ກະຊວງແຮງງານຫວນຄືນວັນສຳຄັນຂອງຊາດ

- 111 - ກະຊວງແຮງງານຫວນຄືນວັນສຳຄັນຂອງຊາດ
- Untitled design - ກະຊວງແຮງງານຫວນຄືນວັນສຳຄັນຂອງຊາດ

ວັນທີ 15 ສິງຫາຜ່ານມານີ້, ກະຊວງແຮງງານ ແລະ ສະຫວັດດີການສັງຄົມ (ຮສສ) ໄດ້ຈັດພິທີປາຖະກະຖາວັນລັດຖະທຳມະນູນແຫ່ງ ສປປ ລາວ ຄົບຮອບ (15 ສິງຫາ 1991-15 ສິງຫາ 2017) ແລະ ວັນຢຶດອຳນາດ 23 ສິງຫາ 1945 ແລະ 23 ສິງຫາ 1975 ໂດຍການປາຖະກະຖາຂອງທ່ານລັດຖະມົນຕີກະຊວງແຮງງານ ແລະ ສະຫວັດດີການສັງຄົມ ຄໍາແພງ ໄຊສົມແພງ ແລະ ມີພະນັກງານອ້ອມຂ້າງກະຊວງເຂົ້າຮ່ວມຢ່າງພ້ອມພຽງ.

ທ່ານລັດຖະມົນຕີກະຊວງແຮງງານ ແລະ ສະຫວັດດີການສັງຄົມ ໄດ້ຍົກໃຫ້ເຫັນສະພາບແວດລ້ອມການກຳເນີດ ແລະ ຄວາມໝາຍສຳຄັນຂອງວັນລັດຖະທຳມະນູນແຫ່ງ ສປປ ລາວ, ພາຍຫລັງປະເທດຊາດໄດ້ຮັບການສະຖາປະນາເປັນ ສປປ ລາວ, ພັກໄດ້ວາງແນວທາງ ແລະ ນຳພາປະຊາຊົນປະຕິບັດສອງໜ້າທີ່ຍຸດທະສາດຄື: ປົກປັກຮັກສາ ແລະ ສ້າງສາພັດທະນາປະເທດຊາດ, ປີ 1986 ພັກໄດ້ວາງແນວທາງປ່ຽນແປງໃໝ່ຮອບດ້ານ ໂດຍເລີ່ມຈາກການປ່ຽນແປງທາງດ້ານເສດຖະກິດ, ຫັນຈາກການຄຸ້ມຄອງລວມສູນບໍລິຫານເກື້ອກູນໄປສູ່ການຄຸ້ມຄອງຕາມກົນໄກຕະຫລາດທີ່ມີການໄລ່ລຽງເສດຖະກິດ ແລະ ມີການດັດສົມຂອງລັດ, ໂດຍອີງໃສ່ຄວາມຮຽກຮ້ອງຕ້ອງການແຫ່ງການປ່ຽນແປງໃໝ່. ດັ່ງນັ້ນ, ຈຶ່ງມີຄວາມຈໍາເປັນຕ້ອງຫັນໄປສູ່ການຄຸ້ມຄອງລັດດ້ວຍລັດຖະທໍາມະນູນ ແລະ ກົດໝາຍຢ່າງເປັນເອກະພາບ ດ້ວຍເຫດນັ້ນກອງປະຊຸມເທື່ອທີ 6 ຂອງສະພາປະຊາຊົນສູງສຸດຊຸດທີ II ປີ 1991 ໄດ້ພິຈາລະນາຮັບຮອງເອົາລັດຖະທຳມະນູນສະບັບທຳອິດຂອງ ສປປ ລາວ, ຊຶ່ງໄດ້ປະກາດໃຊ້ໃນວັນທີ 15 ສິງຫາ 1991 ຈົນຮອດປັດຈຸບັນ.ແລະໃນໂອກາດດຽວກັນ, ທ່ານລັດຖະມົນຕີ ຍັງໄດ້ຍົກໃຫ້ເຫັນປະຫວັດຄວາມເປັນມາຂອງວັນຢຶດອຳນາດ 23 ສິງຫາ 1945 ແລະ 23 ສິງຫາ 1975 ໃຫ້ພະນັກງານຂອງຕົນຮັບຮູ້ ແລະ ກຳແໜ້ນໄດ້ກ່ຽວກັບສອງວັນສຳຄັນດັ່ງກ່າວຕື່ມອີກ.

- Wave100S AD to Website 2020 0 - ກະຊວງແຮງງານຫວນຄືນວັນສຳຄັນຂອງຊາດ
- WhatsApp Image 2020 05 27 at 5 - ກະຊວງແຮງງານຫວນຄືນວັນສຳຄັນຂອງຊາດ
- WhatsApp Image 2020 05 27 at 5 - ກະຊວງແຮງງານຫວນຄືນວັນສຳຄັນຂອງຊາດ
error: Alert: ເນື້ອຫາຂ່າວມີລິຂະສິດ !!