ສ.ເກົາຫລີ ອະໄພຍະໂທດຜູ້ບໍລິຫານຊຳຊຸງ ຈາກຄະດີຕິດສິນບົນອະດີດປະທານາທິບໍດີ ຫວັງມີບົດບາດຊ່ວຍປະເທດພົ້ນວິກິດ

- Second chances South Korea pardons Samsung boss 039to help the - ສ.ເກົາຫລີ ອະໄພຍະໂທດຜູ້ບໍລິຫານຊຳຊຸງ ຈາກຄະດີຕິດສິນບົນອະດີດປະທານາທິບໍດີ ຫວັງມີບົດບາດຊ່ວຍປະເທດພົ້ນວິກິດ
- 16583075379783 - ສ.ເກົາຫລີ ອະໄພຍະໂທດຜູ້ບໍລິຫານຊຳຊຸງ ຈາກຄະດີຕິດສິນບົນອະດີດປະທານາທິບໍດີ ຫວັງມີບົດບາດຊ່ວຍປະເທດພົ້ນວິກິດ

ທາຍາດຊຳຊຸງໄດ້ຮັບການອະໄພຍະໂທດຈາກປະທານາທິບໍດີ ສ.ເກົາຫລີ, ລັດຖະບານເຜີຍກະທຳໄປເພື່ອຊ່ວຍເຫລືອເສດຖະກິດປະເທດ.

ກະຊວງຍຸຕິທຳ ສ.ເກົາຫລີ ປະກາດລາຍຊື່ບຸກຄົນທີ່ໄດ້ຮັບການອະໄພຍະໂທດຈາກປະທານາທິບໍດີ ຢຸນ ຊອກຢໍ ເນື່ອງໃນວັນສະຫລອງອິດສະຫລະພາບເກົາຫລີ ໂດຍມີລາຍຊື່ບຸກຄົນສຳຄັນເຊັ່ນ: ທ່ານ ອີ ແຈຢອງ ຮອງປະທານບໍລິສັດຊຳຊຸງ ເອເລັກໂຕຣນິກ ຈຳກັດ ແລະ ທ່ານ ຊິນ ດົງບິນ ປະທານບໍລິສັດລ໊ອດເຕ ຄໍປໍເຣຊັນ ຈຳກັດ ລວມຢູ່ນຳ.

ສຳລັບກໍລະນີຂອງທ່ານ ອີ ເຊິ່ງເປັນທາຍາດເຈົ້າຂອງຊຳຊຸງນັ້ນ ຖືເປັນໜຶ່ງໃນຄະດີໃຫຍ່ລະດັບປະເທດ ຈາກການທີ່ທ່ານຖືກສານຕັດສິນວ່າກະທຳການຕິດສິນບົນອະດີດປະທານາທິບໍດີ ພັກ ກິນເຮ ທີ່ຖືກຖອດຖອນໄປໃນປີ 2017 ຈົນໄດ້ຮັບໂທດຕິດຄຸກເປັນເວລາ 2 ປີເຄິ່ງ.

ໃນເວລາຕໍ່ມາ, ທ່ານ ອີ ໄດ້ຮັບການປ່ອຍຕົວອອກມາຈາກຄຸກກ່ອນກຳນົດພາຍໃຕ້ເງື່ອນໄຂທັນບົນໃນເດືອນສິງຫາປີກ່ອນ ແລະ ຫາກໍຈະພົ້ນໂທດຢ່າງເປັນທາງການໃນວັນທີ 29 ກໍລະກົດຜ່ານມາ ແຕ່ຍັງຖືກຈຳກັດສິນທິດບາງປະການຢູ່.

ກໍລະນີທີ່ໄດ້ຮັບອະໄພຍະໂທດຈາກປະທານາທິບໍດີ ສ.ເກົາຫລີ ຄົນປັດຈຸບັນໃນວັນທີ 12 ສິງຫາ ເຮັດໃຫ້ທ່ານ ອີ ໄດ້ຮັບສິດກັບຄືນມາທັງໝົດ ເຊິ່ງໄດ້ຮັບການຄາດໝາຍວ່າຈະມີສ່ວນຊ່ວຍໃນເລື່ອງການລົງທຶນດ້ານຕ່າງໆຂອງປະເທດ ທ່າມກາງວິກິດເສດຖະກິດທີ່ທົ່ວໂລກກຳລັງຜະເຊີນຢູ່.

