5 ສາເຫດເຮັດໃຫ້ໂທລະສັບຮ້ອນໄວ

- advert banner 728 90 728x90 - 5 ສາເຫດເຮັດໃຫ້ໂທລະສັບຮ້ອນໄວ

ເຄີຍສົງໄສຫລືບໍ່ວ່າໃຊ້ງານໂທລະສັບມືຖືໄປໄດ້ບໍ່ດົນເທົ່າໃດກໍເກີດຄວາມຮ້ອນເກີນໄປຈົນບໍ່ຮູ້ສາເຫດ ແລະ ຕໍ່ໄປນີ້ແມ່ນ 5 ເຫດຜົນທີ່ເຮັດໃຫ້ໂທລະສັບມືຖືຂອງທ່ານຮ້ອນໄວ.

  1. ໃຊ້ງານເປັນເວລາດົນ : ປົກກະຕິການໃຊ້ງານໂທລະສັບມືຖືຈະມີການເຮັດວຽກຫລາຍໆຢ່າງ ບໍ່ວ່າຈະແມ່ນໜ້າຈໍ, CPU ໜ່ວຍປະມວນຜົນ ຫລື ແບັດເຕີຣີ ເມື່ອໃຊ້ໄປດົນໆກໍຄືກັບເຄື່ອງໃຊ້ໄຟຟ້າຢ່າງໜຶ່ງຄືຄວາມຮ້ອນຂຶ້ນສູງ ເຮັດໃຫ້ຮູ້ສຶກວ່າບໍ່ໜ້າຈັບບາຍພໍປານໃດ ເມື່ອເກີດບັນຫານີ້ແນະນຳວ່າໃຊ້ຢຸດໃຊ້ກ່ອນ ຈົນກ່ວາໂທລະສັບຈະກັບມາຢູ່ໃນອຸນຫະພູມປົກກະຕິ.
  2. ສາກໄຟແລ້ວໃຊ້ງານໄປນຳ : ເປັນສາເຫດຕໍ່ເນື່ອງຈາກການໃຊ້ງານເປັນເວລາດົນ ເຊິ່ງການສາກໄຟແບັດເຕີຣີນັ້ນຈະເຮັດໃຫ້ເກີດຄວາມຮ້ອນຢູ່ແລ້ວ ຍິ່ງຖ້າທັງສາກໄຟທັງໃຊ້ງານໄປນຳຍິ່ງເຮັດໃຫ້ໂທລະສັບຮ້ອນຂຶ້ນຕື່ມຈົນສົ່ງຜົນໃຫ້ໂທລະສັບອາດລະເບີດໄດ້ຍ້ອນຄວາມຮ້ອນສູງເກີນໄປ ຈຶ່ງບໍ່ຄວນໃຊ້ໂທລະສັບໃນເວລາສາກໄຟ ແລະ ກວດສອບເບິ່ງສະພາບສາຍສາກ ຫລື ແບັດເຕີຣີວ່າໄດ້ມາດຕະຖານຂອງຍີ່ຫໍ້ຜູ້ຜະລິດແທ້ຫລືບໍ່ ຫາກບໍ່ໄດ້ຮັບການຮອງຮັບ ຫລື ຍີ່ຫໍ້ທີ່ບໍ່ມີມາດຕະຖານ ຄວນປ່ຽນອັນໃໝ່ທັນທີ ເພາະມັນເປັນສາເຫດເຮັດໃຫ້ທັງໂທລະສັບ ແລະ ອຸປະກອນການສາກມີຄວາມຮ້ອນສູງໄປນຳກັນ.
  3. ວາງໂທລະສັບໄວ້ໃກ້ສິ່ງທີ່ມີອຸນຫະພູມສູງ : ການວາງໂທລະສັບໃນສະຖານທີ່ ຫລື ສະພາບແວດລ້ອມທີ່ມີຄວາມຮ້ອນສູງກໍເຮັດໃຫ້ໂທລະສັບຮ້ອນໄດ້ຄືກັນ ບໍ່ວ່າຈະແມ່ນໃນລົດທີ່ຈອດໄວ້ກາງແດດກ້າ ຫລື ວາງໄວ້ໃກ້ຊ່ອງລະບາຍຄວາມຮ້ອນຂອງໂນດບຸກກໍຕາມ ອາດເຮັດໃຫ້ຂອບຢາງຂອງໂທລະສັບເປື່ອຍ ແລະ ແຕກລ້າວໄດ້ງ່າຍ.
  4. ໃຊ້ເຄສຫຸ້ມໂທລະສັບແບບອະລູມີນຽມ : ຫລາຍຄົນອາດຈະບໍ່ເຊື່ອວ່າເຄສຫຸ້ມໂທລະສັບນັ້ນອາດສົ່ງຜົນໃຫ້ໂທລະສັບຮ້ອນໄດ້ ໂດຍສະເພາະເຄສທີ່ມີສ່ວນປະກອບເປັນໂລຫະ ເມື່ອໂທລະສັບເກີດຄວາມຮ້ອນມາຖືກກັບໂລຫະອາດຈະເຮັດໃຫ້ຄວາມຮ້ອນຂອງໂທລະສັບນັ້ນສູງຂຶ້ນ ແລະ ບໍ່ມີທາງອອກຈົນເຮັດໃຫ້ໂທລະສັບຮ້ອນຈົນອັນຕະລາຍໄດ້ ຂໍ້ນີ້ຂໍແນະນຳວ່າຖ້າຫາກໃຊ້ເຄສອະລູມີນຽມ ແລ້ວໂທລະສັບມີອຸນຫະພູມສູງ ຄວນຖອດເຄສອອກມາກ່ອນ ໃຫ້ໂທລະສັບໄດ້ລະບາຍອາກາດຈະດີທີ່ສຸດ.

