ອີຢູ ໃຫ້ສັດຕະຍາບັນຂໍ້ຕົກລົງຫຼຸດຜ່ອນປະລິມານການນຳໃຊ້ອາຍແກັສ

ວິທະຍຸກະຈາຍສຽງຫວຽດນາມລາຍງານວ່າ: ເມືອບໍ່ດົນຜ່ານມາ, ບັນດາປະເທດອີຢູ ໄດ້ຮັບຮອງເອົາແຜນການດ່ວນຂອງກຸ່ມຢ່າງເປັນທາງການ ແນໃສ່ຫຼຸດຜ່ອນປະລິມານການນຳໃຊ້ອາຍແກັສ ໃນສະພາບການບັນດາປະເທດພວມພະຍາຍາມປະຢັດເຊື້ອໄຟໃຫ້ແກ່ລະດູໜາວທີ່ຈະມາເຖິງຍ້ອນແຫຼ່ງສະໜອງມີຄວາມຈຳກັດ.

ໃນອາທິດຜ່ານມາ, ບັນດາປະເທດອີຢູ ບັນລຸໄດ້ຂໍ້ຕົກລົງກ່ຽວກັບການຫຼຸດຜ່ອນ 15% ຂອງປະລິ ມານການນຳໃຊ້ອາຍແກັສ ແລະ ຫຼຸດຜ່ອນການອີງໃສ່ແຫຼ່ງສະໜອງອາຍແກັສຈາກ ຣັດເຊຍ ກ່ອນລະດູ ໜາວ.

ຕາມແຈ້ງການຂອງປະເທດ ສ.ເຊັກໂກ, ບັນດາປະເທດອີຢູ ນອກຈາກ ຮົງກາຣີ ແລະ ໂປໂລຍ ໄດ້ໃຫ້ສັດຕະຍາບັນຂໍ້ຕົກລົງສະບັບນີ້ເມື່ອວັນທີ 5 ສິງຫາ 2022 ຜ່ານມາ

ຂ່າວ: ປະຊາຊົນ