ສານ​ປະຊາຊົນ​ນະຄອນຫລວງ​ວຽງ​ຈັນ​ຈະ​ເລັ່ງປັບປຸງ​ຕົນ​ເອງ​ໃຫ້​ມີ​ຄວາມ​ເຂັ້ມ​ແຂງ

- advert banner 728 90 728x90 - ສານ​ປະຊາຊົນ​ນະຄອນຫລວງ​ວຽງ​ຈັນ​ຈະ​ເລັ່ງປັບປຸງ​ຕົນ​ເອງ​ໃຫ້​ມີ​ຄວາມ​ເຂັ້ມ​ແຂງ

​ເນື່ອງ​ໃນ​ໂອກາດ​ວັນລັດຖະທໍາ​ມະນູນ 15 ສິງຫາ​ຄົບຮອບ 26 ປີ, ທ່ານ ​ແສງ​ສຸວັນ ປະທານ​ສານ​ປະຊາຊົນ​ນະຄອນຫລວງ​ວຽງ​ຈັນ ​ໄດ້​ໃຫ້​ສໍາພາດ​ໜັງສື​ພີ​ມລາວ​ພັດທະນາ​ວ່າ: ຈະ​ປັບປຸງ​ວຽກ​ງານ​ສານ​ໃຫ້​ເຂັ້ມ​ແຂງ​ກວ່າ​ເກົ່າ, ​ໂດຍ​ສະ​ເພາະ​ຈະ​ເລັ່ງ​ແກ້​ໄຂ​ການ​ຕັດ​ສີນ​ຄະດີ​ໃຫ້​ມີ​ຄວາມ​ຍຸຕິ​ທໍາ ​ແລະ ວ່ອງ​ໄວ​ຂຶ້ນ ​ເພື່ອ​ໃຫ້ການ​ປະຕິບັ​ດຄໍາ​ຕັດ​ສີນ​ຂອງ​ສານ​ມີ​ຜົນ​ສັກສິດ.

- new3 - ສານ​ປະຊາຊົນ​ນະຄອນຫລວງ​ວຽງ​ຈັນ​ຈະ​ເລັ່ງປັບປຸງ​ຕົນ​ເອງ​ໃຫ້​ມີ​ຄວາມ​ເຂັ້ມ​ແຂງ

ທ່ານ​ປະທານ​ສານ​ ​ໃຫ້​ຮູ້​ວ່າ: ​ໃນ​ໄລຍະ​ຜ່ານ​ມາ, ສານ​ປະຊາຊົນ​ນະຄອນຫລວງ​ວຽງ​ຈັນ ກໍ​ຄື​ສານ​ປະຊາຊົນ​ເຂດ​ໄດ້​ມີ​ຄວາມ​ພະຍາຍາມ​ຈັດ​ຕັ້ງ​ຜັນ​ຂະຫຍາຍ​ແນວທາງ​ນະ​ໂຍບາຍ​ຂອງ​ພັກ ​ແລະ ກົດໝາຍ​ເຂົ້າ​ສູ່​ວຽກ​ງານ​ຕົວ​ຈິງ, ​ໂດຍ​ໄດ້​ຖື​ສໍາຄັນ​ຕໍ່​ການ​ປັບປຸງ​ສານ​ຂັ້ນ​ຕົ້ນ​ໃຫ້​ມີ​ຄວາມ​ເຂັ້ມ​ແຂງ​ໃນການ​ຮັບ​ໃຊ້​ປະຊາຊົນ ​ເພື່ອ​ແກ້​ໄຂຂໍ້​ຂັດ​ແຍ່ງ​ຕ່າງໆ​ທີ່​ເກີດ​ຂຶ້ນ ​ແລະ ການ​ຕັດ​ສີນ​ຄະດີ​ໃຫ້​ມີ​ປະສິດທິພາບ, ຊຶ່ງ​ຜ່ານ​ມາ​ເຫັນ​ວ່າ​ຫາງ​ສຽງ​ສັງຄົມ​ຕໍ່​ການ​ຕັດ​ສີນ​ຂອງ​ສານ​ວ່າມີ​ລັກສະນະ​ແກ່ຍາວ, ຊັກ​ຊ້າ ​ເຮັດ​ໃຫ້​ຄູ່​ຄວາມ​ບໍ່ພໍ​ໃຈ​ຄື: ​ໃນ 6 ​ເດືອນ​ຜ່ານ​ມາ​ມີ​ຄະດີ​ເກີດ​ຂຶ້ນພັນ​ກວ່າ​ເລື່ອງ, ​ແກ້​ໄຂ​ແລ້ວ​ພຽງ​ປະມານ 50%, ສ່ວນ​ໃຫຍ່​ແມ່ນ​ຄະດີ​ຢາ​ເສບ​ຕິດ, ຄະດີ​ຄອບຄົວ ​ແລະ ບັນຫາ​ເລື່ອງ​ກໍາມະສິດ​ທີ່​ດິນ.

​ແນວ​ໃດ​ກໍ​ຕາມ, ​ເພື່ອ​ເຮັດ​ໃຫ້​ສັງຄົມ​ມີ​ຄວາມ​ເປັນ​ລະບຽບ​ຮຽບຮ້ອຍ ​ແລະ ຍຸຕິ​ທໍາ ສານ​ປະຊາຊົນ​ນະຄອນຫລວງ​ວຽງ​ຈັນຈະ​ເລັ່ງປັບປຸງ​ຕົນ​ເອງ​ໃຫ້​ເຂັ້ມ​ແຂງ​ຂຶ້ນ, ​ໂດ​ຍຈະ​ສຸມ​ໃສ່​ຍົກ​ສູງ​ລະດັບ​ຄວາມ​ຮູ້​ຄວາມ​ສາມາດ​ດ້ານ​ວິຊາ​ການ, ວິຊາ​ກົດໝາຍ​ໃຫ້​ຜູ້​ພິພາກສາ​ຢ່າງ​ເລິກ​ເຊິ່ງ ​ແລະ ໜັກ​ແໜ້ນ, ​ເພີ່ມ​ທະວີ​ຄົ້ນຄວ້າ​ສໍານວນ​ຄະດີ ​ແລະ ການ​ນໍາ​ໃຊ້ກົດໝາຍ​ໃຫ້​ຖືກຕ້ອງ, ຮັດກຸມ ​ແລະ ສອດຄ່ອງກັບ​ຄວາມ​ເປັນ​ຈິງ ຖື​ເອົາ​ການ​ຕິດຕາມ​ກວດກາ ​ແລະ ປະ​ເມີນ​ຜົນ​ການພິຈາລະນາ​ຕັດ​ສີນ​ຄະດີ​ຂອງ​ຜູ້​ພິພາກສາ, ຊອກ​ໃຫ້​ເຫັນ​ຜູ້​ທີ່​ອ່ອນ​ເພື່ອ​ກໍ່ສ້າງ ​ແລະ ຜູ້​ລະ​​ເມີດກົດໝາຍເພື່ອ​ສຶກສາ​ອົບຮົມ ​ແລະ ປະຕິບັດ​ວິ​ໄນ​ຕາມ​ກໍລະນີ​ໜັກ​ເບົາ​ຢ່າງ​ເຂັ້ມ​ງວດ.

- lattana 1 - ສານ​ປະຊາຊົນ​ນະຄອນຫລວງ​ວຽງ​ຈັນ​ຈະ​ເລັ່ງປັບປຸງ​ຕົນ​ເອງ​ໃຫ້​ມີ​ຄວາມ​ເຂັ້ມ​ແຂງ
error: Content is protected !!