​ເກີດ​ເຫດຄົນ​ຮ້າຍ ຈີ້​ເອົາ​ລົດ ຢູ່​ເຂດ​ບ້ານ ສະພານ​ທອງ​ເໜືອ

- Untitled design - ​ເກີດ​ເຫດຄົນ​ຮ້າຍ ຈີ້​ເອົາ​ລົດ ຢູ່​ເຂດ​ບ້ານ ສະພານ​ທອງ​ເໜືອ

ທ້າຍ​ອາທິດ​ຜ່ານ​ມານີ້, ​ໄດ້​ມີ​ຄົນ​ຮ້າຍ ສອງ​ຄົນຂີ່​ລົດ​ຈັກ​ບໍ່ມີ​ປ້າຍ​ທະບຽນສວມ​ໝວກກັນກະທົບກໍ່​ເຫດ​ຈີ້​ເອົາ​ລົດ​ຍິງ​ສາວ​ຄົນໜຶ່ງ ທີ່​ເສັ້ນທາງ​ມິດຕະພາບ​ລາວ-​ໄທ,​ເຂດ​ບ້ານ ສະພານ​ທອງ​ເໜືອ ​ເມືອງ ສີ​ສັດຕະ​ນາກ ນະຄອນຫລວງ​ວຽງຈັນ ​ແລ້ວ​ຫລົບໜີ ​ໂດຍ​ຜູ້​ເສຍ​ຫາຍ​ເລົ່າ​ສູ່​ນັກ​ຂ່າວ​ພວກ​ເຮົາ​ຟັງ​ວ່າ: ​ໃນ​ຄ່ຳ​ຄືນ​​ມື້​ເກີດ​ເຫດ ຕົນ​ເອງ​ໄດ້​ຂີ່​ລົດຈັກ​ຮອນ​ດາ​ເວ​ບ ກັບ​ຈາກ​ບ່ອນ​​ເຮັດ​ວຽກ ຢູ່​ຮ້ານ​ອາຫານ​ແຫ່ງ​ໜຶ່ງ​ເຂດ​ບ້ານ ອຸບ​ມຸງ ​ເມືອງ ສີ​ໂຄດ​ຕະບອງ ນະຄອນຫລວງ​ວຽງຈັນ, ​ໂດຍໄດ້​ຂີ່​ລົດ​ມາ​ແຕ່​ເສັ້ນທາງ​ດົງ​ປ່າ​ລານ ​ແລ້ວ ມຸ້ງໜ້າມາ​ເສັ້ນທາງໂພນ​ທັນ, ພໍ​ມາ​ເຖີງຈຸດ​ເກີດ​ເຫດ ​ໄດ້​ມີ​ຄົນ​ຮ້າຍໃຊ້​ມີດ​​ມາ​ຈີ້ຄໍ​ຕົນ​ເອງ ​ແລະ ນຳ​ເອົາ​ລົດຈັກ​ທີ່​ຂີ່​ມາ​ນັ້ນ​ໄປ, ຂະນະ​ທີ່​ມີ​ພົນລະ​ເມືອງ​ດີ​ມາ​ພົບ​ເຫັນ ​ແລະ ຂີ່​ລົດ​ໄລ່​ຕິດຕາມ​ນຳ ​ແຕ່​ກໍ​ບໍ່ທັນ, ຊຶ່ງ​ຄົນ​ຮ້າຍ​ມີ​ລັກ​ຊະນະ​ຈ່ອຍ​ສູງ, ສວມ​ໝວກກັນກະທົບ, ຊຶ່ງ​ພາຍຫລັງ​ເກີດ​ເຫດ ກໍ​ໄດ້​ເຂົ້າ​ແຈ້ງ​ຕໍ່​ເຈົ້າໜ້າທີ່​ປກສ ​ເພື່ອ​ຊ່ງຍຕິດຕາມ​ຄົນ​ຮ້າຍ​ມາ​ດຳ​ເນີນ​ຄະດີ.

​ເຈົ້າໜ້າທີ່ ປກສ ນະຄອນຫລວງ​ວຽງຈັນ ​ໃຫ້​ຮູ້​ວ່າ: ສະພາບ​ການ​ກະທຳ​ຜິດ​ທາງ​ອາຍາ ຢູ່ ນະຄອນຫລວງ​ວຽງຈັນ ​ແມ່ນ​​ສືບຕໍ່ມີ​ລັກສະນະ​ແບບ​ບັງອາດ, ​ເປີດ​ແປນ, ນຳ​ໃຊ້​ພາຫະນະ, ອາວຸດ​ເຄື່ອງມື​ອຸປະກອນຕ່າງໆ, ມີ​ເລ່ຫລ່ຽມ​ເລີກ​ແລບ​ກວ່າ​ເກົ່າ, ໃນ 6 ​ເດືອນ​ຜ່ານ​ມາ ​ໃນ​ນະຄອນຫລວງ​ວຽງຈັນ ມີ​ສະພາບ​ຫຍໍ້​ທໍ້​ເກີດ​ຂຶ້ນ 2.272 ​ເລື່ອ​ງ, ຊີງ​ຊັບ​ພົນລະ​ເມືອງ 90 ​ເລື່ອ​ງ, ລັກ​ຊັບ 441 ​ເລື່ອ​ງ, ຊື້ຂາຍຢາ​ເສບ​ຕິດ 500 ກວ່າ​ເລື່ອງ ​ຜົນ​ເສຍ​ຫາຍຄື: ລົດຈັກ ກວ່າ 100 ຄັນ, ລົດ​ໃຫຍ່ 5 ຄັນ ​ແລະ ຊັບ​ສິນ​ອື່ນໆ, ຊຶ່ງ​ເຈົ້າໜ້າທີ່​ສາມາດ​ແກ້​ໄຂ​ໄດ້​ 1.940 ​ເລື່ອງ, ກັກ​ຕົວ​ຜູ້​ກະທຳ​ຜິດ​ມາ​ດຳ​ເນີນ​ຄະດີ​ໄດ້ 1.662 ຄົນ.

- Wave100S AD to Website 2020 0 - ​ເກີດ​ເຫດຄົນ​ຮ້າຍ ຈີ້​ເອົາ​ລົດ ຢູ່​ເຂດ​ບ້ານ ສະພານ​ທອງ​ເໜືອ
- WhatsApp Image 2020 05 27 at 5 - ​ເກີດ​ເຫດຄົນ​ຮ້າຍ ຈີ້​ເອົາ​ລົດ ຢູ່​ເຂດ​ບ້ານ ສະພານ​ທອງ​ເໜືອ
- WhatsApp Image 2020 05 27 at 5 - ​ເກີດ​ເຫດຄົນ​ຮ້າຍ ຈີ້​ເອົາ​ລົດ ຢູ່​ເຂດ​ບ້ານ ສະພານ​ທອງ​ເໜືອ
error: Alert: ເນື້ອຫາຂ່າວມີລິຂະສິດ !!