ເຈົ້າໜ້າທີ່ ປກສ ແຂວງບໍ່ແກ້ວ ບຸກຈັບພໍ່ຄ້າຢາເສບຕິດລາຍໃຫຍ່ ພ້ອມຂອງກາງ 6.608.000 ເມັດ

- 299655498 491162396346357 8760910003434693810 n - ເຈົ້າໜ້າທີ່ ປກສ ແຂວງບໍ່ແກ້ວ ບຸກຈັບພໍ່ຄ້າຢາເສບຕິດລາຍໃຫຍ່ ພ້ອມຂອງກາງ 6.608.000 ເມັດ
- 16583075379783 - ເຈົ້າໜ້າທີ່ ປກສ ແຂວງບໍ່ແກ້ວ ບຸກຈັບພໍ່ຄ້າຢາເສບຕິດລາຍໃຫຍ່ ພ້ອມຂອງກາງ 6.608.000 ເມັດ

ປກສ ແຂວງບໍ່ແກ້ວ ໃຫ້ຮູ້ວ່າ: ອີງຕາມຂໍ້ມູນແຫຼງຂ່າວຂອງສູນປະສານງານ 4 ຝ່າຍປະຈຳບ້ານມອມ ເມືອງຕົ້ນເຜິ້ງ ແຂວງບໍ່ແກ້ວ ວ່າ ຈະມີກຸ່ມຄົນບໍ່ດີລັກລອບຂົນສົ່ງຢາເສບຕິດຈາກປະເທດມຽນມາເຂົ້າມາແຂວງບໍ່ແກ້ວ ( ເມືອງຕົ້ນເຜິ້ງ ). ຈາກນັ້ນ, ກອງບັນຊາການ ປກສ ແຂວງ ໄດ້ຊີ້ນຳຫ້ອງວິຊາສະເພາະທີ່ກ່ຽວຂ້ອງລົງສົມທົບກັບສູນປະສານງານ 4 ປະເທດ ( ຝ່າຍຈີນ ) ທີ່ປະຈຳຢູ່ດ່ານບ້ານມອມ ຕິດຕາມເປົ້າໝາຍ.
- 299774813 491162373013026 3368032341168830971 n 1024x768 - ເຈົ້າໜ້າທີ່ ປກສ ແຂວງບໍ່ແກ້ວ ບຸກຈັບພໍ່ຄ້າຢາເສບຕິດລາຍໃຫຍ່ ພ້ອມຂອງກາງ 6.608.000 ເມັດ
ມາຮອດວັນທີ 6 ສິງຫາ 2022 ເວລາ 12:05 ນາທີ, ເຈົ້າໜ້າທີ່ຕຳຫຼວດ ປກສ ເມືອງຕົ້ນເຜິ້ງແມ່ນໄດ້ເຫັນເປົ້າໝາຍຂີ່ລົດຈັກເຂົ້າໄປບ້ານ ສີບຸນເຮືອງ ເມືອງຕົ້ນເຜິ້ງ ເຈົ້າໜ້າທີ່ຈຶ່ງໄດ້ຕິດຕາມ ແລະ ສາມາດກັກຕົວເປົ້າໝາຍໄດ້ 2 ຄົນຄື: ທ້າວ ພອນ ສຸຕະວົງ ອາຍຸ 45 ປີ ແລະ ນາງ ມອນ ສຸຕະວົງ ອາຍຸ 43 ປີ ຢູ່ບ້ານສີບຸນເຮືອງ ເມືອງຕົ້ນເຜິ້ງ ແຂວງບໍ່ແກ້ວ ທັງສອງຄົນແມ່ນເປັນຜົວເມຍກັນ, ພ້ອມທັງກວດຄົນເຮືອນ ( ເຄຫະສະຖານ ) ຜ່ານການກວດຄົ້ນແມ່ນສາມາດຍຶດໄດ້ເຄື່ອງຂອງກາງຢາເສບຕິດ ( ປະເພດຢາບ້າ ) ຈຳນວນ 3.304ມັດ ເທົ່າກັບ 6.608.000 ເມັດ, ນ້ຳໜັກລວມ 733 ກິໂລກຼາມ ແລະ ຢາເສບຕິດ ( ປະເພດໄອສ໌ ) 1 ກິໂລກຼາມ, ລົດໃຫຍ່ 3 ຄັນ, ລົດຈິບປຼາໂດ 1 ຄັນ, ລົດກະບະລີໂວ 1 ຄັນ, ລົດກະບະນິດ 1 ຄັນ, ເງິນກີບ ຈຳນວນ 80.000.000, ເງິນບາດຈຳນວນ 4.109.000 ບາດ, ເງິນຢວນຈຳນວນ 10.000 ຢວນ.

ຕໍ່ກັບຄະນະດັ່ງກ່າວປັດຈຸບັນທາງເຈົ້າໜ້າທີ່ທີ່ກ່ຽວຂ້ອງພວມດຳເນີນການສືບສວນ-ສອບສວນຂະຜົນຫາກຸ່ມແກ້ງເຄື່ອຂ່າຍ.

ຂ່າວ: ປກສ ແຂວງບໍ່ແກ້ວ

- lattana banner 1 - ເຈົ້າໜ້າທີ່ ປກສ ແຂວງບໍ່ແກ້ວ ບຸກຈັບພໍ່ຄ້າຢາເສບຕິດລາຍໃຫຍ່ ພ້ອມຂອງກາງ 6.608.000 ເມັດ
- lattana banner - ເຈົ້າໜ້າທີ່ ປກສ ແຂວງບໍ່ແກ້ວ ບຸກຈັບພໍ່ຄ້າຢາເສບຕິດລາຍໃຫຍ່ ພ້ອມຂອງກາງ 6.608.000 ເມັດ
-    AD conten website - ເຈົ້າໜ້າທີ່ ປກສ ແຂວງບໍ່ແກ້ວ ບຸກຈັບພໍ່ຄ້າຢາເສບຕິດລາຍໃຫຍ່ ພ້ອມຂອງກາງ 6.608.000 ເມັດ
error: Alert: ເນື້ອຫາຂ່າວມີລິຂະສິດ !!