ອິນໂດເນເຊຍເຕືອນປະຊາຊົນ ກຽມຮັບມືລາຄານ້ຳມັນແພງຂຶ້ນ

- IG5R6TVORBMWHFXTILFWT7UERU1 - ອິນໂດເນເຊຍເຕືອນປະຊາຊົນ ກຽມຮັບມືລາຄານ້ຳມັນແພງຂຶ້ນ
- 16583075379783 - ອິນໂດເນເຊຍເຕືອນປະຊາຊົນ ກຽມຮັບມືລາຄານ້ຳມັນແພງຂຶ້ນ

ເຈົ້າໜ້າທີ່ລະດັບສູງຂອງລັດຖະບານອິນໂດເນເຊຍ ກ່າວວ່າ: “ມີຄວາມເປັນໄປໄດ້” ທີ່ລັດຖະບານອາດຂຶ້ນລາຄາເຊື້ອໄຟ ເພື່ອຮັກສາສະຖຽນລະພາບຂອງກອງທຶນອຸດໜູນ ທ່າມກາງວິກິດເສດຖະກິດໂລກ.

ວັນທີ 12 ສິງຫາ 2022, ສຳນັກຂ່າວຕ່າງປະເທດລາຍງານວ່າ: ທ່ານ ບາລິລ ລາຮາດາເລຍ ລັດຖະມົນຕີການລົງທຶນຂອງອິນໂດເນເຊຍ ກ່າວວ່າ: ງົບປະມານອຸດໜູນເຊື້ອໄຟຂອງລັດຖະບານເພີ່ມຂຶ້ນສາມເທົ່າ ເປັນ 502 ພັນຕື້ຣູເປຍໃນປີນີ້ ເພື່ອຮັກສາລາຄາເຊື້ອໄຟ ແລະ ກະແສໄຟຟ້າໃຫ້ມີສະຖຽນລະພາບຫລາຍ ແລະ ດົນທີ່ສຸດ ທ່າມກາງວິກິດເງິນເຟີ້ ເຊິ່ງສົ່ງຜົນກະທົບຢ່າງໜັກຕໍ່ຄ່າຄອງຊີບຂອງປະຊາຊົນ.

ເຖິງຢ່າງໃດກໍຕາມ, ໃນກໍລະນີເງິນຣູເປຍຍັງອ່ອນຄ່າ ແລ້ວລາຄາເຊື້ອໄຟໃນຕະຫລາດໂລກຍັງເພີ່ມສູງ ຖ້າລັດຖະບານຕັດສ່ວນເພີ່ມໂກຕ້າການອຸດໜູນເຊື້ອໄຟຈາກ 23 ລ້ານກິໂລລິດ ເປັນ 29 ລ້ານກິໂລລິດ, ງົບປະມານເພື່ອການນີ້ອາດເພີ່ມຂຶ້ນອີກເປັນ 600 ພັນຕື້ຣູເປຍ ເຊິ່ງເປັນເລື່ອງທີ່ “ບໍ່ສົມເຫດສົມຜົນເທົ່າໃດໃນສະຖານະການແບບນີ້” ຖ້າມາດຕະການອຸດໜູນເຊື້ອໄຟເປັນອັດຕາສ່ວນສູງເຖິງ 1 ໃນ 4 ຂອງງົບປະມານທົ່ວປະເທດ ທ່ານຈຶ່ງຂໍໃຫ້ທຸກພາກສ່ວນ ໂດຍສະເພາະປະຊາຊົນ ກຽມຄວາມພ້ອມຮັບມືໄລຍະເວລາທີ່ຈະຕ້ອງມີການຂຶ້ນລາຄາເຊື້ອໄຟ.

ທັງນີ້, ນັກເສດຖະສາດທັງໃນ ແລະ ຕ່າງປະເທດວິຈານກໍລະນີທີ່ລັດຖະບານອິນໂດເນເຊຍທຸ້ມງົບປະມານໃສ່ໂຄງການອຸດໜູນເຊື້ອໄຟ ວ່າເປັນການດຶງເງິນໄປຈາກ “ໂຄງການພັດທະນາທີ່ສຳຄັນຫລາຍກວ່າ”. ຂະນະດຽວກັນ ກໍລະນີລາຄາເຊື້ອໄຟ ເຊິ່ງບໍ່ໄດ້ຢູ່ໃນໂກຕ້າອຸດໜູນກັບທີ່ຮ່ວມກອງທຶນອຸດໜູນຂອງລັດ “ມີລາຄາແຕກຕ່າງກັນຫລາຍ” ນຳໄປສູ່ການປ່ຽນແປງຮູບແບບການດຳລົງຊີວິດຂອງປະຊາຊົນ ແລະ ເກີດການຄ້າເຊື້ອໄຟເຖື່ອນ.

ອ້າງອີງ:

https://www.reuters.com/markets/commodities/indonesians-must-prepare-potential-fuel-price-hike-minister-says-2022-08-12/

- lattana banner 1 - ອິນໂດເນເຊຍເຕືອນປະຊາຊົນ ກຽມຮັບມືລາຄານ້ຳມັນແພງຂຶ້ນ
-    AD conten website - ອິນໂດເນເຊຍເຕືອນປະຊາຊົນ ກຽມຮັບມືລາຄານ້ຳມັນແພງຂຶ້ນ
- lattana banner - ອິນໂດເນເຊຍເຕືອນປະຊາຊົນ ກຽມຮັບມືລາຄານ້ຳມັນແພງຂຶ້ນ
error: Alert: ເນື້ອຫາຂ່າວມີລິຂະສິດ !!