ກໍ່ການຮ້າຍຢູ່ບາເຊໂລນາ ຕາຍ 13 ຄົນ, ບາດເຈັບອີກຫລາຍສິບຄົນ

- advert banner 728 90 728x90 - ກໍ່ການຮ້າຍຢູ່ບາເຊໂລນາ ຕາຍ 13 ຄົນ, ບາດເຈັບອີກຫລາຍສິບຄົນ

- nintchdbpict0003463541621 - ກໍ່ການຮ້າຍຢູ່ບາເຊໂລນາ ຕາຍ 13 ຄົນ, ບາດເຈັບອີກຫລາຍສິບຄົນ

- new3 - ກໍ່ການຮ້າຍຢູ່ບາເຊໂລນາ ຕາຍ 13 ຄົນ, ບາດເຈັບອີກຫລາຍສິບຄົນ

ຕຳຫລວດ​ແອັສປາຍ​ວິສາມັນ​ຜູ້​ຕ້ອງ​ສົງ​ໄສ​ຢ່າງ​ໜ້ອຍ 4 ຄົນ ຢູ່​ເມືອງ​ທາງ​ໃຕ້​ຂອງ​ເມືອງ​ບາ​ເຊ​ໂລ​ນາ ປ້ອງ​ກັນ​ການ​ລົງມື​ກໍ່​ການ​ຮ້າຍ​ຄັ້ງທີ 2 ພາຍຫລັງ​ເກີດ​ເຫດຄົນ​ຮ້າຍ​ຂັບ​ລົດ​ຕຳ​ປະຊາຊົນ​ເສຍ​ຊີວິດ​ຢ່າງ​ໜ້ອຍ 13 ຄົນ ​ໃນ​ເຂດ​ທ່ອງ​ທ່ຽວ​ໃຈກາງ​ເມືອງ​ບາ​ເຊ​ໂລ​ນາ.

 

+ ຣັດເຊຍ-ອິນໂດເນເຊຍ ເພີ່ມ ການຮ່ວມມືຕໍ່ຕ້ານກໍ່ການຮ້າຍ

+ ອົດສະຕຣາລີສະກັດກັ້ນແຜນ ກໍ່ການຮ້າຍລະເບີດເຮືອບິນໄວ້ໄດ້

+ ຜູ້ນຳເວເນຊູເອລາປະນາມການຖິ້ມລະເບີດ ໂຈມຕີສານສູງສຸດເປັນກໍ່ການຮ້າຍ

 

ສຳນັກ​ຂ່າວ​ຕ່າງປະ​ເທດ​ລາຍ​ງານ​ຈາກ​ເມືອງ​ບາ​ເຊ​ໂລ​ນາ ປະ​ເທດ​ແອັສປາຍ ​ໃນ​ວັນ​ທີ 18 ສິງຫາ​ວ່າ: ສຳນັກງານ​ຕຳຫລວດ​ໃນ​ແຄວ້ນ​ກາ​ຕາ​ລຸ​ຢາ ທາງ​ຕອນ​ເໜືອ​ຂອງ​ແອັສປາຍ ສົ່ງ​ເຈົ້າໜ້າ​ທີ່​ຈຳນວນ​ຫລາຍ​ລົງພື້ນທີ່​ໃນ​ເມືອງ​ແກມ​ບຣິວ ​ເຊິ່ງຫ່າງ​ຈາກ​ເມືອງ​ບາ​ເຊ​ໂລ​ນາ​ລົງ​ໄປ​ທາງ​ຕອນ​ໃຕ້​ປະມານ 120 ກິ​ໂລ​ແມັດ ​ໃນ​ຕອນ​ຂ້ອນ​ແຈ້ງ​ຂອງ​ວັນ​ທີ 18 ສິງຫາ ​ເພື່ອ​ປະຕິບັດ​ການ​ຕໍ່ຕ້ານ​ການ​ກໍ່ການ​ຮ້າຍ ​ໂດຍ​ເຈົ້າໜ້າ​ທີ່​ວິສາມັນ​ຄົນ​ຮ້າຍ​ຢ່າງ​ໜ້ອຍ 4 ຄົນ ​ແລະ ຈັບ​ເປັນ​​ໄດ້​ອີກ 1 ຄົນ​ໃນ​ສະພາບ​ໄດ້​ຮັບ​ບາດ​ເຈັບ. ​ເບື້ອງຕົ້ນມີ​ການ​ຕັ້ງສົມມຸດຖານວ່າກຸ່ມຄົນຮ້າຍທັງໝົດຢູ່ລະ ຫວ່າງກຽມການກໍ່ການຮ້າຍໃນພື້ນທີ່.

