ເກີນ 250 ຄົນເສຍຊີວິດ ຍ້ອນອຸທົກກະໄພຄັ້ງໃຫຍ່ຢູ່ອາຊີໃຕ້

- advert banner 728 90 728x90 - ເກີນ 250 ຄົນເສຍຊີວິດ ຍ້ອນອຸທົກກະໄພຄັ້ງໃຫຍ່ຢູ່ອາຊີໃຕ້

- imagess5 168 - ເກີນ 250 ຄົນເສຍຊີວິດ ຍ້ອນອຸທົກກະໄພຄັ້ງໃຫຍ່ຢູ່ອາຊີໃຕ້

ຈຳນວນ​ຜູ້​ເສຍ​ຊີວິດ​ຈາກ​ອຸ​ທົກ​ກະ​ໄພ​ຄັ້ງ​ໃຫຍ່​ໃນ​ອາຊີ​ໃຕ້​ນັບ​ແຕ່​ເດືອນ​ມິຖຸນາ​ຜ່ານ​ມາ ​ເພີ່ມ​ເປັນ​ຫລາຍ​ກວ່າ 250 ຄົນ​ແລ້ວ. ​ເຖິງ​ຢ່າງ​ໃດ​ກໍ​ຕາມ, ສະຖານະ​ການ​ມີ​ທ່າ​ອ່ຽງດີ​ຂຶ້ນ.

 

+ ຍອດຜູ້ເສຍຊີວິດເຄິ່ງຮ້ອຍ ຈາກນ້ຳຖ້ວມໜັກຢູ່ເນປານ

+ ຈຳນວນຜູ້ເສຍຊີວິດຈາກນ້ຳຖ້ວມ ຢູ່ຫວຽດນາມເພີ່ມເປັນ 26 ຄົນ ເສຍຫາຍ 41 ລ້ານໂດລາ

 

ສຳນັກ​ຂ່າວ​ຕ່າງປະ​ເທດ​ລາຍ​ງານ​ຈາກ​ເມືອງ​ລັກ​​ເນົາ ປະ​ເທດ​ອິນ​ເດຍ ​ໃນ​ວັນ​ທີ 18 ສິງຫາ​ວ່າ: ສະຖານະ​ການ​ອຸ​ທົກ​ກະ​ໄພ​ຄັ້ງຮຸນ​ແຮງ​ນັບ​ແຕ່​ລະດູ​ມໍ​ລະ​ສຸມ​ທີ່​ເກີດ​ຂຶ້ນກັບ 3 ປະ​ເທດ​ໃນ​ອາຊີ​ໃຕ້ ຄື​ອິນ​ເດຍ, ​ເນ​ປານ ​ແລະ ບັງ​ກະ​ລາ​ເທດ ກຳລັງ​ເຂົ້າສູ່ສະພາບ​ດີ​ຂຶ້ນ, ​ເຖິງ​ວ່າ​ຈຳນວນ​ຜູ້​ເສຍ​ຊີວິດ​ສູງກວ່າ 250 ຄົນ, ​ແຕ່​ທ່າ​ອ່ຽງການ​ພົບ​ຜູ້​ເສຍ​ຊີວິດ​ເພີ່ມ​ອີກ​ຫລຸດ​ລົງ, ຂະ​ບວນການ​ໃຫ້ການ​ຊ່ວຍ​ເຫລືອ​ປ່ຽນ​ມາ​ເນັ້ນການ​ສຳ​ຫລວດ​ຄວາມ​ເສຍ​ຫາຍ ​ແລະ ຟື້ນຟູ​ເຮືອນ​ຊານ​ຫລາຍ​ຂຶ້ນ. ຂະນະ​ທີ່​ປະຊາຊົນ​ຫລາຍ​ກວ່າ 300.000 ຄົນ​ໃນ​ພື້ນທີ່​ປະສົບ​ໄພ​ຂອງ​ທັງ​ສາມ​ປະ​ເທດ ​ໄດ້​ຮັບ​ການ​ຊ່ວຍ​ເຫລືອ​ຈາກ​ເຈົ້າໜ້າ​ທີ່​ບັນ​ເທົາ​ທຸກ​ໃນ​ປະ​ເທດ​ຂອງ​ຕົນ​ເອງ ​ໃນ​ການ​ອົບ​ພະຍົບ ​ແລະ ​ໃຊ້​ຊີວິດ​ໃນ​ສູນ​ອາ​ໄສ​ຊົ່ວຄາວ.

