ລາວຫາລືແກ້ໄຂສິ່ງກີດຂວາງດ້ານການຄ້າ

- 999 - ລາວຫາລືແກ້ໄຂສິ່ງກີດຂວາງດ້ານການຄ້າ
- AGL banner - ລາວຫາລືແກ້ໄຂສິ່ງກີດຂວາງດ້ານການຄ້າ

ໃນວັນທີ 16 ສິງຫານີ້, ກະຊວງອຸດສາຫະກຳ ແລະ ການຄ້າຮ່ວມກັບອົງການ (GIZ) ໄດ້ຈັດກອງປະຊຸມປຶກສາຫາລືກ່ຽວກັບຍຸດທະສາດການພັດທະນາກ່ຽວກັບການໃຊ້ທ່າແຮງສຳລັບການຮ່ວມມືໃນລະດັບພາກພື້ນເພື່ອຫລຸດຜ່ອນສິ່ງກີດຂວາງທາງດ້ານການຄ້າ-ການບໍລິການຢູ່ ສປປ ລາວ, ໂດຍມີຜູ້ຕາງໜ້າຈາກກະຊວງການຕ່າງປະເທດ, ສາທາລະນະສຸກ, ຖະແຫລງຂ່າວ, ວັດທະນະທຳ ແລະ ທ່ອງທ່ຽວ, ແຮງງານ ແລະ ສະຫວັດດີການສັງຄົມ, ແຜນການ ແລະ ການລົງທຶນ, ພ້ອມດ້ວຍຄູ່ຮ່ວມພັດທະນາເຂົ້າຮ່ວມຈໍານວນຫລາຍ.

ກອງປະຊຸມຄັ້ງນີ້, ຜູ້ເຂົ້າຮ່ວມຈະໄດ້ຮັບຮູ້ກ່ຽວກັບບັນດາສິ່ງກີດຂວາງຕໍ່ດ້ານການຄ້າ, ການບໍລິການ, ໂດຍສະເພາະແມ່ນສຸມໃສ່ຂະແໜງການປິ່ນປົວ ແລະ ການທ່ອງທ່ຽວຢູ່ລາວ, ເຊິ່ງບັນດາກະຊວງກ່ຽວຂ້ອງໄດ້ປຶກສາຫາລືກັບຄູ່ຮ່ວມພັດທະນາ ເປັນຕົ້ນ: ສະຖາບັນການທ່ອງທ່ຽວ ແລະ ການໂຮງແຮມ, ສະພາການຄ້າ ແລະ ອຸດສາຫະກຳ, ສະມາຄົມທຸລະກິດທ່ອງທ່ຽວ, ສະພາການຄ້າ ແລະ ອຸດສາຫະກຳເອີຣົບປະຈຳລາວ, ທະນາຄານໂລກ ແລະ ຜູ້ຕາງໜ້າຈາກ EU ປະຈຳລາວ ກ່ຽວກັບສິ່ງກີດຂວາງທາງດ້ານການຄ້າການບໍລິການໃນທຸກຂະແໜງການ ແລະ ຂະແໜງການສະເພາະໃນກຸ່ມປະເທດ CLM ໂດຍສະເພາະແມ່ນຢູ່ ສປປ ລາວ ແລະ ວິທີແກ້ໄຂອຸປະສັກດັ່ງກ່າວໃນອະນາຄົດ.

ໂອກາດດັ່ງກ່າວ, ຫົວໜ້າໂຄງການແຜນງານເຊື່ອມໂຍງເສດຖະກິດອາຊຽນຂອງ ສປປ ລາວ ເພື່ອການພັດທະນາດ້ານທຸລະກິດ ແລະ ການຄ້າ (RELATED) ຂອງ GIZ ກ່າວວ່າ: ຂະແໜງບໍລິການ ແມ່ນມີພາລະບົດບາດສຳຄັນ ເພື່ອເຮັດໃຫ້ເສດຖະກິດມີຄວາມຫລາກຫລາຍ ແລະ ສ້າງໂອກາດໃນການເຮັດວຽກ ແລະ ເຮັດໃຫ້ມີລາຍຮັບເພີ່ມຂຶ້ນ. ນອກຈາກນີ້ຂະແໜງການບໍລິການຍັງມີບົດບາດໃນການປະກອບສ່ວນເຂົ້າໃນການສ້າງຄວາມອາດສາມາດໃນການແຂ່ງຂັນທາງດ້ານເສດຖະກິດ, ການພັດທະນາທາງດ້ານການສຶກສາ, ໄອທີ, ການຂົນສົ່ງ ແລະ ໂຄງລ່າງເພື່ອຊ່ວຍຫລຸດຕົ້ນທຶນທາງດ້ານເສດຖະກິດຂອງການຂົນສົ່ງ, ຊຶ່ງຈະເຮັດໃຫ້ເພີ່ມຄວາມອາດສາມາດໃນການແຂ່ງຂັນຫລາຍຂຶ້ນ.

- Wave100S AD to Website 2020 0 - ລາວຫາລືແກ້ໄຂສິ່ງກີດຂວາງດ້ານການຄ້າ
- WhatsApp Image 2020 05 27 at 5 - ລາວຫາລືແກ້ໄຂສິ່ງກີດຂວາງດ້ານການຄ້າ
- WhatsApp Image 2020 05 27 at 5 - ລາວຫາລືແກ້ໄຂສິ່ງກີດຂວາງດ້ານການຄ້າ
- WhatsApp Image 2020 05 27 at 5 - ລາວຫາລືແກ້ໄຂສິ່ງກີດຂວາງດ້ານການຄ້າ
- WhatsApp Image 2020 05 27 at 5 - ລາວຫາລືແກ້ໄຂສິ່ງກີດຂວາງດ້ານການຄ້າ
error: Alert: Content is protected !!