ກະຊວງການເງິນຊີ້ແຈງຂອດຄຸ້ມຄອງງົບປະມານລະຫວ່າງສູນກາງ ແລະ ທ້ອງຖິ່ນ

- advert banner 728 90 728x90 - ກະຊວງການເງິນຊີ້ແຈງຂອດຄຸ້ມຄອງງົບປະມານລະຫວ່າງສູນກາງ ແລະ ທ້ອງຖິ່ນ

ການ​ຄຸ້ມ​ຄອງ​ງົບປະມານ​ລະຫວ່າງ​ສູນ​ກາງ ​ແລະ ທ້ອງ​ຖິ່ນ ຫລື ລະຫວ່າງ​ຂະ​ແໜງ​ການ​ດ້ວຍ​ກັນ​ ເພື່ອ​ແບ່ງ​ຫົວໜ່ວຍ​ທຸລະ​ກິດ​ທີ່​​ຈັດ​ເກັບ​ລາຍ​ຮັບໃນສູນ​ກາງ, ຂັ້ນ​ແຂວງ, ​ເມືອງຕ່າງໆ ແມ່ນບັນຫາໜຶ່ງທີ່ສະພາແຫ່ງຊາດເຫັນວ່າຍັງມີຂອດຫຍຸ້ງຍາກ ແລະ ລັດຖະບານຄວນມີມາດຕະການແກ້ໄຂແນວໃດ.

ຕໍ່ບັນຫານີ້ກະຊວງການເງິນໄດ້ຊີ້ແຈງວ່າ: ໂດຍ​ພື້ນຖານ​ແມ່ນ​ໄດ້​ມີ​ການປະສານ​ສົມທົບ​ແໜ້ນ​ກັບ​ບັນດາ​ຂະ​ແໜງ​ການ​ຢູ່ສູນ​ກາງ ​ແລະ ທ້ອງ​ຖິ່ນ ​ໃນ​ການຈັດ​ເກັບ​ລາຍ​ຮັບ, ​ໂດຍ​ສະ​ເພາະ​ການ​ແບ່ງ​ຄວາມ​ຮັບຜິດຊອບ​ໃຫ້​ຈະ​ແຈ້ງ​ຂຶ້ນຕື່ມ​ເຊັ່ນ: ການ​ເກັບ​ລາຍ​ຮັບ​ທີ່​ດິນແມ່ນກະຊວງ​ຊັບພະຍາກອນ​ທຳ​ມະ​ຊາດ ​ແລະ ສິ່ງ​ແວດ​ລ້ອມສະໜອງ​ຂໍ້​ມູນ​ກ່ຽວ​ກັບ​ຖານ​ລາຍ​ຮັບ, ສ່ວນການ​ແກ້​ໄຂ​ລົດ​ນຳ​ເຂົ້າບໍ່​ຖືກຕ້ອງ, ການ​ຄຸ້ມ​ຄອງ​ວັດຖຸ​ອຸປະກອນ​ນຳ​ເຂົ້າຍົກ​ເວັ້ນພາສີ-ອາກອນ​ຕາມ​ໂຄງການ, ການປະມູນ​ຂາຍ​ໄມ້​ຂອງ​ລັດ ​ແລະ ອື່ນໆ ແມ່ນໄດ້ປະສານສົມທົບກັບຂະແໜງກ່ຽວຂ້ອງຕາມພາລະບົດບາດ, ສິດ ແລະ ໜ້າທີ່ທີ່ລະບຽບກົດໝາຍກໍານົດ. ສ່ວນ​ການ​ແບ່ງ​ຫົວໜ່ວຍ​ທຸລະ​ກິດ​ເພື່ອ​ຈັດ​ເກັບ​ລາຍ​ຮັບ​ນັ້ນ, ​ເພື່ອ​ຮັບປະກັນ​ໃຫ້​ລາຍ​ຮັບ​ສາມາດ​ລວມສູນ ​ແລະ ມີ​ປະສິດທິ​ຜົນ​ໃນ​ການຈັດ​ສັນ​ແບ່ງປັນ​ຄືນ, ຈຶ່ງ​ກຳນົດ​ເອົາ​ຫົວໜ່ວຍ​ຂະໜາດ​ໃຫຍ່ໃຫ້​ຂຶ້ນກັບ​ສູນ​ກາງຄຸ້ມຄອງ, ສ່ວນ​ທ້ອງ​ຖິ່ນ​ແມ່ນ​ຫົວໜ່ວຍ​ຂະໜາດ​ກາງ ​ແລະ ນ້ອຍ ແລະ ປັດຈຸບັນ​ກຳລັງ​ມີ​ການ​ສຶກສາຄົ້ນຄວ້າ​ເພື່ອ​ປັບປຸງ ​ແລະ ປະຕິ​ຮູບ​ການ​ຄຸ້ມ​ຄອງ​ລາຍ​ຮັບ​ໃຫ້​ມີ​ປະສິດທິ​ຜົນ​ຫລາຍ​ຂຶ້ນ, ພ້ອມ​ທັງ​ຈະ​ໄດ້​ປຶກສາ​ຫາລື​ກັບ​ບັນດາ​ຂະ​ແໜງ​ການ ​ແລະ ທ້ອງ​ຖິ່ນ, ລວມທັງບັນດາເມືອງ 3 ສ້າງ ​ເພີ່ມ​ຕື່ມ​ຕໍ່​ທິດ​ທາງ ​ແລະ ມາດ​ຕະການ​ຈັດຕັ້ງປະຕິບັດ​ຕົວ​ຈິງໃນຕໍ່ໜ້າ.

