ບັນຫາ​ຊາຍ​ແດນ​​ລາວ-ກຳປູ​ເຈຍກັບສູ່ສະພາບສະຫງົບສຸກ

- advert banner 728 90 728x90 - ບັນຫາ​ຊາຍ​ແດນ​​ລາວ-ກຳປູ​ເຈຍກັບສູ່ສະພາບສະຫງົບສຸກ

ໃນ​ປີ 2000 ​ເປັນ​ຕົ້ນ​ມາ ລາວ ​ແລະ​ກຳປູ​ເຈຍ ​ໄດ້​ຮ່ວມ​ກັນ​ສຳຫລວດ​ທິດ ​ເນັ່ງ​ເສັ້ນ​ຊາຍ​ແດນ​ສຳ​ເລັດປະມານ 87% ຂອງ​ລວງ​ຍາວ​ເສັ້ນ​ຊາຍ​ແດນ​ທັງ​ໝົດ ​ແລະ ​ໄດ້​ກໍ່ສ້າງ​ຫລັກ​ໝາຍ​ຊາຍ​ແດນ​ຈຳນວນ 121 ຫລັກ​ໝາຍ ​ແລະ ຍັງ​ຕ້ອງ​ໄດ້​ສືບ​ຕໍ່​ປຶກສາ​ຫາລື​ເພື່ອ​​ແກ້​ໄຂ​ຮ່ວມ​ກັນ ລວມທັງ​ບໍລິ​ເວນ​ແກ້ງ​ຕໍ​ມໍ​ຄອຍ-ຫ້ວຍ​ຕະ​ເງົາ ທີ່​ມີ​ສະພາບ​ພົ້ນ​ເດັ່ນ​ໃນ​ປັດ​ຈຸ​ບັນ, ຊຶ່ງ​ບໍລິ​ເວນ​ດັ່ງກ່າວ ທັງສອງ​ຝ່າຍຍັງ​ບໍ່​ໄດ້​ມີ​ການສຳ​ຫລວດ, ກຳນົດ​ທິດ​ເນັ່ງ​ເສັ້ນ​ຊາຍ​ແດນ ​ແລະ ປັກຫລັກ​ໝາຍ​ຊາຍ​ແດນ​ຮ່ວມ​ກັນ​ເທື່ອ, ຍ້ອນ​​ສອງ​ຝ່າຍ​ມີ​ທັດສະນະ​ທີ່​ແຕກ​ຕ່າງ​ກັນ​ກ່ຽວ​ກັບ​ພື້ນຖານ​ທີ່​ເປັນ​ບ່ອນ​ອີງ​ໃນ​ການ​ຂີດ​ເສັ້ນ​ຊາຍ​ແດນ, ຊຶ່ງບໍລິ​ເວນ​ນີ້ ສອງ​ປະ​ເທດ ​ໄດ້​ຕົກລົງ​ເຫັນ​​ເປັນ​ເອກ​ກະພາບ​ກັນ​ວ່າ ​ເປັນ​ຈຸດ​ຄົງ​ຄ້າງ​ມິດຕະພາບ ​ແລະ ຫ້າມ​ບໍ່​ໃຫ້​ມີ​ການ​ດຳ​ເນີນ​ກິດຈະການ​ໃດ​ໆ​ຂອງ​ຝ່າຍ​ໃດຝ່າຍ​ໜຶ່ງ ​ແລະ ​ໃຫ້​ຮັກສາ​​ໄວ້​​ຢູ່​ໃນ​ສະພາບ​ເດີມ ຈົນ​ກວ່າ​ທັງ​ສອງ​ຝ່າຍ​ຈະ​ຕົກລົງ​ກຳນົດ​ເສັ້ນ​ຊາຍ​ແດນ ​ແລະ ປັກ​ຫລັກ​ໝາຍ​ຊາຍ​ແດນ​ສຳ​ເລັດ​ກ່ອນ.

