ອິນໂດເນເຊຍ ເປີດສາກການແຂ່ງຂັນເຈົ້າພາບກິລາຄົນພິການອາຊຽນ ‘‘ ໂຊໂລ 2022 ’’

ອິນໂດນີເຊຍ ຈັດພິທີເປີດການແຂ່ງຂັນກິລາຄົນພິການອາຊຽນ ‘‘ ໂຊໂລ 2022 ’’ ເນັ້ນຮຽບງ່າຍ ແຕ່ປະທັບໃຈ 11 ຊາດອາຊຽນ.

ມະຫະກຳກິລາຄົນພິການອາຊຽນພາຣາເກມ ຄັ້ງທີ 11 ‘‘ ໂຊໂລ 2022 ’’ ທີ່ເມືອງໂຊໂລ ປະເທດອິນໂດນີເຊຍ ເປີດສາກຢ່າງເປັນທາງ ການ ໃນວັນທີ 30 ກໍລະກົດ ແລະ ຈະຊິງໄຊກັນໄປຈົນເຖິງວັນທີ 6 ສິງຫາ ເຊິ່ງນັບເປັນເຈົ້າພາບຄັ້ງທີ 2 ໃນຮອບ 11 ປີຂອງອິນໂດ ນີເຊ ນັບຕັ້ງແຕ່ປີ 2011 ໂດຍພິທີເປີດມີຂຶ້ນທີ່ ສະຫນາມ ມານາຮານ ມີນັກກິລາຄົນພິການ ເຈົ້າຫນ້າທີ 11 ຊາດອາຊຽນເຂົ້າຮ່ວມ ພິທີເປີດຢ່າງພ້ອມພຽງ ເຈົ້າພາບເນັ້ນຄວາມຮຽບງ່າຍ ແຕ່ສື່ເຖິງມິດຕະພາບຂອງບັນດານັກກິລາຄົນພິການທົ່ວພູມມິພາກ ການສະແດງໃນແຕ່ລະຊຸດເຈົ້າພາບສະທ້ອນເຖິງວັດທະນະທຳທ້ອງຖ່ິ່ນປະເທດອິນໂດນີເຊຍ ໃຊ້ນັກສະແດງກວ່າ 1,000 ຄົນ ຮ່ວມສະແດງເນັ້ນຢຳ້ໃຫ້ສັງຄົມໃຫ້ຄວາມສຳຄັນເຖິງການສະເຫມີພາບກັນລະຫວ່າງຄົນການກັບຄົນປົກກະຕິທົ່ວໄປ.