ກຳມະພັນມີສ່ວນກ່ຽວຂ້ອງກັບພະຍາດມະເຮັງປອດເຖິງວ່າຈະບໍ່ສູບຢາ

- 011808 2017 -  ກຳມະພັນມີສ່ວນກ່ຽວຂ້ອງກັບພະຍາດມະເຮັງປອດເຖິງວ່າຈະບໍ່ສູບຢາ
- AGL banner -  ກຳມະພັນມີສ່ວນກ່ຽວຂ້ອງກັບພະຍາດມະເຮັງປອດເຖິງວ່າຈະບໍ່ສູບຢາ

ວາລະສານ Lancet Respiratory Medicine ຕີພິມຜົນການວິໄຈຈາກໂຄງການ Bio – bank ຂອງອັງກິດທີ່ລະບຸວ່າ : ຫົວໜ່ວຍກຳມະພັນ ຫລື ຈຸລັງຂອງແຕ່ລະຄົນມີສ່ວນກ່ຽວຂ້ອງກັບການເປັນພະຍາດມະເຮັງປອດໃນບຸກຄົນບາງຈຳພວກທີ່ບໍ່ໄດ້ສູບຢາ ເຊິ່ງລາຍງານນີ້ເຮັດໃຫ້ເກີດຄວາມສົງໄສວ່າຍ້ອນເຫດໃດບາງຄົນທີ່ສູບຢາຫລາຍຕິດຕໍ່ກັນເປັນເວລາດົນຫລາຍປີຈຶ່ງມີສຸຂະພາບປອດດີ ບໍ່ມີພະຍາດມາລົບກວນ, ແຕ່ບາງຄົນທີ່ບໍ່ເຄີຍສູບຢາເລີຍຊຳ້ພັດປ່ວຍເປັນພະຍາດມະເຮັງປອດໄດ້.

ວຽກງານນີ້ນັກວິທະຍາສາດຈາກສະພາວິໄຈການແພດອັງກິດ ໄດ້ວິເຄາະຂໍ້ມູນສຸຂະພາບ ແລະ ກຳມະພັນຂອງອາສາສະໝັກກ່ວາ 50.000 ຄົນ ເຊິ່ງອາສາສະໝັກໃນກຸ່ມນີ້ມີທັງຜູ້ທີ່ສູບຢາ ແລະ ບໍ່ສູບຢາ ໂດຍນັກວິໄຈໄດ້ຕິດຕາມວິເຄາະຄວາມກ່ຽວຂ້ອງລະຫ່ວາງຂໍ້ມູນທາງກຳມະພັນກັບການເກີດພະຍາດປອດອັດຕັນຊຳ້ເຮື້ອ ຫລື  (COPD) ພົບວ່າ : ຜູ້ທີ່ມີການ ກາຍພັນຂອງຈຸລັງສ່ວນໜຶ່ງໃນແບບທີ່ເປັນປະໂຫຍດ ຈະເຮັດໃຫ້ປອດເຮັດວຽກໄດ້ດີຂຶ້ນ ແລະ ໄດ້ຮັບຜົນກະທົບຈາກການສູບຢາ ໜ້ອຍລົງ ເພາະປອດມີການເຕີບໃຫຍ່ ແລະ ຕອບສະໜອງຕໍ່ອາການບາດເຈັບໄດ້ດີກ່ວາຄົນທົ່ວໄປ ລວມທັງມີຄວາມສ່ຽງເປັນພະ  ຍາດປອດໜ້ອຍກ່ວານຳ ເຖິງຈະເປັນຄົນສູບຢາຫລາຍກໍຕາມ ເຊິ່ງຜົນການຄົ້ນພົບໃນພາກສ່ວນນີ້ສາມາດເອົາໄປປະຍຸກໃຊ້ໃນການພັດທະນາຢາທີ່ເພີ່ມປະສິດທິພາບໃນການເຮັດວຽກຂອງປອດໃນອະນາຄົດໄດ້.

- Wave100S AD to Website 2020 0 -  ກຳມະພັນມີສ່ວນກ່ຽວຂ້ອງກັບພະຍາດມະເຮັງປອດເຖິງວ່າຈະບໍ່ສູບຢາ

ແຕ່ແນວໃດກໍຕາມ, ແພດກໍຍັງເຕືອນວ່າບໍ່ຄວນສູບຢາ ເຖິງຈະເປັນຄົນທີ່ມີຈຸລັງທີ່ເຮັດໃຫ້ປອດສຸຂະພາບດີກໍຕາມ ເພາະການສູບຢາບໍ່ໄດ້ນຳມາເຊິ່ງພະຍາດປອດພຽງຢ່າງດຽວ, ແຕ່ຍັງລວມໄປເຖິງພະຍາດຫົວໃຈ ແລະ ມະເຮັງຊະນິດອື່ນໆນຳ. ນອກຈາກນີ້, ນັກວິໄຈຍັງຄົ້ນພົບວ່າຈຸລັງມີສ່ວນເຮັດໃຫ້ບາງຄົນມີການເຮັດວຽກຂອງສະໝອງທີ່ແປກໄປ ເຊິ່ງເຮັດໃຫ້ເສບຕິດນິໂຄຕິນໃນຢາສູບໄດ້ງ່າຍກ່ວາຄົນອື່ນ.

- WhatsApp Image 2020 05 27 at 5 -  ກຳມະພັນມີສ່ວນກ່ຽວຂ້ອງກັບພະຍາດມະເຮັງປອດເຖິງວ່າຈະບໍ່ສູບຢາ
- WhatsApp Image 2020 05 27 at 5 -  ກຳມະພັນມີສ່ວນກ່ຽວຂ້ອງກັບພະຍາດມະເຮັງປອດເຖິງວ່າຈະບໍ່ສູບຢາ
- WhatsApp Image 2020 05 27 at 5 -  ກຳມະພັນມີສ່ວນກ່ຽວຂ້ອງກັບພະຍາດມະເຮັງປອດເຖິງວ່າຈະບໍ່ສູບຢາ
- WhatsApp Image 2020 05 27 at 5 -  ກຳມະພັນມີສ່ວນກ່ຽວຂ້ອງກັບພະຍາດມະເຮັງປອດເຖິງວ່າຈະບໍ່ສູບຢາ
error: Alert: Content is protected !!