ທ່ານ​ຫົວໜ້າ​ຫ້ອງການ​ຄະນະ​ກຳມະການ​ຊາຍ​ແດນ​ແຫ່ງ​ຊາດໄດ້ໃຫ້ສໍາ ພາດຕໍ່​ສື່​ມວນ​ຊົນ​ລາວໃນ​ວັນ​ທີ 17 ສິງຫາ​ນີ້​, ທີ່​ນະຄອນຫລວງ​ວຽງ​ຈັນ​ ກ່ຽວ​ກັບ​ບັນຫາ​ທີ່​ເກີດ​ຂຶ້ນ​ຢູ່​ບໍລິ​ເວນຊາຍ​ແດນ​ລາວ ​ແລະ ກຳປູ​ເຈຍ ກໍ​ຄື​ແຂວງ​ອັດ​ຕະປື ​ແລະ ​ແຂວງ​ຊຽງ​ແຕງວ່າ: ​​ເມື່ອວັນ​ທີ 12 ສິງຫາ​ຜ່ານ​ມາ​ນີ້, ສົມ​ເດັດ​ອັກຄະມະຫາ​ເສນາ​ບໍດີ​ເຕ​ໂຈ ຮຸນ​ເຊ​ນ ນາຍົກລັດຖະມົນຕີ​ແຫ່ງ ຣາຊະ​ອານາຈັກ​ກຳປູ​ເຈຍ ​ແລະ ຄະນະ​ຜູ້​ແທນ​ຂັ້ນ​ສູງ​ຂອງ​ກຳປູ​ເຈຍ ​ໄດ້​ເດີນທາງ​ມາ​ຢ້ຽມຢາມ ​ແລະ ​ເຮັດ​ວຽກ​ຢູ່​ລາວ ​ເພື່ອ​ປຶກສາ​ຫາລື​ຊອກ​ຊ່ອງ​ທາງ​ແກ້​ໄຂ​ບັນຫາ​ຊາຍ​ແດນ​ລະຫວ່າງ​ສອງ​ປະ​ເທດ​ທີ່​ກຳລັງ​ເຄັ່ງຮ້ອນ, ​ໃນ​ໂອກາດ​ນີ້ ທ່ານ ສົມ​ເດັດ​ຮຸນ​ເຊ​ນ ​ໄດ້​ພົບ​ປະ​ສອງ​ຝ່າຍ​ກັບ​ທ່ານ ທອງ​ລຸນ ສີ​ສຸ​ລິດ ນາຍົກ ລັດຖະມົນຕີ, ທີ່​ຫ້ອງ​ວ່າການ​ສຳນັກງານ​ນາຍົກລັດຖະມົນຕີ, ​ໂດຍ​ສອງ​ຝ່າຍ​ໄດ້​ປຶກສາ​ຫາລື​ກ່ຽວ​ກັບ​ແນວທາງ​ການ​ແກ້​ໄຂ​ບັນຫາ​ຊາຍ​ແດນ​ລະຫວ່າງ​ແຂວງ​ອັດ​ຕະປື ​ແລະ ​ແຂວງ​ຊຽງ​​ແຕງ ​ຢ່າງ​ມິດຕະພາບຖານບ້ານ​ພີ່​ເມືອງ​ນ້ອງ​ທີ່​ມີ​ມູນ​ເຊື້ອ​ການ​ພົວພັນ​ທີ່​ດີ​ມາ​ແຕ່​ດົນ​ນານ, ພາຍຫລັງ​ສຳ​ເລັດ​ການ​ພົບ​ປະ​ສອງ​ນາຍົກລັດຖະມົນຕີລາວ ​ແລະ​ ກຳປູ​ເຈຍ ​ໄດ້​ຖະ​ແຫລ​ງການ​ຮ່ວມ​ຕໍ່​ສື່​ມວນ​ຊົນ​ກ່ຽວ​ກັບ​ຜົນ​ການ​ປຶກສາ​ຫາລື​ຮ່ວມ​ກັນ, ຊຶ່ງ​ສອງ​ຝ່າຍ​ເຫັນ​ດີ​ຖອນ​ກຳລັງ​ທະ ຫານ​ທີ່​ບໍ່​ທັນ​ຖອນ​ທັງ​ໝົດ​ຈາກ​ບໍລິ​ເວນ​ຊາຍ​ແດນ​ທີ່​ຍັງ​ຄົງ​ຄ້າງ​ໃຫ້​ກັບ​ຄືນ​ກົມ​ກອງ ​ແລະ ທີ່​ຕັ້ງ​ເດີມ​ບໍ່​ໃຫ້​ກາຍ​ຕອນ​ເຊົ້າ​ວັນ​ທີ 13 ສິງຫາ 2017, ພາຍຫລັງ​ທີ່​ສົມ​ເດັດຮຸນ​ເຊ​ນ ​ໄດ້​ສັ່ງ​ໃຫ້​ຢຸດຕິ​ການ​ສ້າງ​ເສັ້ນທາງ​ເຂົ້າ​ໄປ​ເຂດ​ນັ້ນ ​ແລະ ​ເຫັນ​ດີ​ຖອນ​ກອງ​ກຳລັງ​ທະຫານ​ທີ່​ໄປ​ສະ​ສົມ​ໄວ້​ໃນ​ເຂດ​ນັ້ນ​ກັບ​ຄືນ​ກົມ​ກອງ ​ເພື່ອ​ເຮັດ​ໃຫ້​ສະຖານ​ະການ​ຄວາມ​ເຄັ່ງ​ຕຶງ​ກ້າວ​ເຂົ້າ​ສູ່​ຄວາມ​ເປັນ​ປົກກະຕິ ​ເພື່ອສ້າງ​ຄວາມ​ໝັ້ນ​ໃຈ​ໃຫ້​ແກ່​ປະຊາຊົນ​ທັງ​ສອງ​ປະ​ເທດ ​ແລະ ຈະ​ບໍ່​​ໃຫ້​ເກີດ​​ເຫດການ​ທີ່​ບໍ່​ເພີງ​ປາຖະໜາ​ຂຶ້ນ​ຢ່າງ​ແນ່ນອນ.