5.​ ອຸປະກອນສາກໄຟບໍ່ໄດ້ມາດຕະຖານ : ອີກປັດໄຈທີ່ເຮັດໃຫ້ໂທລະສັບຮ້ອນກໍແມ່ນອຸປະກອນສາກໄຟ ເຊິ່ງສ່ວນຫລາຍຈະ ມີຫລາຍແບບໃຫ້ໄດ້ເລືອກ ເຖິງວ່າຈະໃຊ້ຂອງແທ້ກໍຕາມ,​ ແຕ່ປັດໄຈທີ່ເຮັດໃຫ້ຮ້ອນອາດຈະແມ່ນປັກໄຟທີ່ຈ່າຍໄຟຫລາຍເກີນໄປ ຫລື ແບັດເຕີຣີທີ່ປ່ຽນບໍ່ແມ່ນຂອງແທ້ ຫລື ບໍ່ໄດ້ຮັບການຮັບຮອງມາດຕະຖານ ກໍເປັນອີກບັນຫາໜຶ່ງທີ່ເຮັດໃຫ້ໂທລະສັບຮ້ອນ. ສະນັ້ນ, ຖ້າເກີດບັນຫານີ້ຄຳແນະນຳແມ່ນປ່ຽນປັກສຽບໄຟໃຫ້ເໝາະສົມກັບກຳລັງໄຟຂອງໂທລະສັບທີ່ລະບຸໃນຄູ່ມື. ສ່ວນແບັດເຕີຣີຄວນຫາກ້ອນທີ່ມີມາດຕະຖານ ແລະ ຖືກຕ້ອງຕາມສະເປັກທີ່ອອກຈາກໂຮງງານຂອງໂທລະສັບຈະດີສຸດ.

- lattana 1 - 5 ສາເຫດເຮັດໃຫ້ໂທລະສັບຮ້ອນໄວ
- 1 1 - 5 ສາເຫດເຮັດໃຫ້ໂທລະສັບຮ້ອນໄວ
error: Content is protected !!