- lattana 1 - ກໍ່ການຮ້າຍຢູ່ບາເຊໂລນາ ຕາຍ 13 ຄົນ, ບາດເຈັບອີກຫລາຍສິບຄົນ

- barcelona attack injured ps epa 170817 31x13 992 - ກໍ່ການຮ້າຍຢູ່ບາເຊໂລນາ ຕາຍ 13 ຄົນ, ບາດເຈັບອີກຫລາຍສິບຄົນ

ທັງ​ນີ້, ​ເຫດການ​ຢູ່​ເມືອງ​ແກມ​ບຣິວ​ເກີດ​ຂຶ້ນພຽງ​ບໍ່​ເທົ່າ​ໃດ​ຊົ່ວ​ໂມງ ພາຍຫລັງ​ຄົນ​ຮ້າຍ​ຂັບ​ລົດ​ຕູ້​ສີຂາວ​ຕຳ​ປະຊາຊົນ​ບໍ່​ເລືອກ​ໜ້າ ​ໃນ​ເຂດ​ລາສ​ແຮມ​ບາສ ​ເຊິ່ງ​ເປັນ​ພື້ນທີ່​ທຸລະ​ກິດ ​ແລະ ໜຶ່ງ​ໃນ​ແຫ​ລ່ງທ່ອງ​ທ່ຽວ​ມີ​ຊື່​ສຽງ ຕັ້ງຢູ່​ແຄມ​ຝັ່ງ​ຂອງ​ເມືອງ​ບາ​ເຊ​ໂລ​ນາ ​ໃນ​ຕອນ​ບ່າຍ​ວັນທີ 17 ສິງຫາ​ຕາມ​ເວລາ​ທ້ອງ​ຖິ່ນ ​ເປັນ​ເຫດ​ໃຫ້​ມີ​ຜູ້​ເສຍ​ຊີວິດ​ຢ່າງ​ໜ້ອຍ 13 ຄົນ ​ແລະ ​ໄດ້​ຮັບ​ບາດ​ເຈັບ​ອີກ 80 ຄົນ ​ໂດຍ​ເຈົ້າໜ້າ​ທີ່​ເຜີຍ​ສັນຊາດ​ຂອງ​ຜູ້​ເຄາະ​ຮ້າຍ​ວ່າ​ມາ​ຈາກ​ຝຣັ່ງ, ​ເຢຍລະ​ມັນ, ​ໂຮ​ນລັງ, ອາກຊັງ​ຕິນ, ​ເວ​ເນ​ຊູ​ເອລາ, ​ແບນ​ຊິກ, ອົດ​ສະຕຣາລີ, ຮົງ​ກາລີ, ​ເປຣູ, ຣູມາ​ນີ, ອຽກລັກ, ​ເກຣັກ, ກູ​ບາ, ​ໂມຣິຕາ​ນີ, ຈີນ, ອີ​ຕາ​ລີ, ອານ​ຈີຣີ ​ແລະ ​ແອ​ັສປາຍ ​ແຕ່​ຍັງ​ບໍ່​ມີ​ການ​ລະບຸ​ຢ່າງ​ຈະ​ແຈ້ງວ່າ​ສັນຊາດ​ທັງ​ໝົດ​ນີ້​ເປັນ​ຂອງ​ຜູ້​ເສຍ​ຊີວິດ ຫລື ຜູ້​ໄດ້​ຮັບ​ບາດ​ເຈັບ ຫລື ທັງ​ສອງ​ກຸ່ມ.