ທ່ານ ຮານ ດົງຮຸນ ລັດຖະມົນຕີວ່າການກະຊວງຍຸຕິທຳ ສ.ເກົາຫລີ ເປີດເຜີຍວ່າ: ຫລັກສຳຄັນຂອງການອະໄພຍະໂທດຄັ້ງນີ້ ເປັນການກະທຳເພື່ອຊີວິດການເປັນຢູ່ຂອງປະຊາຊົນ ແລະ ການຟື້ນຟູເສດຖະກິດຂອງປະເທດ ແນ່ນອນວ່າລັດຖະບານຈະເບິ່ງແຍງປະຊາຊົນ ແຕ່ໃນຂະນະດຽວກັນ ເສດຖະກິດກໍຄວນດຳເນີນໄປດ້ວຍດີເພື່ອໃຫ້ຄົນມີໂອກາດໄດ້ຫາຍໃຈ.

ຫລັງໄດ້ຮັບຂ່າວການອະໄພຍະໂທດ, ທ່ານ ດີ ໄດ້ກ່າວຕໍ່ນັກຂ່າວວ່າ: ຂອບໃຈຫລາຍໆທີ່ໃຫ້ໂອກາດທ່ານໃນການເລີ່ມຕົ້ນໃໝ່, ທ່ານຈະພະຍາຍາມຢ່າງໜັກໃນການປະຕິບັດໜ້າທີ່ ແລະ ຮັບຜິດຊອບໃນຖານະນັກທຸລະກິດ, ທ່ານຈະຕອບແທນປະຊາຊົນ ແລະ ລັດຖະບານດ້ວຍການລົງທຶນຢ່າງຕໍ່ເນື່ອງ ແລະ ເພີ່ມການຈ້າງວຽກໃຫ້ຄົນລຸ້ນໃໝ່.

ນອກຈາກບຸກຄົນທີ່ກ່າວມາແລ້ວ ຍັງມີຜູ້ທີ່ໄດ້ຮັບການອະໄພຍະໂທດຈາກປະທານາທິບໍດີໃນຄັ້ງນີ້ອີກ 1.691 ຄົນ ສ່ວນຫລາຍເປັນຜູ້ກະທຳຄວາມຜິດໃນຄະດີບໍ່ຮ້າຍແຮງ, ເຈົ້າຂອງທຸລະກິດນ້ອຍໆ ແລະ ຜູ້ຖືກຂັງທີ່ຕ້ອງໄດ້ຮັບການເບິ່ງແຍງເປັນພິເສດ.

ອ້າງອີງ:

https://asia.nikkei.com/…/South-Korea-s-president…

https://en.yna.co.kr/view/AEN20220812001254315

- lattana banner 1 - ສ.ເກົາຫລີ ອະໄພຍະໂທດຜູ້ບໍລິຫານຊຳຊຸງ ຈາກຄະດີຕິດສິນບົນອະດີດປະທານາທິບໍດີ ຫວັງມີບົດບາດຊ່ວຍປະເທດພົ້ນວິກິດ
- lattana banner - ສ.ເກົາຫລີ ອະໄພຍະໂທດຜູ້ບໍລິຫານຊຳຊຸງ ຈາກຄະດີຕິດສິນບົນອະດີດປະທານາທິບໍດີ ຫວັງມີບົດບາດຊ່ວຍປະເທດພົ້ນວິກິດ
-    AD conten website - ສ.ເກົາຫລີ ອະໄພຍະໂທດຜູ້ບໍລິຫານຊຳຊຸງ ຈາກຄະດີຕິດສິນບົນອະດີດປະທານາທິບໍດີ ຫວັງມີບົດບາດຊ່ວຍປະເທດພົ້ນວິກິດ
error: Alert: ເນື້ອຫາຂ່າວມີລິຂະສິດ !!