ການກິນຢາປິ່ນປົວກະດູກຜ່ອຍມີຜົນຕໍ່ການຫລົກແຂ້ວ

- 012108 2017 - ການກິນຢາປິ່ນປົວກະດູກຜ່ອຍມີຜົນຕໍ່ການຫລົກແຂ້ວ
- Untitled design - ການກິນຢາປິ່ນປົວກະດູກຜ່ອຍມີຜົນຕໍ່ການຫລົກແຂ້ວ

ຜູ້ເຖົ້າຄວນລະວັງການກິນຢາປິ່ນປົວພະຍາດກະດູກຜ່ອຍມີຜົນຕໍ່ການຫລົກແຂ້ວ ແນະນຳວ່າກ່ອນຈະປິ່ນປົວທາງທັນຕະແພດ ທຸກເທື່ອຄວນແຈ້ງພະຍາດປະຈຳ ແລະ ຢາປະຈຳໂຕໃຫ້ທັນຕະແພດຮັບຮູ້.

ປະຈຸບັນມີຜູ້ເຖົ້າ ຫລື ແມ່ຍິງໄວໝົດປະຈຳເດືອນທ່ີມີບັນຫາກະດູກຜ່ອຍຫລາຍຂຶ້ນ ຄົນປ່ວຍເຫລົ່ານີ້ອາດໄດ້ຮັບການປິ່ນປົວໂດຍກິນທາດການຊຽມເສີມ ຫລື ວິຕາມິນເດເສີມສ້າງມວນກະດູກ ເຊິ່ງແພດອາດສັ່ງຈ່າຍຢາປິ່ນປົວພະຍາດກະດູກຜ່ອຍກຸ່ມໃໝ່ ຊື່ວ່າ ບິສຟອສໂຟເນດ (bisphosphonate) ໃນຄົນປ່ວຍບາງຄົນ ເຊິ່ງຢາໃນກຸ່ມນີ້ມີທັງຢາທີ່ກິນອາທິດລະເທື່ອ, ເດືອນລະເທື່ອ ຫລື ເປັນຢາສັກທຸກ 3 ເດືອນ, 6 ເດືອນ ຫລື 1 ປີ ເຊິ່ງຢາກຸ່ມນີ້ມີປະໂຫຍດຫລາຍໃນການປ້ອງກັນການເກີດພະຍາດກະດູກຜ່ອຍກະດູກຫັກໃນຄົນປ່ວຍພະຍາດກະດູກຜ່ອຍ ໂຕຢ່າງຊື່ຢາໃນກຸ່ມນີ້ ເຊັ່ນ : ຟໍຊາແມັກ (fosamax), ບໍນິວາ (boniva) ເປັນຕົ້ນ.

ການຫລົກແຂ້ວ, ຝັງຮາກທຽມ ຫລື ການຜ່າຕັດໃນຜົ້ງປາກໃນຄົນປ່ວຍທີ່ໄດ້ຮັບຢາປິ່ນປົວພະຍາດກະດູກຜ່ອຍກຸ່ມໃໝ່ນີ້ຈະມີ ຄວາມສ່ຽງທີ່ຈະເຮັດໃຫ້ເກີດອາການກະດູກຕາຍພາຍຫລັງການປິ່ນປົວ ເຊິ່ງຈະເຮັດໃຫ້ບາດແຜຫລົກແຂ້ວ ຫລື ບາດແຜຜ່າຕັດບໍ່ ສາມາດເຊົາໄດ້ເອງ ຫລື ເກີດການຕິດເຊື້ອຢູ່ບາດແຜຫລົກແຂ້ວພາຍຫລັງການປິ່ນປົວ.

ຄົນປ່ວຍອາດຈຳເປັນຕ້ອງໄດ້ຮັບຢາປິ່ນປົວ ຫລື ການຜ່າຕັດຊຳ້ອີກເພື່ອເອົາກະດູກທີ່ຕາຍອອກ ລວມທັງເຮັດໃຫ້ຜົນການປິ່ນປົວໂດຍການຝັງຮາກທຽມບໍ່ເປັນທີ່ໜ້າພໍໃຈ ທັນຕະແພດຈຶ່ງອາດຕ້ອງປຶກສາແພດປະຈຳໂຕຂອງຄົນປ່ວຍກ່ອນການປິ່ນປົວ ເພື່ອວາງແຜນໃຫ້ເກີດຄວາມປອດໄພ,  ຫລຸດອາການແຊກຊ້ອນພາຍຫລັງການປິ່ນປົວໃຫ້ຫລາຍທ່ີສຸດ ເຊັ່ນ : ອາດວາງແຜນຢຸດຢາກ່ອນການຫລົກແຂ້ວ ຫລື ການຜ່າຕັດ ຫລື ວາງແຜນປິ່ນປົວຮາກແຂ້ວແທນການຫລົກແຂ້ວ ເປັນຕົ້ນ.

- Wave100S AD to Website 2020 0 - ການກິນຢາປິ່ນປົວກະດູກຜ່ອຍມີຜົນຕໍ່ການຫລົກແຂ້ວ

ລອງສຳຫລວດຢາທີ່ທ່ານໄດ້ຮັບຈາກທ່ານໝໍວ່າມີຢາກິນປິ່ນປົວອາການກະດູກຜ່ອຍກຸ່ມນີ້ ຫລື ມີຢາສັກປີ່ນປົວພະຍາດກະດູກ ຜ່ອຍເປັນປະຈຳຫລືບໍ່ ຫາກບໍ່ໝັ້ນໃຈຄວນເອົາຢາທີ່ກິນ ຫລື ສອບຖາມຢາສັກທີ່ໄດ້ຮັບຈາກແພດມາໃຫ້ທັນຕະແພດຮັບຮູ້ກ່ອນຮັບການປິ່ນປົວທາງທັນຕະກຳທຸກເທື່ອ ລວມເຖິງແຈ້ງພະຍາດປະຈຳໂຕ ແລະ ຢາປະຈຳໂຕຂອງທ່ານໃຫ້ທັນຕະແພດຮັບຮູ້ ເພື່ອໃຫ້ທັນຕະແພດໄດ້ວາງແຜນການປິ່ນປົວໄດ້ເໝາະສົມ ແລະ  ປອດໄພທີ່ສຸດ.

- WhatsApp Image 2020 05 27 at 5 - ການກິນຢາປິ່ນປົວກະດູກຜ່ອຍມີຜົນຕໍ່ການຫລົກແຂ້ວ
- WhatsApp Image 2020 05 27 at 5 - ການກິນຢາປິ່ນປົວກະດູກຜ່ອຍມີຜົນຕໍ່ການຫລົກແຂ້ວ
error: Alert: ເນື້ອຫາຂ່າວມີລິຂະສິດ !!