- 28abd55d4fd6deb7dfebdbc2b8012ac2 Nepal flood - ເກີນ 250 ຄົນເສຍຊີວິດ ຍ້ອນອຸທົກກະໄພຄັ້ງໃຫຍ່ຢູ່ອາຊີໃຕ້

- 1 1 - ເກີນ 250 ຄົນເສຍຊີວິດ ຍ້ອນອຸທົກກະໄພຄັ້ງໃຫຍ່ຢູ່ອາຊີໃຕ້
- lattana 1 - ເກີນ 250 ຄົນເສຍຊີວິດ ຍ້ອນອຸທົກກະໄພຄັ້ງໃຫຍ່ຢູ່ອາຊີໃຕ້

​ເຖິງ​ຢ່າງ​ໃດ​ກໍ​ຕາມ, ຖ້າ​ແຍກ​ອອກ​ເປ​ັນ​ແຕ່ລະ​ປະ​ເທດ​ພົບ​ວ່າ: ປະ​ເທດ​ທີ່​ໄດ້​ຮັບ​ຜົນ​ກະທົບ​ຫລາຍ​ທີ່​ສຸດ​ຈາກ​ໄພ​ທຳ​ມະ​ຊາດ​ໃນ​ຄັ້ງນີ້​ຄື​ອິນ​ເດຍ ​ໂດຍ​ພົບ​ຜູ້​ເສຍ​ຊີວິດ​ຫລາຍ​ທີ່​ສຸດ​ໃນ​ລັດ​ອຳ​ສຳ ​ເຊິ່ງຢູ່​ທາງ​ຕາ​ເວັນ​ອອກສຽງ​ເໜືອ ຢ່າງ​ໜ້ອຍ 115 ຄົນ, ​ເຮືອນ​ເກືອບ 3.000 ຫລັງ​ຈົມ​ຢູ່​ໃຕ້​ນ້ຳ ​ແລະ ປະຊາຊົນ​ຫລາຍ​ກວ່າ 200.000 ຄົນ​ຕ້ອງ​ອົບ​ພະຍົບອອກ​ຈາກ​ບ່ອນຢູ່​ອາ​ໄສ, ຮອງ​ລົງ​ມາ​ຄື​ລັດ​ພິຫານ ​ເຊິ່ງມີ​ແມ່ນ້ຳຄົງ​ຄາ​ໄຫລ​ຜ່ານ​ຈາກ​ເບື້ອງຕາ​ເວັນ​ຕົກ​ໄປ​ຕາ​ເວັນ​ອອກ ມີ​ຜູ້​ເສ​ຍຊີວິດ​ຢ່າງ​ໜ້ອຍ 78 ຄົນ ​ແລະ​ ​ເນື້ອທີ່​ຢ່າງ​ໜ້ອຍ 14 ​ເຂດ​ຈາກ 28 ​ເຂດ​ໄດ້​ຮັບ​ຜົນ​ກະທົບ​ຈາກ​ອຸ​ທົກ​ກະ​ໄພ, ຕໍ່​ມາ​ແມ່ນ​ລັດ​ອຸ​ຕໍ​ປະ​ເທດ ​ເຊິ່ງພົບ​ຜູ້​ເສຍ​ຊີວິດ​ຢ່າງ​ໜ້ອຍ 33 ຄົນ ​ແລະ ​ເນື້ອ​ທີ່​ໃນ 22 ຈາກ 75 ​ເຂດ​ໄດ້​ຮັບ​ຜົນ​ກະທົບ.

