ການແຂ່ງຂັນບານເຕະເຍົາວະຊົນຊາຍຊີງຂັນ ສຕລ U15 ແລະ U18 ວັນທີ 13-14 ສິງຫາ 2022 ນີ້

ການແຂ່ງຂັນບານເຕະເຍົາວະຊົນຊາຍຊີງຂັນ ສຕລ U15 ແລະ U18 ວັນທີ 13-14 ສິງຫາ 2022 ນີ້ - 298414458 5543860635634828 731616956013324258 n - ການແຂ່ງຂັນບານເຕະເຍົາວະຊົນຊາຍຊີງຂັນ ສຕລ U15 ແລະ U18 ວັນທີ 13-14 ສິງຫາ 2022 ນີ້
ການແຂ່ງຂັນບານເຕະເຍົາວະຊົນຊາຍຊີງຂັນ ສຕລ U15 ແລະ U18 ວັນທີ 13-14 ສິງຫາ 2022 ນີ້ - 16583075379783 - ການແຂ່ງຂັນບານເຕະເຍົາວະຊົນຊາຍຊີງຂັນ ສຕລ U15 ແລະ U18 ວັນທີ 13-14 ສິງຫາ 2022 ນີ້

ການແຂ່ງຂັນບານເຕະເຍົາວະຊົນຊາຍຊີງຂັນ ສຕລ ຮຸ່ນອາຍຸບໍ່ເກີນ 15 ປີຫຼື U15ແລະການແຂ່ງຂັນບານເຕະ ເຍົາວະຊົນຊາຍຊີງຂັນ ສຕລ ຮຸ່ນອາຍຸບໍ່ເກີນ 18 ປີ(U18)ປະຈຳປີ 2022( LFF U-15 CHAMPIONSHIP 2022, LFF U-18 CHAMPIONSHIP 2022) ຈະເລີ້ມເປີດສາກຄວາມມັນໃນອາທິດນີ້ ວັນທີ 13-14 ສິງຫາ 2022 ໂດຍມີ 7 ສະໂມສອນ ຈາກການແຂ່ງຂັນບານເຕະເປບຊີ ລາວລີກ 1 ເຂົ້າຮ່ວມປະກອບມີ: ສະໂມສອນ ກິລາບານເຕະວຽງຈັນ,ຊ້າງນ້ອຍ,ກອງທັບ,ຈຳປາສັກ,ມາສເຕີ້ ເຊເວັ້ນແລະສະໂມສອນ ກິລາບານເຕະ ເອສະຣາ.

