ຄລອບ ຢືນຢັນ ຟີມີໂນ ຍັງມີຄວາມສຳຄັນຫລາຍ ບໍ່ຄິດປ່ອຍອອກຈາກທີມ

ເຈີເກັນ ຄລອບ ຢືນຢັນບໍ່ມີຄວາມຄິດຈະປ່ອຍ ໂຣແບໂຕ ຟີມີໂນ ກອງຫນ້າທີມຊາດ ບຣາຊິລ ໃຫ້ຍ້າຍອອກຈາກລີເວີພູລ ຕາມກະແສຂ່າວລື ເພາະນັກເຕະມີຄວາມສຳຄັນກັບທີມຢ່າງຫລາຍ.

ຟີມີໂນ ອາຍຸ 30 ປີ ຖືກຫລຸດບົດບາດກັບລີເວີພູລລົງໄປຢ່າງຈະແຈ້ງໃນໄລຍະຫລັງ ແລະຕອນນີ້ມີຂ່າວວ່າ ຢູເວນຕຸສ ທີມດັງແຫ່ງລີກ ເຊເຣຍ ອາ ອິຕາລີ ສົນໃຈຄວ້າໄປຮ່ວມທີມ ແຕ່ ຄລອບ ຢືນຢັນວ່າຈະບໍ່ປ່ອຍໃຫ້ດາວເຕະຄົນນີ້ຍ້າຍອອກ.

ຄລອບ ກ່າວວ່າ : ‘‘ ຟີມີໂນ ລາວມີຄວາມສຳຄັນກັບເຮົາ ລາວເປັນຫົວໃຈ ແລະ ຈິດວິນຍານຂອງທີມນີ້ ແນວທາງທີ່ເຮົາຫລິ້ນຈົນເຖິງຕອນນີ້ເກີດຂຶ້ນໄດ້ເພາະມີລາວຢູ່ ນັ້ນແຫລະເປັນເຫດຜົນທີ່ຂ້ອຍມີຄວາມສຸກເມື່ອເຫັນລາວລົງຊ້ອມຢ່າງເຕັມທີ່ໃນໄລຍະອຸ່ນເຄື່ອງ ຂ້ອຍບໍ່ໃສ່ໃຈຄຸນນະພາບຂອງລາວເລີຍ ’’.

ທັງນີ້ ຟີມີໂນ ຍ້າຍຈາກຮອຟເຟັນໄຮ ທີມໃນບຸນເດສລີກາ ເຢຍລະມັນ ມາຢູ່ກັບລີເວີພູລຕັ້ງແຕ່ປີ 2015 ລົງສະຫນາມໄປແລ້ວ 327 ນັດລວມທຸກລາຍການ ຍິງໄດ້ 98 ປະຕູ ແລະ ມີສ່ວນສຳຄັນນຳຕົ້ນສັງກັດຄວ້າແຊ໊ມຫລາຍລາຍການ.