ປະຊາກອນຍີ່ປຸ່ນຫຼຸດລົງເປັນປະຫວັດສາດຫຼາຍກວ່າ 700.000 ຄົນ

- 298787771 782849833163719 7892339527502690453 n - ປະຊາກອນຍີ່ປຸ່ນຫຼຸດລົງເປັນປະຫວັດສາດຫຼາຍກວ່າ 700.000 ຄົນ
- 16583075379783 - ປະຊາກອນຍີ່ປຸ່ນຫຼຸດລົງເປັນປະຫວັດສາດຫຼາຍກວ່າ 700.000 ຄົນ
ຂ່າວຕ່າງປະເທດລາຍງານ ວັນທີ 10 ສິງຫາ 2022 ຜ່ານມານີ້ວ່າ: ກະຊວງພາຍໃນ ແລະ ການສື່ສານຂອງຍີ່ປຸ່ນໄດ້ລາຍງານສະຖິຕິປະຊາກອນພາຍໃນປະເທດຢູ່ທີ່ 125.927.902 ລ້ານຄົນ ເມື່ອນັບມາເຖິງວັນທີ 1 ມັງກອນທີ່ຜ່ານ ຊຶ່ງຖືວ່າເປັນການຫຼຸດລົງຄັ້ງໃຫຍ່ທີ່ສຸດທັງໃນດ້ານຈຳນວນໂດຍລວມ ແລະ ໃນດ້ານອັດຕາສ່ວນ ນັບຕັ້ງແຕ່ມີການບັນທຶກຂໍ້ມູນຢ່າງເປັນທາງການເມື່ອປີ 1950.
ສະຖິຕິດັ່ງກ່າວເປັນສະຖິຕິທີ່ຈຳນວນປະຊາກອນຫຼຸດລົງ 726.342 ຄົນ ຫຼື 0,57% ເມື່ອທຽບກັບສະຖິຕິຂອງປີທີ່ຜ່ານມາ ເນື່ອງຈາກຈຳນວນຜູ້ເສຍຊີວິດນຳໜ້າອັດຕາການເກີດ ແລະ ການຄວບຄຸມຊາຍແດນເພື່ອປ້ອງກັນພະຍາດໂຄວິດ-19 ລວມທັງການຈຳກັດການເດີນທາງເຂົ້າປະເທດ ແລະ ການຕັ້ງຫຼັກປັກຖານໃນຍີ່ປຸ່ນຂອງຊາວຕ່າງປະເທດ ໂດຍຈຳນວນຜູ້ຢູ່ອາໄສຊາວຕ່າງປະເທດໃນຍີ່ປຸ່ນຫຼຸດລົງ 107.202 ຄົນ ຢູ່ທີ່ 2.704.341 ຄົນ ຖືວ່າເປັນການຫຼຸດລົງ 2 ປີຕິດຕໍ່ກັນ ສອດຄ່ອງກັບໄລຍະເວລາການແຜ່ລະບາດຂອງພະຍາດໂຄວິດ-19. ນອກຈາກນີ້, ຂໍ້ມູນຂອງລັດຖະບານຍີ່ປຸ່ນຍັງໄດ້ເປີດເຜີຍວ່າ ອັດຕາສ່ວນຜູ້ມີອາຍຸລະຫວ່າງ 15-64 ປີ ຊຶ່ງຖືວ່າເປັນກຸ່ມປະຊາກອນໄວເຮັດວຽກຂອງປະເທດຢູ່ໃນລະດັບຕ່ຳທີ່ສຸດເປັນປະຫວັດສາດ ຄິດເປັນ 58,99% ຂອງປະຊາກອນທັງໝົດ ຂະນະທີ່ປະຊາກອນໃນກຸ່ມອາຍຸ 65 ປີຂຶ້ນໄປກວມອັດຕາສ່ວນສູງທີ່ສຸດເປັນປະຫວັດສາດຄື 29% ຊີ້ໃຫ້ເຫັນເຖິງທ່າອ່ຽງຂອງພາວະສັງຄົມຜູ້ສູງອາຍຸທີ່ເປັນໂຕເລກສູງຂຶ້ນ.
-    AD conten website - ປະຊາກອນຍີ່ປຸ່ນຫຼຸດລົງເປັນປະຫວັດສາດຫຼາຍກວ່າ 700.000 ຄົນ
- lattana banner 1 - ປະຊາກອນຍີ່ປຸ່ນຫຼຸດລົງເປັນປະຫວັດສາດຫຼາຍກວ່າ 700.000 ຄົນ
- lattana banner - ປະຊາກອນຍີ່ປຸ່ນຫຼຸດລົງເປັນປະຫວັດສາດຫຼາຍກວ່າ 700.000 ຄົນ
error: Alert: ເນື້ອຫາຂ່າວມີລິຂະສິດ !!