+ກະຊວງການເງິນຢຶນຢັນພະນັກງານລະເມີດ ຄໍາສັ່ງເລກທີ 15/ນຍ ຕ້ອງຖືກວິໄນເຂັ້ມງວດ

- 1 1 - ກະຊວງການເງິນຊີ້ແຈງຂອດຄຸ້ມຄອງງົບປະມານລະຫວ່າງສູນກາງ ແລະ ທ້ອງຖິ່ນ
- lattana 1 - ກະຊວງການເງິນຊີ້ແຈງຂອດຄຸ້ມຄອງງົບປະມານລະຫວ່າງສູນກາງ ແລະ ທ້ອງຖິ່ນ

+ກະຊວງການເງິນຊີ້ແຈງການແກ້ໄຂບັນຫາໜີ້ສິນ

ສ່ວນ​ຄວາມຄືບໜ້າໃນການ​ປັບປຸງ​ຖານ​ລາຍ​ຮັບ​ຄືນ​ໃໝ່ ​ແລະ ຫັນ​ນຳ​ໃຊ້​ເຄື່ອງມື​ທີ່​ທັນ​ສະ​ໄໝ​ເຂົ້າ​ໃນ​ການຈັດ​ເກັບ​ລາຍຮັບໃຫ້​ມີ​ປະສິດທິ​ຜົນ ແລະ ຫລີກ​ເວັ້ນການ​ຮົ່ວ​ໄຫລນັ້ນ, ມາຮອດປັດຈຸບັນແມ່ນພວມເລັ່ງລັດ​ສະຫລຸບ ​ແລະ ສັງ​ລວມບັນດາ​ຂໍ້​ມູນ​ບັນຊີ​ຖານ​ລາຍ​ຮັບ​ທີ່​ສາມາດ​ເກັບ​ກຳ​ໄດ້​ຈາກ​ການ​ລົງ​ສຳ​ຫລວດ​ຕາມ​ຄຳ​ສັ່ງຂອງນາຍົກລັດຖະມົນຕີ​ໃຫ້​ສຳ​ເລັດ​ໂດຍ​ໄວ, ​ໄປ​ຄຽງຄູ່ກັບ​ການ​ລົງ​ກວດກາ​ຕົວ​ຈິງ, ທັງແບບມາດຕະການ​ລົງ​ກວດກາ​ໄວ ແລະ ​ກວດກາແບບ​ປົກກະຕິ ເພື່ອ​​ກວດກາ​ຄືນ​ຖານ​ຫົວໜ່ວຍ​ທຸລະ​ກິດເພື່ອຊອກໃຫ້ເຫັນວ່າຜ່ານມາການ​ແຈ້ງ​ມອບ​ຖືກຕ້ອງ​ຕາມ​ຕົວ​ຈິງ ຫລືບໍ່?, ເພື່ອແນໃສ່​ຍົກ​ຖານ​ລາຍ​ຮັບ ​ແລະ ​ໃຫ້​ຫົວໜ່ວຍ​ທີ່​ມີ​ເງື່ອນ​ໄຂ​ເຂົ້າສູ່​ລະບົບ​ອາກອນມູນ​ຄ່າ​ເພີ່ມ​ໃຫ້​ຖືກຕ້ອງ​ຕາມລະບຽບ​ກົດໝາຍ, ພ້ອມນີ້ກໍ​​ໄດ້​ສືບ​ຕໍ່​ຂະຫຍາຍ​ການ​ນຳ​ໃຊ້​ເຄື່ອງມື​ທີ່​ທັນ​ສະ​ໄໝ​ເຂົ້າຊ່ວຍ ທັງ​ໃນ​ດ້ານ​ການ​ຄຸ້ມ​ຄອງ ​ແລະ ການຈັດ​ເກັບ​ຕົວ​ຈິງ​ ເຊັ່ນ: ພວມດໍາເນີນໂຄງການ​ຕິດຕັ້ງລະບົບ​ເຄື່ອງມື​ຈັດ​ເກັບ​ເງິນ​ຢູ່​ບັນດາ​ຫົວໜ່ວຍ​ທຸລະ​ກິດຂະໜາດ​ກາງ ​ແລະ ​ໃຫຍ່ ​ເປັນຕົ້ນ: ​ໂຮງ​ແຮມ, ຮ້ານ​ອາຫານ, ຫ້າງຊັບ​ພະ​ສິນຄ້າ ​ແລະ ຮ້ານ​ຄ້າ​ຕ່າງໆ ອ້ອມ​ຂ້າງ​ນະຄອນຫລວງ​ວຽງ​ຈັນ ​ແລະ ຈະ​ຜັນ​ຂະຫຍາຍ​ໄປ​ສູ່​ແຂວງ​ອື່ນໆ, ໄປຄຽງຄູ່ກັບການ​ພັດທະນາ​ລະບົບ​ເກັບ​ອາກອນ​ຜ່ານ​ທະນາຄານ, ​ໂທລະສັບ​ມື​ຖື ​ແລະ ຊ່ອງທາງ​ເອ​ເລັກ​ໂຕຣນິກອື່ນໆ.

error: Content is protected !!