- gInidia Floods S 191 - ເກີນ 250 ຄົນເສຍຊີວິດ ຍ້ອນອຸທົກກະໄພຄັ້ງໃຫຍ່ຢູ່ອາຊີໃຕ້

ສ່ວນ​ສະຖານະ​ການ​ຢູ່​ເນ​ປານ​ມີ​ລາຍ​ງານ​ວ່າ​ລະດັບ​ນ້ຳ​ເລີ່​ມຫລຸດ​ລົງ​​ແລ້ວ​ໃນ​ບາງ​ພື້ນທີ່ ​ໂດຍ​ມີ​ຜູ້​ເສຍ​ຊີວິດ​ຢ່າງ​ໜ້ອຍ 110 ຄົນ ​ແລະ ປະຊາຊົນ​ໄດ້​ຮັບ​ຄວາມ​ເດືອດຮ້ອນ​ຫລາຍ​ກວ່າ 100.000 ຄົນ ນັບ​ແຕ່​ເດືອນ​ມິຖຸນາ​ຜ່ານ​ມາ, ສ່ວນ​ຢູ່​ບັງ​ກະລາ​ເທດ​ມີ​ລາຍ​ງານ​ຜູ້​ເສຍ​ຊີວິດ​ຢ່າງ​ໜ້ອຍ 45 ຄົນ​ໃນ​ໄລຍະ​ເວລາ​ດຽວ​ກັນ ​ແລະ ປະຊາຊົນ​ອີກ​ປະມານ 600.000 ຄົນ​ບໍ່​ມີ​ບ່ອນຢູ່​ອາ​ໄສ.

- rrp85m HC - ເກີນ 250 ຄົນເສຍຊີວິດ ຍ້ອນອຸທົກກະໄພຄັ້ງໃຫຍ່ຢູ່ອາຊີໃຕ້

ທັງ​ນີ້, ​ໄລຍະ​ເວລາ​ລະຫວ່າງ​ເດືອນ​ມິຖຸນາ-​ເດືອນ​ສິງຫາຂອງ​ທຸກ​ປີ​ຖື​ເປ​ັນ​ໄລຍະ​ທີ່​ອາຊີ​ໃຕ້​ຜະ​ເຊີນ​ກັບ​ອິດ​ທິພົນ​ຂອງ​ພາຍຸ​ມໍ​ລະ​ສຸມ, ຂະນະ​ທີ່​ໜ່ວຍ​ງານ​ດ້ານ​ສາທາລະນະ​ສຸກ​ໃນ​ພາກພື້ນມີ​ຄວາມ​ກັງວົນ​ກ່ຽວ​ກັບ​ພະຍາດ​ລະບາດ​ທີ່​ອາດ​ເກີດ​ຂຶ້ນພ້ອມ​ກັບ​ນ້ຳຖ້ວມ ​ໂດຍ​ສະ​ເພາະ​ໄຂ້​ເດ​ງດີ​ທີ່​ມີ​ລາຍ​ງານ​ຜູ້​ຕິດ​ເຊື້ອສະ​ເພາະ​ຢູ່​ອິນ​ເດຍຫລາຍ​ກວ່າ 12.000 ຄົນ ນັບ​ແຕ່​ເດືອນ​ພຶດສະພາ​ຜ່ານ​ມາ ​ແລະ ​ເສຍ​ຊີວິດ​ແລ້ວ​ຫລາຍ​ກວ່າ 20 ຄົນ ສະ​ເພາະ​ຢູ່​ລັດ​ເກ​ລະ ທີ່ຢູ່​ທາງ​ຕອນ​ໃຕ​ຂອງອິນ​ເດຍ.

- 1408392942000 AP India Nepal Flooding - ເກີນ 250 ຄົນເສຍຊີວິດ ຍ້ອນອຸທົກກະໄພຄັ້ງໃຫຍ່ຢູ່ອາຊີໃຕ້

error: Content is protected !!