ອາເມລິກາ-ສ.ເກົາຫລີ ເລີ່ມຊ້ອມຮົບຮ່ວມປະຈຳປີອີກ

- advert banner 728 90 728x90 - ອາເມລິກາ-ສ.ເກົາຫລີ ເລີ່ມຊ້ອມຮົບຮ່ວມປະຈຳປີອີກ
- 97458266 f23e4094 cd54 4806 8f8e 685d880809b9 - ອາເມລິກາ-ສ.ເກົາຫລີ ເລີ່ມຊ້ອມຮົບຮ່ວມປະຈຳປີອີກ
ການຊ້ອມຮັບມືໄພກໍ່ການຮ້າຍໃນປະຕິບັດການ UFG ໃນປີຜ່ານມາ ໂດຍຈຳລອງສະຖານະການວ່າເກີດເຫດໂຈມຕີດ້ວຍສານເຄມີຢູ່ສະຖານີລົດໄຟໃຕ້ດິນນະຄອນຫລວງເຊອຸນ

ກອງ​ກຳລັງ​ອາ​ເມ​ລິ​ກາ ​ແລະ ສ.​ເກົາຫລີ ​ເປີດ​ສາກ​ປະຕິບັດ​ການ​ຊ້ອມ​ຮົບ​ຮ່ວມ “ຜູ້​ພິທັກ​ເສລີພາບ​ອຸລຈີ” (Ulchi Freedom Guardian – UFG) ​ເຊິ່ງ​ເປັນ​ໜຶ່ງ​ໃນ​ການ​ຊ້ອມ​ຮົບ​ຮ່ວມ​ຄັ້ງສຳຄັນ​ປະຈຳ​ປີ​ແລ້ວ, ​ເຖິງ​ວ່າ​ກ່ອນ​ໜ້າ​ນີ້​ຈະ​ມີ​ສຽງ​ຄັດຄ້ານ​ໃຫ້​ລະງັບ​ປະຕິບັດ​ການ​ດັ່ງກ່າວ ​ເພາະ​ຢ້ານ​ວ່າ​ຈະ​ສ້າງ​ຄວາມ​ບໍ່ພໍ​ໃຈ​ໃຫ້​ແກ່ ສປປ ​ເກົາຫລີ.

- new3 - ອາເມລິກາ-ສ.ເກົາຫລີ ເລີ່ມຊ້ອມຮົບຮ່ວມປະຈຳປີອີກ

ການ​ຊ້ອມ​ຮົບ​ຮ່ວມ​ດັ່ງກ່າວ​ຈະ​ມີ​ຂຶ້ນ​ເປັນ​ເວລາ 10 ວັນ ​ໂດຍ​ເປ​ັນການ​ເຝິກ​ດຳ​ເນີນ​ປະຕິບັດ​ການ​ທະຫານ ທັງ​ທາງບົກ, ທາງ​ທະ​ເລ ​ແລະ ທາງ​ອາກາດ ລວມທັງ​ມີ​ການ​ເຝິກ​ຜ່ານ​ເຄື່ອງ​ຈຳລອງ​ສະຖານະ​ການ​ດ້ວຍ​ຄອມ​ພິວ​ເຕີ​ນຳ​ອີກ ​ໂດຍ ສ.​ເກົາຫລີ ສົ່ງ​ກອງ​ກຳລັງ​ເຂົ້າຮ່ວ​ມ​ເຝິກ​ໃນ​ຄັ້ງນີ້ 50.000 ຄົນ, ສ່ວນ​ອາ​ເມ​ລິ​ກາ​ສົ່ງ​ກຳລັງ​ພົນ​ເຂົ້າຮ່ວມ​ເຝິກ​ປະມານ 25.000-30.000 ຄົນ.

