ອັບການິດສະຖານ ຮັບເງິນຊ່ວຍເຫລືອທາງມະນຸດສະທຳ 40 ລ້ານໂດລາ

ວັນທີ 1 ສິງຫາ 2022, ສຳນັກຂ່າວຊິນຮົວລາຍງານວ່າ: ທະນາຄານກາງອັບການິດສະຖານ ເປີດເຜີຍວ່າ: ອັບການິດສະຖານໄດ້ຮັບເງິນຊ່ວຍເຫລືອທາງມະນຸດສະທຳ ຈຳນວນ 40 ລ້ານໂດລາສະຫະລັດ ໃນວັນທີ 31 ກໍລະກົດ ເຊິ່ງເງິນດັ່ງກ່າວຖືກນຳຝາກເຂົ້າທະນາຄານລະຫວ່າງອັບການິດສະຖານແລ້ວ.

ຖະແຫລງການຈາກທະນາຄານກາງອັບການິດສະຖານ ສະແດງຄວາມຂອບໃຈປະຊາຄົມນາໆຊາດສຳລັບການຈັດສົ່ງການຊ່ວຍເຫລືອທາງມະນຸດສະທຳສູ່ອັບການິດສະຖານ ແລະ ເຜີຍວ່າ: ເງິນຊ່ວຍເຫລືອທາງມະນຸດສະທຳຈຳນວນໃໝ່ນີ້ຈະຖືກໃຊ້ຈ່າຍຢ່າງໂປ່ງໃສ.

ກ່ອນໜ້ານີ້, ອັບການິດສະຖານໄດ້ຮັບເງິນຊ່ວຍເຫລືອຈຳນວນຫລ້າສຸດ 32 ລ້ານໂດລາສະຫະລັດ ເຊິ່ງຊ່ວຍເພີ່ມທຶນສຳຮອງເງິນຕາຕ່າງປະເທດ ເພື່ອປ້ອງກັນການລົ້ມສະຫລາຍທາງເສດຖະກິດ.