນແຫ່ງຊາດ, ເຂດຫລໍ່ແຫລມ ແລະ ອື່ນໆທັງອອກລະບຽບ ແລະ ມາດຕະການຫ້າມລ່າ, ຫ້າມຈັບສັດໃນໄລຍະສັດນ້ຳ-ສັດປ່າຖືພາ ແລະ ເກີດລູກຕິດພັນກັບການສະກັດກັ້ນການຄ້າຂາຍສັດປ່າທີ່ຜິດກົດໝາຍ.

ປັດຈຸບັນການຄຸ້ມຄອງສັດນ້ຳ-ສັດປ່າຢູ່ ສປປ ລາວ ໄດ້ອີງໃສ່ກົດໝາຍວ່າດ້ວຍສັດນ້ຳ ແລະ ສັດປ່າ, ນິຕິກຳຕ່າງໆກ່ຽວຂ້ອງທັງເປີດກວ້າງການໂຄສະນາເຜີຍແຜ່ໃຫ້ປະຊາຊົນບັນດາເຜົ່າ, ອົງການຈັດຕັ້ງສັງຄົມຕ່າງໆ ລວມເຖິງບັນດາຫົວໜ່ວຍທຸລະກິດໄດ້ຮັບຮູ້ ແລະ ເຂົ້າໃຈຄວາມໝາຍ ແລະ ຄວາມສຳຄັນການອະ ນຸລັກສັດນ້ຳ-ສັດປ່າເພື່ອກາຍເປັນທ່າແຮງໜຶ່ງປະກອບສ່ວນພັດທະນາເສດຖະກິດ-ສັງຄົມຂອງຊາດຊຶ່ງລັດໄດ້ສົ່ງເສີມບຸກຄົນ ແລະ ການຈັດຕັ້ງຂະຫຍາຍພັນສັດນ້ຳ-ສັດປ່າຕາມທຳມະຊາດເພື່ອເພີ່ມປະຊາກອນສັດນ້ຳ-ສັດປ່າໃຫ້ຫລາຍຂຶ້ນ.

ນອກນີ້ຍັງໄດ້ຟື້ນຟູບູລະນະທີ່ຢູ່ອາໄສລວມທັງແຫລ່ງອາຫານ ແລະ ແຫລ່ງແພ່ພັນ ເພື່ອໃຫ້ສັດປ່າດຳລົງຊີວິດຢ່າງປົກກະຕິ ທັງປຸກລະດົມທົ່ວປວງຊົນ ໃຫ້ມີສ່ວນຮ່ວມຂະຫຍາຍສັດນ້ຳ-ສັດປ່າຢ່າງກວ້າງຂວາງ ແລະ ຮູ້ເຖິງການຄຸ້ມຄອງສັດນ້ຳ-ສັດປ່າທີ່ຍັງມີຊີວິດ, ການລັກຊື້ຂາຍ, ການລ່າສັດຫວງຫ້າມ, ການລ່າສັດໃນລະດູການຂະຫຍາຍພັນ, ການລ່າສັດນ້ຳ-ສັດປ່າແບບດັບສູນ ແລະ ອື່ນໆ.

ສັດນ້ຳ-ສັດປ່າ ປະເພດຫວງຫ້າມຢູ່ສປປ ລາວ ມີຫລາຍຊະນິດເຊັ່ນ: ສັດລ້ຽງລູກດ້ວຍນ້ຳນົມມີ 44 ຊະນິດ, ສັດເລືອຄານ 8 ຊະນິດ, ສັດປີກ 36 ຊະນິດ, ສັດນ້ຳ 7 ຊະນິດ, ສັດເຄິ່ງບົກເຄິ່ງນ້ຳ 1 ຊະນິດ( ປາຕີນ), ສ່ວນສັດນ້ຳ-ສັດປ່າ ປະເພດຄຸ້ມຄອງມີ ສັດລ້ຽງລູກດ້ວຍນ້ຳນົມ 15 ຊະນິດ, ສັດເລືອຄານ 13ຊະນິດ, ສັດປີກ 21 ຊະນິດ, ສັດນ້ຳ 9 ຊະນິດ ແລະ ແມງໄມ້ 7 ຊະນິດ. ແນວໃດກໍດີ, ມາຮອດປັດຈຸ ບັນມີບາງປະເພດສັດນ້ຳ-ສັດປ່າໃກ້ຈະສູນພັນ ຫລື ອາດສູນພັນໄປແລ້ວ ເນື່ອງຈາກການລ່າສັດເປັນອາ ຫານ, ຄ້າຂາຍພາຍໃນ ແລະ ສົ່ງອອກໄປຕ່າງປະເທດ.

