ໄວຣັດໄຂ້ຫວັດໃຫຍ່ສາຍພັນໃໝ່ລະບາດ ເຮັດໃຫ້ລາຄາເປັດໄກ່ຢູ່ມຽນມາຕົກຕໍ່າ

- advert banner 728 90 728x90 - ໄວຣັດໄຂ້ຫວັດໃຫຍ່ສາຍພັນໃໝ່ລະບາດ ເຮັດໃຫ້ລາຄາເປັດໄກ່ຢູ່ມຽນມາຕົກຕໍ່າ

- IMG 20170731 180846 - ໄວຣັດໄຂ້ຫວັດໃຫຍ່ສາຍພັນໃໝ່ລະບາດ ເຮັດໃຫ້ລາຄາເປັດໄກ່ຢູ່ມຽນມາຕົກຕໍ່າ

ການ​ແຜ່​ລະບາດ​ຂອງ​ເຊື້ອ​ໄວຣັສ​ໄຂ້ຫວັດ​ໃຫຍ່​ສາຍ​ພັນ​ໃໝ່​ຊະນິດ A (H1N1) 2009 ຢູ່​ມຽນມາ ສົ່ງ​ຜົນ​ເຮັດ​ໃຫ້​ລາຄາ​ເປັດ​ໄກ່​ຢູ່​ນະຄອນຫລວງ​ຢາງ​ກຸ້ງ​ຫລຸດ​ລົງ​ເຄິ່ງໜຶ່ງ, ຂະນະ​ທີ່​ຈຳນວນ​ຜູ້​ເສຍ​ຊີວິດ​ຈາກ​ການ​ຕິດ​ເຊື້ອມີ 27 ຄົນ.

ສຳນັກ​ຂ່າວ​ຊິນ​ຮົວຂອງ​ທາງ​ການ​ຈີນ​ລາຍ​ງານ​ວ່າ: ຈາກ​ການ​ສຳ​ຫລວດ​ລາຄາ​ເປັດ​ໄກ່​ໃນ​ຕະຫລາດ​ຂອງ​ມຽນມາ​ພົບ​ວ່າ: ​ໄກ່​ໂຕ​ໜຶ່ງ 1,6 ກິ​ໂລ ປັດຈຸບັນ​ມີ​ລາຄາ 1.700 ຈາດ (ປະມານ 10.000 ກີບ) ຈາກ​ລາຄາ​ປົກກະຕິ​ທີ່​ເຄີຍ​ຂາຍ​ກ່ອນ​ໜ້າ​ນີ້ 3.200 ຈາດ (ປະມານ 20.000 ກີບ) ​ແລະ ຫລຸດ​ລົງ​ຈາກ​ລາຄາ​ສູງ​ສຸດ​ທີ່​ເຄີຍ​ຂາຍ​ກ່ອນ​ໜ້າ​ນີ້​ເຖິງ 50%.

 

+ ຈຳນວນຜູ້ເສຍຊີວິດຈາກພະຍາດ ໄຂ້ຫວັດໃຫຍ່ສາຍພັນໃໝ່ ຢູ່ມຽນມາເພີ່ມເປັນ 10 ຄົນ

+ ມຽນມາຮຽກຮ້ອງປະຊາຊົນ ຢ່າແຕກຕື່ນໄວຣັສໄຂ້ຫວັດໝູ

- Tiger Head 728x90 - ໄວຣັດໄຂ້ຫວັດໃຫຍ່ສາຍພັນໃໝ່ລະບາດ ເຮັດໃຫ້ລາຄາເປັດໄກ່ຢູ່ມຽນມາຕົກຕໍ່າ
- 1 1 - ໄວຣັດໄຂ້ຫວັດໃຫຍ່ສາຍພັນໃໝ່ລະບາດ ເຮັດໃຫ້ລາຄາເປັດໄກ່ຢູ່ມຽນມາຕົກຕໍ່າ

 

ຂະນະ​ທີ່​ກະຊວງ​ສາທາລະນະ​ສຸກ ​ແລະ ກິລາ​ລາຍ​ງານ​ວ່າ: ຈຳນວນ​ຜູ້​ເສຍ​ຊີວິດ​ຈາກ​ການ​ຕິດ​ເຊື້ອ​ໄວຣັດ​ໄຂ້ຫວັດ​ໃຫຍ່​ສາຍ​ພັນ​ໃໝ່​ຊະນິດ A (H1N1) 2009 ​ໃນ​ປະ​ເທດ ​ວັນ​ທີ 18 ສິງຫາ ​ເພີ່ມ​ຂຶ້ນມາ​ຢູ່ 27 ຄົນ ຫລັງ​ມີ​ຄຳ​ຢືນຢັນ​ຜູ້​ຕິດ​ເຊື້ອລາຍ​ໃໝ່. ຫລ້າ​ສຸດ​ພົບ​ຜູ້​ຕິດ​ເຊື້ອ​ແລ້ວ​ທັງ​ໝົດ 277 ຄົນ ນັບ​​ແຕ່​ເຊື້ອ​ໄວຣັດ​​ແຜ່​ລະບາດ​ໃນ​ວັນ​ທີ 21 ກໍລະກົດ. ​ເຖິງ​ຢ່າງ​ໃດ​ກໍ​ດີ, ຍັງ​ບໍ່​ພົບ​ເຈົ້າໜ້າ​ທີ່​ສາທາລະນະ​ສຸກ​ຄົນ​ໃດ​ຕິດ​ເຊື້ອຈາກ​ການ​ໃຫ້​ບໍລິການ​ຜູ້​ປ່ວຍ.

- 1502854660477 960x0 - ໄວຣັດໄຂ້ຫວັດໃຫຍ່ສາຍພັນໃໝ່ລະບາດ ເຮັດໃຫ້ລາຄາເປັດໄກ່ຢູ່ມຽນມາຕົກຕໍ່າ

ກະຊວງ​ດັ່ງກ່າວ​ເຕືອນ​ໃຫ້​ປະຊາຊົນ​ປະຕິບັດ​ຕາມ​ຄຳ​ແນະນຳ​ຢ່າງ​ເຄັ່ງ​ຂັດ ​ເພື່ອ​ປ້ອງ​ກັນ​ບໍ່​ໃຫ້​ຕິດ​ເຊື້ອ ລວມທັງ​ຖ້າ​ພົບ​ວ່າ​ມີ​ອາການປ່ວຍ ​ໃຫ້​​ໄປ​ພົບ​ແພດ​ຢູ່​ສຸກສາລາ​ໃກ້​ທີ່​ສຸດ ​ເພື່ອປິ່ນປົວ​ທັນທີ.

error: Content is protected !!