ຮູບແບບການແຂ່ງຂັນເຕະ ເຍົາວະຊົນຊາຍ U15 ຊີງຂັນສຕລແມ່ນນຳໃຊ້ຮູບແບບການແຂ່ງຂັນແບບພົບກັນຫມົດ(ROUND ROBIN ) ໂດຍແຂ່ງຂັນ 1 ຮອບ ແລະ ສະໂມສອນທີ່ໄດ້ອັນດັບທີ 1-4 ເຂົ້າຮອບຕໍ່ໄປເພື່ອແຂ່ງຂັນເອົາສະໂມສອນທີ່ໄດ້ຊະນະເລີດຕາມລຳດັບ, ເຊິ່ງຕາຕະຕາລາງແຂ່ງຂັນຈະລະບຸສະໂມສອນ ເຈົ້າບ້ານ ແລະ ສະໂມສອນມາຢາມ, ສ່ວນເວລາ ການແຂ່ງຂັນບານເຕະ ເຍົາວະຊົນຊາຍ U15ຊີງຂັນ ສຕລ ແມ່ນຈະແຂ່ງຂັນ 80 ນາທີ
ສ່ວນ ການແຂ່ງຂັນບານເຕະ ເຍົາວະຊົນຊາຍ U18 ແມ່ນແຂ່ງຂັນ 90 ນາທີ.
ສໍາລັບເງິນລາງວັນຕ່າງໆ ການແຂ່ງຂັນບານເຕະເຍົາວະຊົນຊາຍ U15ແລະ ການແຂ່ງຂັນບານເຕະ ເຍົາວະຊົນຊາຍ U18 , ສະໂມສອນ ທີ່ໄດ້ຮັບຊະນະເລີດ ຈະໄດ້ຮັບເງິນລາງວັນ 15.000.000 ກີບ ພ້ອມຂັນ 1 ຫນ່ວຍ ແລະ ຫຼຽນຊະນະເລີດ, ສະໂມສອນ ທີ່ໄດ້ຮອງຊະນະເລີດ ແມ່ນໄດ້ຮັບເງິນ 8.000.000 ກີບ ແລະ ຫຼຽນ, ສະໂມສອນ ທີ່ໄດ້ຮອງອັນດັບ 2 ໄດ້ຮັບເງິນ 5.000.000 ກີບ ແລະ ຫລຽນ, ເງິນລາງວັນປະເພດບຸກຄົນຈະມີ ລາງວັນຜູ້ຍິງປະຕູສູງສຸດ ໄດ້ຮັບຂັນລາງວັນ 1 ໜ່ວຍ, ຜູ້ຮັກສາປະຕູດີເດັ່ນ ໄດ້ຮັບຂັນລາງວັນ 1 ຫນ່ວຍ, ຄູຝຶກດີເດັ່ນ ໄດ້ຮັບຂັນລາງວັນ 1 ຫນ່ວຍ ແລະ ລາງວັນນັກເຕະດີເດັ່ນປະຈຳການແຂ່ງຂັນ ຈະໄດ້ຮັບຂັນລາງວັນ 1 ຫນ່ວຍ.
ສຳລັບອາທິດທີ 1 ການແຂ່ງຂັນບານເຕະ ເຍົາວະຊົນຊາຍ U15 ແມ່ນຈະແຂ່ງຂັນວັນເສົາ 13/08/2022 ເວລາ 15:00 ສະໂມສອນ ກິລາບານເຕະ ຊ້າງ​ນ້ອຍ ພົບ ສະໂມສອນ ກິລາບານເຕະ ​ຈຳ​ປ​າ​ສັກ ແຂ່ງຂັນທີ່ສະຫນາມຫຍ້າທຽມ ສຕລ ສະຫນາມ 1, ເວລາ 15:00 ສະໂມສອນ ກິລາບານເຕະ ​ເອ​ສະ​ຣາ ພົບ ສະໂມສອນ ກິລາບານເຕະ ​ກອງ​ທັບ ແຂ່ງຂັນທີ່ສະຫນາມຫຍ້າທຽມ ສຕລ ສະຫນາມ 2, ເວລາ 18:00 ສະໂມສອນ ວຽງ​ຈັນ ພົບ ສະໂມສອນ ກິລາບານເຕະ ມາ​ສ​ເຕີ້ ເຊ​ເວັ້ນ ທີ່ສະຫນາມຫຍ້າທຽມ ສຕລ ສະຫນາມ 1.
ຂະນະ ທີ່ ການແຂ່ງຂັນບານເຕະ ເຍົາວະຊົນຊາຍ U18ແມ່ນຈະແຂ່ງຂັນວັນອາທິດ 14/08/2022 ວລາ 15:00 ສະໂມສອນ ກິລາບານເຕະ ຊ້າງ​ນ້ອຍ ພົບ ສະໂມສອນ ກິລາບານເຕະ ​ຈຳ​ປ​າ​ສັກ ແຂ່ງຂັນທີ່ສະຫນາມຫຍ້າທຽມ ສຕລ ສະຫນາມ 1, ເວລາ 15:00 ສະໂມສອນ ກິລາບານເຕະ ​ເອ​ສະ​ຣາ ພົບ ສະໂມສອນ ກິລາບານເຕະ ​ກອງ​ທັບ ແຂ່ງຂັນທີ່ສະຫນາມຫຍ້າທຽມ ສຕລ ສະຫນາມ 2, ເວລາ 18:00 ສະໂມສອນ ວຽງ​ຈັນ ພົບ ສະໂມສອນ ກິລາບານເຕະ ມາ​ສ​ເຕີ້ ເຊ​ເວັ້ນ ທີ່ສະຫນາມຫຍ້າທຽມ ສຕລ ສະຫນາມ 1.
ແຟນບານມັກເຊຍຄູ່ໃດ,ກໍສາມາດຮ່ວມຕິດຕາມຮັບຊົມ ການແຂ່ງຂັນໄດ້ຢູ່ທີ່ ສະຫນາມຫຍ້າທຽມ ສຕລ ບ້ານຫ້ວຍຫົງ ເມືອງ ຈັນທະບູລີ ນະຄອນຫຼວງວຽງຈັນ ເຂົ້າຊົມແບບບໍ່ເສຍຄ່າ (FREE) ແລະ ສາມາດຕິດຕາມການຖ່າຍທອດສົດທາງ Elevents Sports.
ຂອບໃຈຂໍ້ມູນ ແລະ ຮຸບພາບຈາກ ສຕລ
ການແຂ່ງຂັນບານເຕະເຍົາວະຊົນຊາຍຊີງຂັນ ສຕລ U15 ແລະ U18 ວັນທີ 13-14 ສິງຫາ 2022 ນີ້ -    AD conten website - ການແຂ່ງຂັນບານເຕະເຍົາວະຊົນຊາຍຊີງຂັນ ສຕລ U15 ແລະ U18 ວັນທີ 13-14 ສິງຫາ 2022 ນີ້
ການແຂ່ງຂັນບານເຕະເຍົາວະຊົນຊາຍຊີງຂັນ ສຕລ U15 ແລະ U18 ວັນທີ 13-14 ສິງຫາ 2022 ນີ້ - lattana banner - ການແຂ່ງຂັນບານເຕະເຍົາວະຊົນຊາຍຊີງຂັນ ສຕລ U15 ແລະ U18 ວັນທີ 13-14 ສິງຫາ 2022 ນີ້
ການແຂ່ງຂັນບານເຕະເຍົາວະຊົນຊາຍຊີງຂັນ ສຕລ U15 ແລະ U18 ວັນທີ 13-14 ສິງຫາ 2022 ນີ້ - lattana banner 1 - ການແຂ່ງຂັນບານເຕະເຍົາວະຊົນຊາຍຊີງຂັນ ສຕລ U15 ແລະ U18 ວັນທີ 13-14 ສິງຫາ 2022 ນີ້
error: Alert: ເນື້ອຫາຂ່າວມີລິຂະສິດ !!