ມຊ ຈະປະກາດຜົນການສອບເສັງສົກສຶກສາ 2022-2023 ເດືອນກັນຍານີ້

- 6629235 orig 750x500 1 - ມຊ ຈະປະກາດຜົນການສອບເສັງສົກສຶກສາ 2022-2023 ເດືອນກັນຍານີ້
- 16583075379783 - ມຊ ຈະປະກາດຜົນການສອບເສັງສົກສຶກສາ 2022-2023 ເດືອນກັນຍານີ້

 

ມະຫາວິທະຍາໄລແຫ່ງຊາດ (ມຊ) ຄາດວ່າ ຈະປະກາດຜົນ ການສອບເສັງໃຫ້ສັງຄົມຮັບຊາບ ກ່ອນວັນທີ 12 ກັນຍາ 2022 ແລະ ເປີດໃຫ້ນັກສຶກສາຜູ້ເສັງໄດ້ມາລົງທະບຽນ ແລະ ໃນວັນທີ 10 ຕຸລາ 2022 ນັກສຶກສາໃໝ່ ປີທີ 1 ແມ່ນເລີ່ມ ເຂົ້າຮຽນ ຂອງສົກສຶກສາ 2022–2023. ມະຫາວິທະຍາໄລ ແຫ່ງຊາດ ໄດ້ຈັດສອບເສັງຄັດເລືອກເອົານັກສຶກສາໃໝ່ ປະຈໍາສົກສຶກສາ 2022-2023 ໃນວັນທີ ວັນທີ 13 ສິງຫາ ຜ່ານມາ ທີ່ມະຫາວິທະຍາໄລແຫ່ງຊາດ.

ທ່ານ ຮຸ່ງເພັດ ຈັນທະວົງ ຮອງອະທິການບໍດີ ຜູ້ຊີ້ນຳວຽກງານ ວິຊາການ ມຊ ໄດ້ກ່າວວ່າ: ສຳລັບ ສົກສຶກສາ 2022-2023 ແມ່ນມີນັກສຶກສາຮ່ວມສອບເສັງຕົວຈິງ 10 ພັນກວ່າຄົນ, ແຕ່ ມະຫາວິທະຍາໄລແຫ່ງຊາດ ຈະຮັບນັກສຶກສາເຂົ້າຮຽນໃໝ່ 6.990 ຄົນ ເທົ່ານັ້ນ. ໃນນີ້, ປະລິນຍາຕີ 5.150 ຄົນ, ປະລິນຍາຕີຕໍ່ເນື່ອງ 1.480 ຄົນ, ຫລັກສູດນານາຊາດ+ຫລັກສູດ ຄູພາສາຈີນ 210 ຄົນ, ອະນຸປະລິນຍາ 150 ຄົນ.

ມຊ ເປັນສະຖາບັນການສຶກສາທີ່ມີຫລາກຫລາຍສາຂາ ວິຊາຮຽນ ແຫ່ງທຳອິດຂອງລາວ ປະກອບມີ 13 ຄະນະວິຊາ, ມີຫລັກສູດ ລະດັບປະລິນຍາຕີ 118 ສາຂາວິຊາ, ຫລັກສູດຕໍ່ເນື່ອງ ປະລິນຍາຕີ 42 ສາຂາວິຊາ ແລະ ຫລັກສູດລະດັບອະນຸປະລິນຍາ 4 ສາຂາວິຊາ. ນອກຈາກນີ້, ຍັງມີຫລັກສູດປະລິນຍາ ເອກ 6 ຫລັກສູດ, ຫລັກສູດປະລິນຍາໂທ 63 ຫລັກສູດ, ໃນແຕ່ລະ ສາຂາວິຊາແມ່ນລ້ວນແຕ່ມີຄວາມສຳຄັນເທົ່າກັນ.

-    AD conten website - ມຊ ຈະປະກາດຜົນການສອບເສັງສົກສຶກສາ 2022-2023 ເດືອນກັນຍານີ້
- lattana banner - ມຊ ຈະປະກາດຜົນການສອບເສັງສົກສຶກສາ 2022-2023 ເດືອນກັນຍານີ້
- lattana banner 1 - ມຊ ຈະປະກາດຜົນການສອບເສັງສົກສຶກສາ 2022-2023 ເດືອນກັນຍານີ້
error: Alert: ເນື້ອຫາຂ່າວມີລິຂະສິດ !!