ຈອນສັນ ກຽມຍົກເລີກຜະລິດ-ຈຳໜ່າຍ ແປ້ງເດັກທີ່ຜະລິດຈາກແຮ່ທັລ ປ່ຽນເປັນແປ້ງເຂົ້າສາລີ

- 104811222 gettyimages 998003060 - ຈອນສັນ ກຽມຍົກເລີກຜະລິດ-ຈຳໜ່າຍ ແປ້ງເດັກທີ່ຜະລິດຈາກແຮ່ທັລ ປ່ຽນເປັນແປ້ງເຂົ້າສາລີ
- 16583075379783 - ຈອນສັນ ກຽມຍົກເລີກຜະລິດ-ຈຳໜ່າຍ ແປ້ງເດັກທີ່ຜະລິດຈາກແຮ່ທັລ ປ່ຽນເປັນແປ້ງເຂົ້າສາລີ

ຈອນສັນ ແອນ ຈອນສັນ ປະກາດວ່າ: ບໍລິສັດກຽມຢຸດຜະລິດ ແລະ ຈຳໜ່າຍແປ້ງເດັກທີ່ຜະລິດຈາກແຮ່ທັລທົ່ວໂລກໃນປີໜ້າ ໂດຍຖືເປັນເວລາຫລາຍກວ່າ 2 ປີແລ້ວ ຫລັງຈາກຢຸດຂາຍຜະລິດຕະພັນດັ່ງກ່າວໃນອາເມລິກາ ເນື່ອງຈາກບໍລິສັດຖືກຟ້ອງຮ້ອງດຳເນີນຄະດີກ່ຽວກັບຄວາມປອດໄພຂອງຜູ້ບໍລິໂພກ.

ສຳນັກຂ່າວຣອຍເຕີລາຍງານວ່າ: ຈອນສັນ ແອນ ຈອນສັນ ປະກາດໃນປີ 2020 ວ່າ: ບໍລິສັດຈະຢຸດການຂາຍແປ້ງເດັກທີ່ຜະລິດຈາກແຮ່ທັລໃນອາເມລິກາ ແລະ ການາດາ ເພາະຄວາມຕ້ອງການຊື້ຫລຸດລົງ ເນື່ອງຈາກຜູ້ຊົມໃຊ້ໄດ້ຮັບຂໍ້ມູນທີ່ບໍ່ຖືກຕ້ອງກ່ຽວກັບຄວາມປອດໄພຂອງຜະລິດຕະພັນ. ຂະນະທີ່ບໍລິສັດຜະເຊີນການຖືກຟ້ອງຮ້ອງດຳເນີນຄະດີຈຳນວນຫລາຍ.

ຈອນສັນ ແອນ ຈອນສັນ ຖືກຜູ້ຊົມໃຊ້ຍື່ນຟ້ອງປະມານ 38.000 ຄະດີ ໂດຍອ້າງວ່າຜະລິດຕະພັນແປ້ງເດັກທີ່ຜະລິດຈາກແຮ່ທັລເຮັດໃຫ້ເກີດພະຍາດມະເຮັງ ເນື່ອງຈາກມີການປົນເປື້ອນຂອງແຮ່ໄຍຫິນ ເຊິ່ງເປັນສານກໍ່ມະເຮັງ.

ຈອນສັນ ແອນ ຈອນສັນ ປະຕິເສດຂໍ້ກ່າວຫາ ໂດຍກ່າວວ່າ: ການທົດລອງທາງວິທະຍາສາດ ແລະ ການອະນຸມັດດ້ານກົດລະບຽບໃນໄລຍະຫລາຍສິບປີຜ່ານມາບໍ່ສະແດງໃຫ້ເຫັນວ່າແປ້ງທາໂຕນັ້ນປອດໄພ ແລະ ປາສະຈາກແຮ່ໄຍຫິນ ໂດຍໃນວັນທີ 11 ສິງຫາຜ່ານມາ ບໍລິສັດຍັງໄດ້ເນັ້ນຄຳຖະແຫລງດັ່ງກ່າວເມື່ອມີການປະກາດການຢຸດຜະລິດແປ້ງ.

ທັງນີ້, ລາຍງານການສືບສວນຂອງສຳນັກຂ່າວຣອຍເຕີໃນປີ 2018 ພົບວ່າ: ຈອນສັນ ແອນ ຈອນສັນ ຮູ້ມາຫລາຍສິບປີແລ້ວວ່າ: ແຮ່ໄຍຫິນ ເຊິ່ງເປັນສານກໍ່ມະເຮັງມີຢູ່ໃນຜະລິດຕະພັນແປ້ງທາໂຕ ໂດຍບັນທຶກພາຍໃນຂອງບໍລິສັດ ຄຳໃຫ້ການໃນລະຫວ່າງການທົດລອງ ແລະ ຫລັກຖານອື່ນໆ ສະແດງໃຫ້ເຫັນວ່າຢ່າງໜ້ອຍນັບແຕ່ປີ 1971 ເຖິງປີ 2000 ບາງຄັ້ງແປ້ງຝຸ່ນດິບ ແລະ ແປ້ງທາໂຕສຳເລັດຮູບຂອງຈອນສັນ ແອນ ຈອນສັນ ສາມາດຜ່ານການທົດລອງ ຫາກມີແຮ່ໄຍຫິນຈຳນວນເລັກໜ້ອຍຢູ່ໃນຜະລິດຕະພັນ.

ແປ້ງເດັກຈອນສັນວາງຈຳໜ່າຍມາແຕ່ປີ 1894 ຊ່ວຍສ້າງພາບພົດໃຫ້ບໍລິສັດເບິ່ງເປັນມິດກັບຄອບຄົວ. ທັງນີ້ ການນຳສະເໜີການຕະຫລາດພາຍໃນຂອງຈອນສັນ ແອນ ຈອນສັນ ໃນປີ 1999 ໄດ້ອ້າງເຖິງແຜນຜະລິດຕະພັນສຳລັບເດັກ ໂດຍມີຜະລິດຕະພັນແປ້ງເດັກເປັນສິນຄ້າຫລັກ ແລະ ຖືເປັນສິນຄ້າອັນດັບ 1 ຂອງບໍລິສັດ. ເຖິງຢ່າງໃດກໍຕາມ, ປັດຈຸບັນຜະລິດຕະພັນແປ້ງເດັກມີອັດຕາພຽງ 0,5% ຂອງທຸລະກິດດ້ານສຸຂະພາບສຳລັບຜູ້ຊົມໃຊ້ໃນອາເມລິກາເທົ່ານັ້ນ.

- lattana banner - ຈອນສັນ ກຽມຍົກເລີກຜະລິດ-ຈຳໜ່າຍ ແປ້ງເດັກທີ່ຜະລິດຈາກແຮ່ທັລ ປ່ຽນເປັນແປ້ງເຂົ້າສາລີ
-    AD conten website - ຈອນສັນ ກຽມຍົກເລີກຜະລິດ-ຈຳໜ່າຍ ແປ້ງເດັກທີ່ຜະລິດຈາກແຮ່ທັລ ປ່ຽນເປັນແປ້ງເຂົ້າສາລີ
- lattana banner 1 - ຈອນສັນ ກຽມຍົກເລີກຜະລິດ-ຈຳໜ່າຍ ແປ້ງເດັກທີ່ຜະລິດຈາກແຮ່ທັລ ປ່ຽນເປັນແປ້ງເຂົ້າສາລີ
error: Alert: ເນື້ອຫາຂ່າວມີລິຂະສິດ !!