ການຄຸ້ມຄອງສັດນ້ຳ-ສັດປ່າແມ່ນໜ້າທີ່ຂອງທຸກຊັ້ນຄົນ ຊຶ່ງຕ້ອງໄດ້ມີສ່ວນຮ່ວມ ໂດຍການຢຸດລ່າສັດທຸກຮູບການ, ຫ້າມຊື້-ຂາຍສັດ, ຫ້າມນຳເອົາມາປຸງແຕ່ງອາຫານຕ້ອນຮັບແຂກ ຫລື ເປັນຂອງຕ້ອນ, ຫ້າມທຳລາຍປ່າໄມ້ຊະຊາຍ ແລະ ອື່ນໆ.

ເມື່ອໃດທົ່ວສັງຄົມຮ່ວມກັນປະຕິບັດກົດໝາຍ, ລະບຽບການລວມທັງຢຸດຄ່ານິຍົມທີ່ຜິດໆ, ປະຊາກອນສັດນ້ຳ-ສັດປ່າຢູ່ປະເທດລາວເຮົາ ກໍຈະນັບມື້ແພ່ຂະຫຍາຍເພີ່ມຂຶ້ນໃນທົ່ວປະ ເທດ ລວມທັງສາມາດສ້າງຄວາມຍືນຍົງຕະຫລອດໄປເມື່ອນັ້ນ.

ຄ່ານິຍົມເອົາສັດປ່າເປັນຂອງຕ້ອນແຂກ ເປັນພຶດຕິກຳລະເມີດກົດໝາຍ-ທຳລາຍສັດປ່າທາງອ້ອມ - lattana banner 1 - ຄ່ານິຍົມເອົາສັດປ່າເປັນຂອງຕ້ອນແຂກ ເປັນພຶດຕິກຳລະເມີດກົດໝາຍ-ທຳລາຍສັດປ່າທາງອ້ອມ
ຄ່ານິຍົມເອົາສັດປ່າເປັນຂອງຕ້ອນແຂກ ເປັນພຶດຕິກຳລະເມີດກົດໝາຍ-ທຳລາຍສັດປ່າທາງອ້ອມ - lattana banner - ຄ່ານິຍົມເອົາສັດປ່າເປັນຂອງຕ້ອນແຂກ ເປັນພຶດຕິກຳລະເມີດກົດໝາຍ-ທຳລາຍສັດປ່າທາງອ້ອມ
ຄ່ານິຍົມເອົາສັດປ່າເປັນຂອງຕ້ອນແຂກ ເປັນພຶດຕິກຳລະເມີດກົດໝາຍ-ທຳລາຍສັດປ່າທາງອ້ອມ -    AD conten website - ຄ່ານິຍົມເອົາສັດປ່າເປັນຂອງຕ້ອນແຂກ ເປັນພຶດຕິກຳລະເມີດກົດໝາຍ-ທຳລາຍສັດປ່າທາງອ້ອມ
No comments yet! You be the first to comment.

Leave a Reply

Your email address will not be published.

This site uses Akismet to reduce spam. Learn how your comment data is processed.

error: Alert: ເນື້ອຫາຂ່າວມີລິຂະສິດ !!