7 ແຫ່ລງອາຫານທີ່ມີໂປຣຕິນຈາກພືດ ນອກຈາກຊີ້ນສັດ.

- original 1582684631955 - 7 ແຫ່ລງອາຫານທີ່ມີໂປຣຕິນຈາກພືດ ນອກຈາກຊີ້ນສັດ.
- 16583075379783 - 7 ແຫ່ລງອາຫານທີ່ມີໂປຣຕິນຈາກພືດ ນອກຈາກຊີ້ນສັດ.

ແຫ່ລງອາຫານທີ່ມີໂປຣຕິນ ບໍ່ໄດ້ມີແຕ່ສະເພາະຊີ້ນສັດເທົ່ານັ້ນ ສຳລັບໃຜທີ່ກຳລັງແນມຫາແຫ່ລງໂປຣຕິນຈາກພືດ ຂໍແນະນຳເລີຍ ເອີ້ນໄດ້ວ່າອຸດົມໄປດ້ວຍໂປຣຕິນທີ່ດີບໍ່ແພ້ຊີ້ນສັດ ບໍ່ວ່າຈະເປັນຄົນຫລຸດນຳ້ໜັກ ຫລື ຄົນກິນເຈກໍກິນໄດ້ ເຊິ່ງນອກໄປຈາກໂປຣຕິນແລ້ວ ຜັກ-ໝາກໄມ້ເຫລົ່ານີ້ກໍຍັງເປັນແຫ່ລງຂອງວິຕາມິນ ແລະ ແຮ່ທາດຫລາຍໆຊະນິດທີ່ມີປະໂຫຍດຕໍ່ຮ່າງກາຍນຳອີກ.