ຂະນະ​ດຽວ​ກັນ ສອງຝ່າຍ​ເຫັນ​ດີ​ເປັນ​ເອກ​ກະພາບ​ມອບ​ໃຫ້​ກະຊວງ​ການ​ຕ່າງປະ​ເທດ ກໍ​ຄື​ຄະນະ​ກຳມະການ​ຊາຍ​ແດນ​ຮ່ວມ​ລາວ-ກຳປູ​ເຈຍ, ກຳປູ​ເຈຍ-ລາວ ສືບ​ຕໍ່​ພົບ​ປະ​ປຶກສາ​ຫາລື ​ແລະ ​ເຈລະຈາ​ແກ້​ໄຂ​ຈຸດ​ຊາຍ​ແດນ​ທີ່​ຍັງ​ຄົງ​ຄ້າງ ​ແລະ ​ໃຫ້​ປັກ​ຫລັກ​ໝາຍ​ຮ່ວມ​ກັນ​ໃຫ້​ສຳ​ເລັດ​ໂດຍ​ໄວ​ເທົ່າ​ທີ່​ຈະ​ໄວ​ໄດ້, ​ໂດຍ​ອີງ​ໃສ່​ຜົນສຳ​ເລັດ​ທີ່​ຜ່ານ​ມາ ​ແລະ ອີງ​ຕາມ​ເອກະສານ, ຫລັກ​ຖານ​ທີ່​ກ່ຽວຂ້ອງ​ທີ່​ສອງ​ຝ່າຍ​ໄດ້​ຮັບຮອງ​ເອົາ​ຮ່ວມ​ກັນ​ແລ້ວ, ລວມທັງ​ສັນຍາ ​ແລະ ​ແຜນ​ທີ່​ຂອງ​ສອງ​ປະ​ເທດ​ທີ່​ມີ​ໃນ​ປັດຈຸບັນ​ເປັນ​ພື້ນຖານ​ໃນ​ການ​ປຶກສາ​ຫາລື​ໃນ​ຂັ້ນ​ຕໍ່​ໄປ. ມາ​ຮອດ​ປັດຈຸບັນ ສອງ​ຝ່າຍ​ໄດ້​ຕົກລົງເຫັນ​ດີ ສືບ​ຕໍ່​ສ້າງ​ເງື່ອນ​ໄຂ​ໃຫ້​ມີ​ການ​ປຶກສາ​ຫາລື ​ແລະ ​ແລກປ່ຽນ​ຄຳ​ຄິດ​ຄຳ​ເຫັນ​ນຳ​ກັນ​ຢ່າງ​ເປັນ​ປົກກະຕິ​ເພື່ອ​ຮ່ວມ​ກັນ​ແກ້​ໄຂ​ບັນຫາ​ລະຫວ່າງ​ສອງ​ປະ​ເທດອີກ​ດ້ວຍ.