 

+ ອາເມລິກາ-ສ.ເກົາຫລີ ຊ້ອມຍິງລູກສອນໄຟ ຮັບມືຈະຫລວດຈາກ ສປປ ເກົາຫລີ

+ ອາເມລິກາ-ສ.ເກົາຫລີ ເຕືອນຈະໃຊ້ແຜນຕອບໂຕ້ທັນທີ ຖ້າ ສປປ ເກົາຫລີ ທ້າທາຍອີກ

 

- lattana 1 - ອາເມລິກາ-ສ.ເກົາຫລີ ເລີ່ມຊ້ອມຮົບຮ່ວມປະຈຳປີອີກ

ກ່ອນ​ໜ້າ​ນີ້, ຈີນ ​ແລະ ຣັດ​ເຊຍ ​ເຄີຍ​ສະ​ເໜີ​ໃຫ້​ອາ​ເມ​ລິ​ກາ ​ແລະ ສ.​ເກົາຫລີ ລະງັບ​ການ​ຊ້ອມ​ຮົບ​ຮ່ວມ ​ເພື່ອ​ແລກ​ກັບ​ການ​ທີ່ ສປປ ​ເກົາຫລີ ຈະ​ຢຸດ​ຍິງ​ທົດ​ລອງ​ລູກ​ສອນ​ໄຟ, ​ແຕ່​ອາ​ເມ​ລິ​ກາ​ໄດ້​ປະຕິ​ເສດ​ຂໍ້​ສະ​ເໜີ​ນີ້ ​ໂດຍ​ພົນ​ເອກ ​ໂຈ​ເຊບ ດັນ​ຟອດ ປະທານ​ເສນາ​ທິການ​ຮ່ວມ​ຂອງ​ກອງທັບ​ອາ​ເມ​ລິ​ກາ ກ່າວ​ວ່າ: ​ເລື່ອງ​ການ​ລະງັບ​ປະຕິບັດ​ການ​ຊ້ອມ​ຮົບ​ຮ່ວມ​ບໍ່​ເຄີຍ​ຢູ່​ໃນ​ບັນຫາ​ການ​ເຈລະຈາ​ກັບ ສປປ ​ເກົາຫລີ ບໍ່​ວ່າ​ຈະ​ໃນ​ລະດັບ​ໃດ, ສ່ວນ​ປະຕິບັດ​ການ UFG ນັ້ນຈະ​ເດີນ​ໜ້າ​ຕໍ່​ໄປ​ຕາມ​ແຜນການ​ທີ່​ໄດ້​ວາງ​ໄວ້.

​ເຖິງ​ວ່າ​ອາ​ເມ​ລິ​ກາ​ເນັ້ນວ່າ: ການ​ຊ້ອມ​ຮົບ​ຮ່ວມ​ກັບ ສ.​ເກົາຫລີ ມີ​ຂຶ້ນ​ເພື່ອ​ຈຸດປະສົງ​ດ້ານ​ການ​ປ້ອງ​ກັນ​ປະ​ເທດ​ເທົ່າ​ນັ້ນ, ​ແຕ່ ສປປ ​ເກົາຫລີ ​ເບິ່ງ​ວ່າ​ເປັນ​ການ​ເຄື່ອນ​ໄຫວ​ຍົ່ວຍຸ ​ແລະ ການ​ກຽມພ້ອມ ​ເພື່ອ​ຮຸກ​ຮານ​ປະ​ເທດ​ຂອງ​ຕົນ, ພາຍຫລັງ​ການ​ຊ້ອມ​ຮົບ​ຮ່ວມ​ດັ່ງກ່າວ ສປປ ​ເກົາຫລີ ມັກ​ຍິງ​ທົດ​ລອງ​ລູກ​ສອນ​ໄຟ​ເປັນ​ການ​ຕອບ​ໂຕ້​ສະ​ເໝີ.

- 97458267 1584ddb1 e29e 402a 8c22 54f588bdb2cb - ອາເມລິກາ-ສ.ເກົາຫລີ ເລີ່ມຊ້ອມຮົບຮ່ວມປະຈຳປີອີກ
ມີການເຝິກເຄື່ອນຍ້າຍຜູ້ບາດເຈັບໃນປະຕິບັດການຊ້ອມຮົບຮ່ວມຄັ້ງນີ້ນຳ