  1. ໝາກສີດາ : ໝາກສີດາ 100 ກຣາມ ອຸດົມໄປດ້ວຍໂປຣຕິນປະມານ 2,6 ກຣາມ ເອີ້ນໄດ້ວ່າເປັນໝາກໄມ້ທີ່ມີໂປຣຕິນສູງໃນບັນດາໝາກໄມ້ອື່ນໆ ເຊິ່ງນອກໄປຈາກໂປຣຕິນແລ້ວ ໝາກສີດາຍັງອຸດົມໄປດ້ວຍວິຕາມິນ C, ໄຟເບີ, ວິຕາມິນ A, ທາດເຫລັກ,​ ແມັກນີຊຽມ ແລະ ສານຕ້ານອະນຸມູນອິດສະລະ ດັ່ງ ໄລໂຄປີນ ທີ່ມາຊ່ວຍປົກປ້ອງຮ່າງກາຍຈາກຄວາມແກ່ເຖົ້າກ່ອນໄວ.
  2. ໝາກອະໂວກາໂດ້ : ໝາກອະໂວກາໂດ້ 100 ກຣາມ ມີໂປຣຕິນຢູ່ປະມານ 2 ກຣາມ ພ້ອມດ້ວຍໄຂມັນດີທີ່ມີສ່ວນຊ່ວຍຫລຸດຄໍເລສເຕີໂຣນບໍ່ດີ ຫລື ໄຂມັນບໍ່ດີ ແລະ ເພີ່ມໄຂມັນດີ ທັງຍັງມີໂປຕັສຊຽມທີ່ມາຊ່ວຍຄວບຄຸມຄວາມດັນເລືອດ ລວມເຖິງຍັງມີໄຟເບີ, ໂຟເລດ,​ ແມັກນີຊຽມ, ໄຣໂບຟລາວິນ, ໄນອະຊິນ, ວິຕາມິນ C, ວິຕາມິນ E ແລະ ວິຕາມິນ K ນຳອີກ.
  3. ໝາກກີວີ່ : ໝາກກີວີ່ 100 ກຣາມ ມີໂປຣຕິນປະມານ 1,1 ກຣາມ ເຊິ່ງນອກໄປຈາກໝາກກີວີ່ເປັນແຫ່ລງຂອງໂປຣຕິນແລ້ວ ໝາກກີວີ່ຍັງມີວິຕາມິນ E ທີ່ມີຄຸນສົມບັດໃນການຊ່ວຍສະໝານຜິວ ລວມເຖິງຍັງມີວິຕາມິນ C, ວິຕາມິນ K, ໄຟເບີ, ໂປຕັສຊຽມ, ຟົສຟໍ ແລະ ທາດເຫລັກ.
  4. ໝາກແບລັກເບີຣີ : ໝາກແບລັກເບີຣີ 100 ກຣາມ ເປັນແຫ່ລງຂອງໂປຣຕິນປະມານ 1,4 ກຣາມ ເຊິ່ງນອກໄປຈາກໂປຣຕິນແລ້ວ ໝາກແບລັກເບີຣີຍັງເປັນແຫ່ລງຂອງໄຟເບີ, ໂປຕັສຊຽມ, ວິຕາມິນ A, C, K, ທາດເຫລັກ, ທາດການຊຽມ, ແມັກນີຊຽມ, ໂປຕັສຊຽມ, ໂຟເລດ, ແອນໂທໄຊຍານິນ ແລະ ໂພລີຟີນອລ ທີ່ມາຊ່ວຍຕ້ານອະນຸມູນອິດສະລະ ແລະ ກະຕຸ້ນການເຮັດວຽກຂອງລະບົບສະໝອງ.
  5. ເຫັດ : ນອກຈາກຄວາມແຊບແລ້ວ ເຫັດຍັງຖືເປັນອາຫານທີ່ມີສັບພະຄຸນທີ່ໜ້າສົນໃຈ ເພາະເຫັດນັ້ນບໍ່ມີໄຂມັນ, ມີນຳ້ຕານໜ້ອຍ ແລະ ຖືເປັນແຫ່ລງໂປຣຕິນຈາກທຳມະຊາດ ໂດຍໃນເຫັດ 100 ກຣາມ ໃຫ້ໂປຣຕິນສູງເຖິງ 3,1 ກຣາມ. ນອກຈາກນີ້, ໃນເຫັັດຍັງມີແຮ່ທາດ ແລະ ວິຕາມິນຫລາຍກ່ວາ 15 ຊະນິດ ເປັນຕົ້ນແມ່ນໂຟເລດ, ແມັກນີຊຽມ, ໂປຕັສຊຽມ, ວິຕາມິນ B ແລະ ວິຕາມິນ D.
  6. ຜັດກະລໍ່າດອກ : ຖືເປັນຜັກທີ່ອຸດົມໄປດ້ວຍຄຸນຄ່າທາງໂພຊະນາການ ແລະ ຍັງມີກາລໍຣີຕໍ່າ ໂດຍໃນຜັກກະລໍ່າດອກ 100 ກຣາມ ໃຫ້ພະລັງງານພຽງແຕ່ 34 ກິໂລກາລໍຣີ ແລະ ຍັງມີໂປຣຕິນສູງເຖິງ 2,8 ກຣາມ ໂດຍຜັກກະລໍ່າດອກສາມາດທີ່ຈະຊ່ວຍຫລຸດໄຂມັນ, ຊ່ວຍຫລຸດນຳ້ໜັກ, ບຳລຸງຜິວ, ຊ່ວຍເພີ່ມພູມຕ້ານທານໃຫ້ແກ່ຮ່າງກາຍ ແລະ ສາມາດຊ່ວຍປ້ອງກັນການເກີດພະຍາດຕາຟາງ-ຕາຕໍ້ໄດ້.
  7. ໝາກໜອດ : ເປັນໝາກໄມ້ທີ່ມີສັບພະຄຸນຊ່ວຍໃນການຫລຸດນຳ້ໜັກ ແລະ ຫລຸດອາການຖ່າຍຍາກ. ໝາກໄມ້ຊະນິດນີ້ໃຫ້ປະລິມານໂປຣຕິນເຖິງ 2,2 ກຣາມ ຕໍ່ນຳ້ໜັກ 100 ກຣາມ ເຊິ່ງນອກຈາກຈະມີໂປຣຕິນສູງ ໝາກໜອດຍັງສາມາດຊ່ວຍຫລຸດໄຂມັນໃນເສັ້ນເລືອດ, ຊ່ວຍບຳລຸງສາຍຕາ, ຊ່ວຍຫລຸດຄໍເລສເຕີໂຣນ. ນອກຈາກນີ້, ຍັງສາມາດຊ່ວຍໄລ່ສານພິດໃນລຳໄສ້ ແລະ ຊ່ວຍປ້ອງກັນພະຍາດມະເຮັງລຳໄສ້ໄດ້ນຳ.
-    AD conten website - 7 ແຫ່ລງອາຫານທີ່ມີໂປຣຕິນຈາກພືດ ນອກຈາກຊີ້ນສັດ.
- lattana banner 1 - 7 ແຫ່ລງອາຫານທີ່ມີໂປຣຕິນຈາກພືດ ນອກຈາກຊີ້ນສັດ.
- lattana banner - 7 ແຫ່ລງອາຫານທີ່ມີໂປຣຕິນຈາກພືດ ນອກຈາກຊີ້ນສັດ.
error: Alert: ເນື້ອຫາຂ່າວມີລິຂະສິດ !!