ລັດຖະບານຫວຽດນາມປະດັບຫລຽນໄຊໃຫ້ການນຳແຂວງເຊກອງ

- advert banner 728 90 728x90 - ລັດຖະບານຫວຽດນາມປະດັບຫລຽນໄຊໃຫ້ການນຳແຂວງເຊກອງ

ເມື່ອອາທິດຜ່ານມານີ້, ທ່ານ ຫງວຽນ ດັກ ກວິ່ງ ຮອງເລຂາຜູ້ປະຈຳການພັກແຂວງ, ປະທານຄະນະສະມາຊິກສະພາແຫ່ງຊາດແຂວງເຊິນລາ ສສ. ຫວຽດນາມ ໄດ້ຕາງໜ້າໃຫ້ລັດຖະບານຫວຽດນາມປະດັບຫລຽນໄຊອິດສະຫລະ ຊັ້ນ III ໃຫ້ແກ່ບຸກຄົນໃນການນຳແຂວງເຊກອງທີ່ມີຜົນງານເດັ່ນປະກອບສ່ວນ ເຂົ້າໃນການເສີມຂະຫຍາຍມູນເຊື້ອ ແລະ ສາຍພົວພັນສາມັກຄີມິດຕະພາບແບບພິເສດລະຫວ່າງລາວ-ຫວຽດນາມ, ໂດຍມີທ່ານ ຄໍາເຜີຍ ບຸດດາວຽງເຈົ້າແຂວງເຊກອງ, ພ້ອມດ້ວຍພາກສ່ວນກ່ຽວຂ້ອງສອງຝ່າຍເຂົ້າຮ່ວມ.

- new3 - ລັດຖະບານຫວຽດນາມປະດັບຫລຽນໄຊໃຫ້ການນຳແຂວງເຊກອງ

ທ່ານ ຫງວຽນ ດັກ ກວິ່ງ ໃຫ້ຮູ້ວ່າ: ອີງຕາມລັດຖະດຳລັດຂອງປະທານປະເທດແຫ່ງສາທາລະນະລັດສັງຄົມນິຍົມຫວຽດນາມ ສະບັບເລກທີ 1240 ລົງວັນທີ 3 ກໍລະກົດ 2017 ວ່າດ້້້ວຍການປະດັບຫລຽນອິດສະຫຼະຊັ້ນ III ຂອງ ສສ ຫວຽດນາມ ໃຫ້ແກ່ບຸກຄົນໃນການນຳແຂວງເຊກອງຈຳນວນ 4 ທ່ານຄື: ທ່ານ ຄຳພຽມ ບົວລະພາ ຮອງເລຂາພັກແຂວງເຊກອງ, ທ່ານ ຖາວອນ ພົມມະໄລລຸນ ກຳມະການປະຈຳພັກແຂວງ, ຮອງເຈົ້າແຂວງເຊກອງ, ທ່ານ ເຫລັກໄຫລ ສີວິໄລ ກຳມະການປະຈຳພັກແຂວງ, ຮອງເຈົ້າແຂວງເຊກອງ ແລະ ທ່ານ ສີດາ ສຸວັນນະສາຍ ຮອງເລຂາພັກແຂວງ, ຮອງເຈົ້າແຂວງເຊກອງທີ່ມີຜົນງານດີເດັ່ນໃນການປະກອບສ່ວນຢ່າງຕັ້ງໜ້າເຂົ້າໃນການເສີມຂະຫຍາຍມູນເຊື້ອສາຍ ພົວພັນມິດຕະພາບ, ຄວາມສາມັກຄີແບບພິເສດ ແລະ ການຮ່ວມມືຮອບດ້ານ ລະຫວ່າງລາວ-ຫວຽດນາມ.

- lattana 1 - ລັດຖະບານຫວຽດນາມປະດັບຫລຽນໄຊໃຫ້ການນຳແຂວງເຊກອງ

ໃນໂອກາດດັ່ງກ່າວ, ທ່ານ ຄໍາພຽມ ບົວລະພາ ໄດ້ຕາງໜ້າບຸກຄົນທີ່ໄດ້ຮັບການຍ້ອງຍໍຂຶ້ນກ່າວສະແດງຄວາມຂອບໃຈ ແລະ ຮູ້ບຸນຄຸນມາຍັງພັກ ແລະ ລັດຖະບານ ສສ.ຫວຽດນາມ ທີ່ໄດ້ປະດັບຫລຽນໃນຄັ້ງນີ້, ຊຶ່ງທ່າມກາງບັນຍາກາດທີ່ສອງພັກ, ສອງລັດ ແລະ ປະຊາຊົນ ສອງຊາດລາວ-ຫວຽດນາມ ພວມຈັດຕັ້ງການສະເຫລີມສະຫລອງ 2 ວັນປະຫວັດສາດຄື: ວັນສ້າງຕັ້ງສາຍພົວພັນການທູດຄົບຮອບ 55 ປີ ແລະ ວັນເຊັນສົນທິສັນຍາມິດຕະພາບ ແລະ ການຮ່ວມມືຮອບດ້ານຄົບຮອບ 40 ປີຢ່າງເປັນຂະບວນຟົດຟື້ນ ແລະ ການມາຢ້ຽມຢາມ ແລະ ເຮັດວຽກຢູ່ແຂວງເຊກອງຂອງການນຳຂັ້ນສູງແຂວງເຊີນລາໃນຄັ້ງນີ້ແມ່ນເປັນການປະກອບສ່ວນສຳຄັນເຂົ້າໃນການເສີມຂະຫຍາຍການຮ່ວມມື, ຄວາມສາມັກຄີຮັກແພງຊ່ວຍເຫລືອເຊິ່ງກັນ ແລະ ກັນລະຫວ່າງສອງຊາດລາວ-ຫວຽດນາມ ທີ່ປະທານ ໂຮ່ຈິມິນ, ປະທານ ໄກສອນ ພົມວິຫານ ໄດ້ສ້າງໄວ້ເວົ້າລວມ, ເວົ້າສະເພາະ ກໍຄືແຂວງເຊກອງ ແລະ ແຂວງເຊີນລາໃຫ້ນັບມື້ແໜ້ນແຟ້ນ ແລະ ໝັ້ນຄົງທະນົງແກ່ນຍິ່ງໆຂຶ້ນ.

error: Content is protected !!