ແອັບ Facebook ປ່ຽນຮູບ​ແບບໜ້າ  News Feed ໃຫ້ອ່ານ ແລະ ລົມກັນງ່າຍຂຶ້ນກວ່າເກົ່່າ

Facebook ທຸກມື້ນີ້ມີເລື່ອງລາວຫຼວງຫຼາຍທີ່ສະແດງຢູ່ເທິງໜ້າ News Feed ມີທັງຮູບພາບ, ວິດີໂອ, ພາບ GIFs ແລະ ລິງອີກ ເຮັດໃຫ້ໃນຕອນນີ້ໜ້າ Feed ມີຄວາມສັບສົນ. ດັ່ງນັ້ນ ເພື່ອໃຫ້ຜູ້ໃຊ້ໄດ້ຮັບຄວາມສະດວກໃນການອ່ານຂໍ້ມູນໃນໜ້າ News Feed ໄດ້ປັບປຸງຮູບແບບການສະແດງຜົນ​ໃຫມ່ ເພື່ອໃຫ້ໃຊ້ງານ, ອ່ານ ແລະ ສົນທະນາ ເທິງໜ້າ News Feed ໄດ້ງ່່າຍຂຶ້ນກວ່າເກົ່າ ໂດຍການອັບເດດໃຫມ່ຈະໄດ້ເລີ່ມຂຶ້ນໃນທິດໜ້າ.

            ອ່ານຄອມເມນໄດ້ງ່າຍຂຶ້ນ.

            ຈາກພາບທີ່ Facebook ປ່ອຍອອກມາໃຫ້ຊົມຈະເຫັນໄດ້ວ່າ ໜ້າຕາຂອງແອັບ Facebook ຈະມີຄວາມໂລ່ງຂຶ້ນຫຼາຍ, ຂອບສີຟ້າໜາໆ ດ້ານເທິງກໍຫາຍໄປ ໃນສ່ວນຂອງຂໍ້ຄວາມກ້ອງພາບກໍຈະມີຂອບສີເທົາ ຊ່ວຍໃຫ້ອ່ານຂໍ້ຄວາມກຸ່ມໄດ້ງ່າຍຂຶ້ນ.

            ຂໍ້ມູນເທິງ News Feed ຈະອ່ານໄດ້ງ່າຍກວ່າເກົ່າ.

            ໜ້າຕາແບບໃຫມ່ຂອງ News Feed ມີການປັບການສະແດງຜົນໃຫ້ສະດວກຕໍ່ການອ່ານຂໍ້ມູນຫຼາກຫຼາຍກວ່າເກົ່າ.

• ຄ່າ Contrast ສີຂອງຕົວອັກສອນມີຄວາມຕັດກັນຫຼາຍຂຶ້ນ ເບິ່ງເຫັນໄດ້ຊັດເຈນກວ່າເກົ່າ.
• ລິງຈະສະແດງຜົນຟຣີວິວໃຫຍ່ກວ່າເກົ່າ ເຮັດໃຫ້ອ່ານໄດ້ງ່າຍຂຶ້ນ.
• ໄອຄອນ Like, Comment ແລະ Share ມີຂະໜາດໃຫຍ່ຂຶ້ນ ແລະ ກົດງ່າຍ.
• ຮູບໂປຣໄຟລ໌ເປັນວົງມົນ ເພື່ອສະແດງວ່າໃຜເປັນຄົນໂພສ ຫຼື ຄອມເມນ.
• ລະບົບນໍາທາງໃນແອັບງ່າຍກວ່າເກົ່າ.
• 

Facebook  ຕ້ອງການໃຫ້ຜູ້ໃຊ້ໄດ້ຮັບປະສົບການໃນການສໍາຫຼວດໜ້າ News Feed ໃຫ້ດີກວ່າເກົ່າ ດ້ວຍການ

• ເຫັນລ່ວງໜ້າວ່າລິງຈະນໍາເຮົາໄປໜ້າໃດກ່ອນທີ່ເຮົາຈະແຕະ.
• ເຫັນໂພສທີ່ເຮົາຄອມເມນ ຫຼື ສະແດງ Reacting ເອົາໄວ້ໃນຂະນະທີ່ເຮົາກໍາລັງຢູ່ໃນໂພສ
• ກັບໄປຍັງໜ້າ News Feed ໄດ້ໂດຍສະດວກເມື່ອເຮົາອ່ານຈົບ ດ້ວຍປຸ່ມຖອຍຫຼັງທີ່ເຫັນຊັດເຈນກວ່າເກົ່າ