- barcelona attack - ກໍ່ການຮ້າຍຢູ່ບາເຊໂລນາ ຕາຍ 13 ຄົນ, ບາດເຈັບອີກຫລາຍສິບຄົນ

ສ່ວນ​ສຳນັກ​ຂ່າວ​ອາ​ມັດ​ຂອງ​ກຸ່ມ IS ອອກ​ຖະ​ແຫລ​ງການ​ຮັບ​ອ້າງ​ຕາມ​ຄວາ​ມຄາດໝາຍ, ຂະນະ​ທີ່​ນາຍົກລັດຖະມົນຕີ ມາຣິອາ​ໂນ ຣາຮອຍ ຜູ້ນຳ​​ແອັສປາຍ ກ່າວ​ປະນາມ​ເຫດການ​ທີ່​ເກີດ​ຂຶ້ນຢ່າງ​ໜັກ ​ແລະ ຮຽກຮ້ອງ​ໃຫ້​ປະຊາ​ຄົມ​ໂລກ​ເພີ່ມ​ການ​ຮ່ວມ​ມື​ໃນ​ການ​ຜະ​ເຊີນ ​ແລະ ຮັບ​ມື​ກັບ​ໄພ​ຄຸກ​ຄາມ​ຈາກ​ການ​ກໍ່​ການ​ຮ້າຍ.

- 14679371 G - ກໍ່ການຮ້າຍຢູ່ບາເຊໂລນາ ຕາຍ 13 ຄົນ, ບາດເຈັບອີກຫລາຍສິບຄົນ

ຕໍ່​ມາ​ເຈົ້າໜ້າ​ທີ່​ເປີດ​ເຜີຍ​ການ​ຄວບ​ຄຸມ​ຕົວ​ຜູ້​ຕ້ອງ​ສົງ​ໄສ​ຢ່າງ​ໜ້ອຍ 2 ຄົນ ໜຶ່ງ​ໃນ​ນັ້ນຄື​ທ້າວ ດຣິສ ​ໂອ​ບາ​ຄີ ​ເປັນ​ຊາວ​ແອັສປາຍ ​ເຊື້ອສາຍ​ໂມຣອກ​ໂກ ​ເຊິ່ງ​ເຂົ້າມອບ​ຕົວ​ຕໍ່​ຕຳຫລວດ​ຫລັງ​ມີ​ການ​ເຜີຍ​ແຜ່​ພາບ​ໃບ​ໜ້າ​ຂອງ​ລາວ​ໄປ​ທົ່ວ​ປະ​ເທດ. ​ເຖິງ​ຢ່າງ​ໃດ​ກໍ​ຕາມ, ​ໂອ​ບາ​ຄີ ປະຕິ​ເສດ​ມີ​ສ່ວນ​ກ່ຽວຂ້ອງ ​ແລະ ​ໃຫ້ການ​ວ່າ​ເອກະສານ​ຂອງ​ລາວ​ທີ່​ເຈົ້າໜ້າ​ທີ່​ພົບ​ໃນ​ຈຸດ​ເກີດ​ເຫດ​ນັ້ນຖືກ​ຄົນ​ຮ້າຍ​ຂັກ​ໄປ ​ເພື່ອ​ໃຊ້​ເຊົ່າ​ລົດ​ຕູ້​ສຳລັບ​ກໍ່​ເຫດ. ນອກຈາກ​ນີ້ ມີ​ລາຍ​ງານ​ຜູ້​ເສຍ​ຊີວິດ​ອີກ​ຢ່າງ​ໜ້ອຍ 1 ຄົນ ​ແລະ ​ໄດ້​ຮັບ​ບາດ​ເຈັບ​ອີກ 7 ຄົນ ​ໃນ​ເຫດ​ລະ​ເບີດ​ຢູ່​ເຮືອນ​ຫລັງ​ໜຶ່ງ ​ໃນ​ເມືອງ​ອັລກາ​ນາ ທາງ​ຕອນ​ໃຕ້​ຂອງ​ເມືອງ​ບາ​ເຊ​ໂລ​ນາ ​ເຊິ່ງ​ເຈົ້າໜ້າ​ທີ່​ສັນນິຖານ​ວ່າ​ເປັນ​ເຮືອນ​ທີ່​ຄົນ​ຮ້າຍ​ກຳລັງ​ປະກອບ​ລະ​ເບີດ ​ແລະ ​ເກີດ​ຄວາມ​ຜິດພາດ​.

error: Content is protected !!