ເມືອງປາກເຊປະກາດສ້າງຕັ້ງຄະນະພັກຮາກຖານບ້ານໃຫຍ່ສະພານໄຊ

- advert banner 728 90 728x90 - ເມືອງປາກເຊປະກາດສ້າງຕັ້ງຄະນະພັກຮາກຖານບ້ານໃຫຍ່ສະພານໄຊ

ໃນທ້າຍອາທິດຜ່ານມານີ້, ທີ່ບ້ານສະພານໄຊ ເມືອງປາກເຊ ແຂວງຈຳປາສັກ, ໄດ້ຈັດ ພິທີ ປະກາດສ້າງຕັ້ງຄະນະພັກຮາກຖານບ້ານ ສະພານໄຊ ຂຶ້ນຢ່າງ ເປັນທາງການ, ໂດຍການ ເຂົ້າ ຮ່ວມຂອງ ສະຫາຍ ສຸລິວັນ ສະຫວັດທະສິນ ຄະນະປະຈຳ ພັກ ແຂວງ ເລຂາພັກເມືອງ, ເຈົ້າ ເມືອງປາກເຊ, ມີສະມາຊິກ ຮາກ ຖານພັກບ້ານດັ່ງກ່າວເຂົ້າຮ່ວມ ຢ່າງພ້ອມພຽງ.

 

 

+ ສະພາປະຊາຊົນແຂວງຈຳປາສັກ ສຳເລັດກອງປະຊຸມສະໄໝສາມັນເທື່ອທີ 3

+ ສໍານັກງານນາຍົກຈັດພິທີຍ້ອງຍໍຜູ້ທີ່ດີເດັ່ນໃນການຮັບໃຊ້ກອງປະຊຸມສຸດຍອດອາຊຽນຄັ້ງທີ 28 ແລະ 29

- 1 1 - ເມືອງປາກເຊປະກາດສ້າງຕັ້ງຄະນະພັກຮາກຖານບ້ານໃຫຍ່ສະພານໄຊ
- lattana 1 - ເມືອງປາກເຊປະກາດສ້າງຕັ້ງຄະນະພັກຮາກຖານບ້ານໃຫຍ່ສະພານໄຊ

 

 

ໃນກອງປະຊຸມສະຫາຍ ວິລັດ ນຽມທະຈິດ ກຳມະການ ພັກເມືອງ ຫົວໜ້າຄະນະຈັດຕັ້ງ ເມືອງປາກເຊ ໄດ້ຜ່ານມະຕິຕົກລົງ ຂອງຄະນະປະຈຳພັກເມືອງປາກ ເຊວ່າດ້ວຍການອະນຸມັດສ້າງ ຕັ້ງຄະນະພັກຮາກຖານບ້ານໃຫຍ່ ສະພານໄຊ, ຊຶ່ງມີສະມາຊິກພັກ ທັງໝົດ 44 ສະຫາຍ, ຍິງ 6 ສະຫາຍ, ໂດຍປະກອບມີ 3 ໜ່ວຍ ພັກຂຶ້ນກັບຄື: ໜ່ວຍພັກຄຸ້ມສະ ພານໄຊເໜືອ, ໜ່ວຍພັກຄຸ້ມສະ ພານ ໄຊກາງ ແລະ ໜ່ວຍພັກຄຸ້ມ ສະພານໄຊໃຕ້ ແລະ ໄດ້ຜ່ານມະ ຕິຕົກລົງຂອງ ຄະນະປະຈຳພັກ ເມືອງປາກເຊ ວ່າດ້ວຍການບົ່ງ ຕົວແຕ່ງຕັ້ງເລຂາ, ຄະນະພັກ ຮາກຖານ, ຄະນະໜ່ວຍພັກທີ່ ຂຶ້ນກັບບ້ານສະພານໄຊ, ຊຶ່ງແຕ່ງ ຕັ້ງສະຫາຍ ບຸນປອນ ໄຊສົງຄາມ ກຳມະການພັກເມືອງ ເປັນເລຂາ ຄະນະພັກຮາກຖານ ບ້ານໃຫຍ່ ສະພານໄຊ,ສະຫາຍພັນຕີ ສຸວັນ ໝັ້ນຄົງ ເປັນຮອງ, ສະຫາຍນາງ ສຸດໃຈ ໄຊຍະບຸນ , ສະຫາຍ ຄຳ ປັນ ພິມມະເສນ ແລະ ສະຫາຍ ນາງ ບຸນຖະໜອມ ພົມມະລັກ ເປັນຄະນະພັກຮາກຖານ.

ຈາກນັ້ນຜູ້ເຂົ້າຮ່ວມ ໄດ້ ຮັບຟັງທິດທາງແຜນການນຳ ພາຂອງຄະນະພັກຮາກຖານ ບ້ານໃຫຍ່ສະພານໄຊ 5 ປີຕໍ່ໜ້າ ແຕ່ປີ 2017-2021, ຮັບຟັງທິດ ຊີ້ນຳ ຂອງສະຫາຍ ສຸລິວັນ ສະ ຫວັດທະສິນ ເລຂາພັກເມືອງ ເຈົ້າ ເມືອງປາກເຊ . ເຊິ່ງສະຫາຍ ໄດ້ເນັ້ນໃຫ້ຄະນະພັກຮາກຖານ ບ້ານ ເອົາໃຈໃສ່ຖືດ້ານການ ເມືອງແນວຄິດເປັນກົກໃນການ ນໍາພາພັດທະນາບ້ານແນໃສ່ ເຮັດໃຫ້ທຸກອົງການຈັດຕັ້ງຂອງ ບ້ານ ຕະຫຼອດຮອດພໍ່ແມ່ປະຊາ ຊົນຮັບຮູ້ເຂົ້າໃຈແນວທາງນະໂຍ ບາຍຂອງພັກ,ລະບຽບກົດໝາຍ ຂອງລັດຢ່າງເລິກເຊິ່ງແລະ ກວ້າງຂວາງສາມັກຄີກັນປະ ກອບສ່ວນຢ່າງຕັ້ງໜ້າເຂົ້າໃນ ການພັດທະນາເສດຖະກິດສັງ ຄົມ, ຄວາມສະອາດສວຍງາມ ແລະ ຕ້ານປາກົດການຫຍໍ້ ທໍ້ທີ່ເກີດຂຶ້ນພາຍໃນບ້ານໃຫ້ ໝົດໄປ. ກໍຄືເຮັດໃຫ້ຄໍາຂວັນ 3 ສ ທີ່ວາງອອກຄື: ສ້າງເມືອງໃຫ້ ມີຄວາມສະອາດ, ສ້າງໃຫ້ ເປັນສູນກາງ ແລະ ສ້າງເມືອງ ໃຫ້ມີຄວາມສີວິໄລປາກົດຜົນ ເປັນຈິງ.

error: Content is protected !!