​ໃນ​ວັນ​ທີ 20 ສິງຫາ, ບົດບັນນາທິການ​ຂອງ​ໜັງສືພິມ​ໂຣດອງ ຊິນ​ມຸນ ຂອງ​ທາງ​ການ ສປປ ​ເກົາຫລີ ລະບຸ​ວ່າ: ການ​ຊ້ອມ​ຮົບ​ຮ່ວມ​ລະຫວ່າງ​ອາ​ເມ​ລິ​ກາ ​ແລະ ສ.​ເກົາຫລີ ​ໃນ​ຄັ້ງນີ້ ຍິ່ງ​ເຮັດ​ໃຫ້​ສະຖານະ​ການ​ຢູ່​ແຫລມ​ເກົາຫລີ​ຮ້າຍ​ແຮງ​ອີກ ​ແລະ ​ເຕືອນ​ວ່າ​ສະຖານະ​ການ​ອາດ​ດຳ​ເນີນ​ໄປ​ເຖິງ​ຂັ້ນ​ເກີດ​ສົງຄາມ​ນິວ​ເຄຼຍທີ່​ບໍ່​ອາດ​ຄວບ​ຄຸມ​ໄດ້. ກ່ອນ​ໜ້າ​ນີ້ ສປປ ​ເກົາຫລີ ຍັງ​ເຄີຍ​ປະນາມ​ການ​ຊ້ອມ​ຮົບ​ຮ່ວມ​ດັ່ງກ່າວ​ວ່າ​ເປັນ​ການ “​ເຖນ້ຳມັນ​ລົງ​ໃນ​ກອງ​ໄຟ” ມາ​ແລ້ວ​ຫລາຍ​ເທື່ອ.

- 97458268 974d2748 df4a 44d6 ae40 1157c148ab01 - ອາເມລິກາ-ສ.ເກົາຫລີ ເລີ່ມຊ້ອມຮົບຮ່ວມປະຈຳປີອີກ
ຊາວ ສ.ເກົາຫລີ ບາງສ່ວນປະທ້ວງຄັດຄ້ານປະຕິບັດການຊ້ອມຮົບຮ່ວມ UFG ໃນອາທິດຜ່ານມາ

ທັງ​ນີ້, ຄູ່​ພັນທະ​ມິດ​ອາ​ເມ​ລິ​ກາ- ສ.​ເກົາຫລີ ຈັດການ​ຊ້ອມ​ຮົບ​ຮ່ວມ​ຄັ້ງ​ໃຫຍ່​ເປັນ​ປະຈຳ​ປີ​ລະ 2 ຄັ້ງ ​ໄດ້​ແກ່​ປະຕິບັດ​ການ​ໂຟລ ອີ​ເກິ​ລ (Foal Eagle) ​ໃນ​ລະດູ​ໃບ​ໄມ້​ປົ່ງ ​ແລະ ປະຕິບັດ​ການ UFG ​ໃນ​ລະດູ​ໃບ​ໄມ້​ຫລົ່ນ ​ໂດຍ​ຊື່​ຂອງ​ປະຕິບັດ​ການ UFG ນັ້ນ ມາ​ຈາກ​ຊື່​ຂອງ​ວິລະ​ບູລຸດຜູ້ນຳ​ກອງທັບ​ເກົາຫລີ​ທີ່​ຂັບ​ໄລ່​ກອງທັບ​ຈີນ​ຜູ້​ຮຸກ​ຮານ​ອອກ​ໄປ​ໄດ້​ສຳ​ເລັດ​ໃນ​​ໄລຍະ​ທົດ​ສະ​ວັດ​ທີ 7.

ປະຕິບັດ​ການ​ຊ້ອມ​ຮົບ​ຮ່ວມ​ຄັ້ງນີ້​ຍັງ​ອາດ​ຈະ​ມີ​ພັນທະ​ມິດ​ຂອງ​ອາ​ເມ​ລິ​ກາ​ອີກ​ຫລາຍ​ປະ​ເທດ​ເຂົ້າຮ່ວມ ​ໂດຍ​ໃນ​ປີຜ່ານມາ ມີ​ຜູ້​ເຂົ້າຮ່ວມ​ເຝິກຊ້ອມ​ເພີ່ມ​ອີກ 9 ປະ​ເທດ ​ເຊິ່ງລວມ​ເຖິງ​ສະຫະ​ລາຊະ​ອານາຈັກ, ອົດ​ສະຕຣາລີ, ດານ​ມາກ ​ແລະ ຟີ​ລິບ​ປິນ.

error: Content is protected !!