- lattana 1 - ບັນຫາ​ຊາຍ​ແດນ​​ລາວ-ກຳປູ​ເຈຍກັບສູ່ສະພາບສະຫງົບສຸກ
- 1 1 - ບັນຫາ​ຊາຍ​ແດນ​​ລາວ-ກຳປູ​ເຈຍກັບສູ່ສະພາບສະຫງົບສຸກ

ລາວ ​ແລະ ກຳປູ​​ເຈຍ ມີ​ຊາຍ​ແດນ​ຮ່ວມ​ກັນ​ທັງ​ໝົດ 535 ກິ​ໂລ​ແມັດ, ​ເບື້ອງ​ລາວ​ມີ​ແຂວງ​ຈຳປາ​ສັກ ​ແລະ ອັດ​ຕະປື, ​ເບື້ອງ​ກຳປູ​ເຈຍ​ມີ​ແຂວງ​ເພຣນວິ​ເຮ​ຍ, ​ແຂວງ​ຊຽງ​ແຕງ ​ແລະ ​ແຂວງ​ລັດຕະນະ​ຄິຣີ. ​ໃນ​ປີ 1995 ລັດຖະບານ​ທັງ​ສອງ​ປະ​ເທດ ​ໄດ້​ຕົກລົງ​ກັນ​ໃຫ້​ມີ​ການ​ສຳ​ຫລວດ ​ແລະ ປັກ​ຫລັກ​ໝາຍ​ຊາຍ​ແດນ​ຮ່ວມ​ກັນ, ​ໂດຍ​ໄດ້​ຕົກລົງ​ຮັບຮອງ​ເອົາ 4 ຫລັກການ ​ເພື່ອ​ເປັນ​ພື້ນຖານ​ໃຫ້​ແກ່​ການ​ສຳ​ຫລວດ ​ແລະ ປັກ​ຫລັກ​ໝາຍ​ຊາຍ​ແດນ​ຮ່ວມ​ກັນ​ຄື: 1. ບົນ​ພື້ນຖານ​ຮັບ​ຮູ້​ເຂດ​ແດນ​ຕິດ​ຕໍ່​ກັນ, ​ເຂດ​ແດນ​ທີ່​ມາ​ແຕ່​ເມື່ອ​ຄາວ​ຫົວ​ເມືອງ​ຂຶ້ນ​ປະ​ໄວ, ​ໂດຍ​ອີງ​ຕາມ​ແຜນ​ທີ່ 1/100.000 ​ແລະ ​ແຜນ​ທີ່​ອື່ນໆ​ທີ່​ກ່ຽວຂ້ອງ​ພິມ​ອອກ​ແຕ່​ປີ 1933-1953, ​ໂດຍ​ພະ​ແນ​ກ​ແຜນ​ທີ່​ຂອງ​ອິນດູ​ຈີນ; 2. ບົນ​ພື້ນຖານ​ຫລັກ ການ​ຕ່າງໆ​ທີ່​ສາກົນ​ຮັບ​ຮູ້​ກ່ຽວ​ກັບ​ການ​ຂີດ​ເສັ້ນ​ຊາຍ​ແດ​ນ; 3. ບົນພື້ນຖານຄຳ ນຶງ​ເຖິງ​ເຂດ​ທີ່​ປະຊາຊົນ​ຄຸ້ມ​ຄອງ​ຕົວ​ຈິງ​ທີ່​ສືບ​ທອດ​ກັນ​ມາ​ຫລາຍ​ເຊັ່ນ​ຄົນ​ແລ້ວ ​ແລະ 4. ບົນ​ພື້ນຖານ​ຂອງ​ຄວາມ​ສະ​ເໝີ​ພາບ, ທ່ຽງ​ທຳ, ສົມ​ເຫດ​ສົມ​ຜົນ, ຜ່ອນ​ສັ້ນ​ຜ່ອນ​ຍາວ​ໃຫ້​ກັນ, ​ເຄົາລົບ​ສິດ ​ແລະ ຜົນ​ປະ​ໂຫຍ​ດຂອງ​ກັນ ​ແລະ​ ​ເປັນ​ເອກ​ກະພາບ​ຢ່າງ​ສົມບູນ.

error: Content is protected !!