ກາ​ແດງ​ລາວ ​ແລະ ສະພາ​ກາຊາດ​ໄທ​ ວາງ​ແຜນ​ຮັບ​ມື​ກັບ​ເຫດການ​ສຸກ​ເສີນ​

- advert banner 728 90 728x90 - ກາ​ແດງ​ລາວ ​ແລະ ສະພາ​ກາຊາດ​ໄທ​ ວາງ​ແຜນ​ຮັບ​ມື​ກັບ​ເຫດການ​ສຸກ​ເສີນ​

           ກອງ​ປະຊຸມ​ສຳ​ມະ​ນາ​ກ່ຽວ​ກັບ​ການວາງ​ແຜນ​ຮັບ​ມື​ເຫ​ດການ​ສຸກ​ເສີນ, ​ໄດ້​​ໄຂ​ຂຶ້ນ​ໃນລະຫວ່າງວັນ​ທີ 15-17 ສິງຫາ​ນີ້, ​ທີ່​ປະ​ເທດ​ໄທ, ​ໂດຍ​ການ​​ເປັນ​ປະທານ​ຂອງ​ທ່ານ ສະ​ວະ​ນິດ ຄົງ​ສິລິ ຜູ້​ຊ່ວຍ​ເລຂາທິການ​ໃຫຍ່ສະພາ​ກາຊາດ​ໄທ, ມີ​ທ່ານ​ ມາ​ວັນ ຈີ​ລາ​ນີ ຫົວໜ້າ​ສຳນັກງານ​ສະໜັບສະໜູນ​ກຸ່ມປະ​ເທດ​ໄທ, ລາວ, ກຳປູ​ເຈຍ ​ແລະ ຫວຽດນາມ, ທ່ານ ທອງ​ພະຈັນ ສອນ​ນະ​ສິນ ຮອງ​ປະ​ທານ​ອົງການ​ກາ​ແດງ​ລາວ, ພ້ອມ​ດ້ວຍບັນດາຜູ້ຕາງໜ້າ​ຈາກ​ສະຫະພັນ​ກາ​ແດງ ​ແລະ ຊີກ​ວົງ​ເດືອນ​ແດງ​ສາກົນ​ເຂົ້າ​ຮ່ວມຢ່າງ​ພ້ອມພຽງ, ​ເພື່ອ​ປຶກສາ​ຫາລື ​ແລະ ວາງ​ແຜນການ​ຮ່ວມ​ມື​ໃນ​ວຽກ​ງານສຸກ​ເສີນ​ຮ່ວມ​ກັນ, ທັງ​ເປັນ​ການ​ສ້າງ​ຄວາມ​ເຂົ້າ​ໃຈ​ຕໍ່​ຄວາມ​ສ່ຽງ​​ໄພພິບັດ​ທີ່​ອາດ​ຈະ​ເກີດ​ຂຶ້ນ​ທັງ​ສອງ​ປະ​ເທດ ​ເປັນ​ຕົ້ນໄພ​ອັນຕະລາຍ​ທີ່​ເກີດ​ຈາກ​ສະພາບ​ການ​ປ່ຽນ​ແປງ​ດິນ​ຟ້າ​ອາກາດ​, ຄວາມ​ສ່ຽງ​ໃນ​ການ​ໄດ້​ຮັບ​ຜົນ​ກະທົບ, ສິ່ງ​ທ້າ​ທາຍ ​ແລະ ຄວາມ​ອ່ອນ​ແອ​ຂອງ​ຊຸມ​ຊົນ​ຕໍ່​ຜົນ​ກະທົບ​ທີ່​ຈະ​ເກີດ​ຂຶ້ນ, ພ້ອມ​ທັງ​ປຶກ​ສາ​ຫາລືການ​ພັດທະນາ​ທັກ​ສະ, ຄວາມ​ຮູ້​ຄວາມ​ສາມາດ ​ເພື່ອ​ກຽມ​ຮັບ​ມື​ກັບ​ໄພພິບັດ ​ແລະ ​ພະຍາດ​ລະບາດ​ຕ່າງໆ​ທີ່ອາດ​ຈະເກີດ​ຂຶ້ນ​ຈາກ​ສະພາບ​ການ​ປ່ຽນ​ແປງ​ຂອງ​ດິນ​ຟ້າ​ອາກາດ, ຂະນະ​ດຽວ​ກັນ ​ຍັງ​ໄດ້​ຮ່ວມ​ກັນ​ພັດທະນາ​ຂີດ​ຄວາມ​ສາມາດ, ສັກກະ​ຍະ​ພາບ​ໃຫ້​ແກ່​ອົງການ​ກາ​ແດງ​ຂອງ​ທັງ​ສອງ​ປະ​ເທດ ​ແລະ ກາ​ແດງ​ແຂວງ, ກາ​ແດງ​ຈັງຫວັດ ທີ່​ມີ​ຊາຍ​ແດນ​ຕິດ​ຈອດ​ກັນ​ໃນ​ການ​ປະຕິບັດ​ວຽກ​ງານ ​ແລະ ປະສານ​ງານ​ກັນ​ໃຫ້​ມີ​ປະສິດທິພາບ​ດີຂຶ້ນ, ສິ່ງ​ສຳຄັນ ​ແມ່ນກຽມ ພ້ອມ​ປັບ​ຕົວ​ຮັບມື​ກັບ​ໄພພິບັດ​ທີ່​ອາດຈະ​ເກີດ​ຂຶ້ນ​ຢ່າງ​ຫລີກ​ລ້ຽງ​ບໍ່​ໄດ້​ເພື່ອ​ປົກ​ປ້ອງ​ຊີວິດ​ການ​ເປັນ​ຢູ່​ຂອງ​ປະຊາຊົນ​ໃຫ້​ໄດ້​ຮັບ​ຜົນ​ເສຍ​ຫາຍ​ໜ້ອຍ​ທີ່​ສຸດ.

- new3 - ກາ​ແດງ​ລາວ ​ແລະ ສະພາ​ກາຊາດ​ໄທ​ ວາງ​ແຜນ​ຮັບ​ມື​ກັບ​ເຫດການ​ສຸກ​ເສີນ​
- lattana 1 - ກາ​ແດງ​ລາວ ​ແລະ ສະພາ​ກາຊາດ​ໄທ​ ວາງ​ແຜນ​ຮັບ​ມື​ກັບ​ເຫດການ​ສຸກ​ເສີນ​
error: Content is protected !!