ກຳປູເຈຍກວາດຈັບເກືອບ 400 ຄົນ ຫລອກເຫຍື່ອອອນລາຍຢູ່ຈີນ

- 1502964199270 960x0 - ກຳປູເຈຍກວາດຈັບເກືອບ 400 ຄົນ ຫລອກເຫຍື່ອອອນລາຍຢູ່ຈີນ
- Untitled design - ກຳປູເຈຍກວາດຈັບເກືອບ 400 ຄົນ ຫລອກເຫຍື່ອອອນລາຍຢູ່ຈີນ

ຕຳຫລວດ​ກຳປູ​ເຈຍ​ແຈ້ງວ່າ: ນັບ​ແຕ່​ຕົ້ນ​ເດືອນ​ສິງຫາ​ເປັນຕົ້ນມາ ​ໄດ້​ຈັບ​ກຸມ​ຊາວ​ຈີນ ​ແລະ ຊາວ​ໄຕ້​ຫວັນ​ເກືອບ 400 ຄົນ ຕ້ອງ​ສົງ​ໄສ​ຫລອກ​ລວງ​ເຫຍື່ອ​ຢູ່​ຈີນ​ທາງ​ລອນ​ລາຍ.

 

+ ກຳປູເຈຍຈັບແກ້ງຈີນກວ່າ 200 ຄົນ ຫລອກຄົນສົ່ງຮູບເປືອຍແລ້ວຮຽກເອົາເງິນ

 

- Wave100S AD to Website 2020 0 - ກຳປູເຈຍກວາດຈັບເກືອບ 400 ຄົນ ຫລອກເຫຍື່ອອອນລາຍຢູ່ຈີນ

​ໃນ​ວັນ​ທີ 16 ສິງຫາ​ນີ້, ຕຳຫລວດ​ນະຄອນຫລວງ​ພະນົມ​ເປັນ​ຈັບ​ກຸມ​ຊາວ​ຈີນ 225 ຄົນ ​ເປັນ​ຜູ້ຍິງ 25 ຄົນ ທັງ​ໝົດ​ຕ້ອງ​ສົງ​ໄສ​ໃຊ້​ໂທລະສັບ​ທາງ​ອິນ​​ເຕີ​ເນັດ​ຢັກ​ຢອກ​ຊັບ. ​ເຈົ້າໜ້າ​ທີ່​ກຳລັງ​ດຳ​ເນີນ​ຄະດີ​ຢູ່​ຈິງ​ຍັງ​ບໍ່​ຮູ້​ວ່າ​ຈະ​ເນລະ​ເທດ​ອອກ​ນອກ​ປະ​ເທດ​ໄດ້​ເມື່ອ​ໃດ, ສ່ວນ​ໃນຕົ້ນ​ເດືອນ​ສິງຫາ ຕຳຫລວດ​ແຂວງ​ສຽມຣຽບ ​ແລະ ​ແຂວງ​ບັນ​ທາຍ​ມີ​ໄຊ ຫລື ບັນ​ເຕຣຍມຽນ​ເຈຍ​ຈັບ​ກຸມ​ຊາວ​ຈີນ 151 ຄົນ, ຊາວ​ໄຕ້​ຫວັນ 3 ຄົນ. ​ເຫຍື່ອ​ຂອງ​ແກ້ງ​ຫລອກ​ລວງ​ອອນ​ລາຍ​ເຫລົ່າ​ນີ້​ເປັນ​ຜູ້​ທີ່​ມີ​ບັນຫາທາງ​ກົດໝາຍ ມີ​ທັງ​ຄົນ​ອາຍຸ​ສູງ, ນັກ​ສຶກສາ, ຄົນວ່າງ​ວຽກ ຈົນ​ເຖິງ​ນັກທຸລະກິດ. ສະມາຊິກ​ຈະ​ອ້າງ​ຕົວ​ວ່າ​ເປັນ​ເຈົ້າໜ້າ​ທີ່​ລັດ​ໂທ​ມາ​ຫລອກ​ເອົາ​ເງິນ.

​ໄລຍະ​ຫລາຍ​ປີ​ຜ່ານ​ມາ, ກຳປູ​ເຈຍ​ເນລະ​ເທດ​ຊາວ​ຈີນ ​ແລະ ຊາວ​ໄຕ້​ຫວັນ​ໄປ​ຈີນ​ແລ້ວ​ຫລາຍ​ກວ່າ 600 ຄົນ ສະຖານ​ຕ້ອງ​ສົງ​ໄສ​ຫລອກ​ລວງ​ອອນ​ລາຍ. ຈີນ​ກ່າວ​ຫາ​ໄຕ້​ຫວັນ​ວ່າ​ໃຫ້​ບ່ອນຢູ່​ແກ່​ແກ້ງ​ເຫລົ່າ​ນີ້. ທັງ​ສອງ​ຝ່າຍ​ເລີ່​ມຮ່ວມ​ມື​ກັນ​ແຕ່​ປີ 2011 ສືບ​ຫາ​ເບາະ​ແສ​ແກ້ງ​ທີ່​ລີ້​ຊ້ອນ​​ໃນ​ອາ​ຊຽນ​ເພື່ອ​ແຈ້ງ​ໃຫ້​ທາງ​ການ​ປະ​ເທດ​ເຫລົ່ານັ້ນຈັບ​ກຸມ. ​ເຖິງ​ຢ່າງ​ໃດ​ກໍ​ດີ, ຫລາຍ​ປະ​ເທດ​ທີ່​ໃຫ້ການ​ຮັບຮອງ​ຈີນ​ແຜ່ນດິນ​ໄຫຍ່, ​ແຕ່​ບໍ່​ຮັບຮອງ​ໄຕ້​ຫວັນ​ໄດ້​ເນລະ​ເທດ​ຜູ້​ຕ້ອງ​ສົງ​ໄສ​ເຫລົ່າ​ນີ້​ໄປ​ຈີນ ​ເຮັດ​ໃຫ້​ໄຕ້​ຫວັນ​ບໍ່ພໍ​ໃຈ. ຂະນະ​ທີ່​ຈີນ​ອ້າງ​ວ່າ​ເຫຍື່ອ​ທັງ​ໝົດ​ຢູ່​ຈີນ, ຜູ້​ຕ້ອງ​ສົງ​ໄສ​ຈຶ່ງ​ຕ້ອງ​ຖືກ​ສົ່ງ​ມາ​ດຳ​ເນີນ​ຄະດີ​ຢູ່​ຈີນ.

- WhatsApp Image 2020 05 27 at 5 - ກຳປູເຈຍກວາດຈັບເກືອບ 400 ຄົນ ຫລອກເຫຍື່ອອອນລາຍຢູ່ຈີນ
- WhatsApp Image 2020 05 27 at 5 - ກຳປູເຈຍກວາດຈັບເກືອບ 400 ຄົນ ຫລອກເຫຍື່ອອອນລາຍຢູ່ຈີນ
error: Alert: ເນື້ອຫາຂ່າວມີລິຂະສິດ !!