ອາກາດຮ້ອນເປັນຫ່ວງເລື່ອງໂພຊະນາການ

- Untitled design - ອາກາດຮ້ອນເປັນຫ່ວງເລື່ອງໂພຊະນາການ

- Untitled 1 1 275x300 - ອາກາດຮ້ອນເປັນຫ່ວງເລື່ອງໂພຊະນາການ     ເພື່ອນຜູ້ອ່ານທີ່ຮັກແພງ, ໃນຫລາຍປີຜ່ານມາ ພໍກ້າວສູ່ລະດູຝົນລະຫວ່າງເດືອນເມສາຫາພຶດສະພາ ເຊິ່ງເປັນໄລຍະອາກາດຮ້ອນແຮງຢູ່ຫລາຍທ້ອງຖິ່ນຂອງປະເທດເຮົາ ໂດຍສະເພາະພາກໃຕ້, ພາກກາງ ແລະ ຂຶ້ນມາຫາພາກເໜືອດ້ານຕາເວັນຕົກ ອັນໄດ້ສົ່ງຜົນໃຫ້ເກີດພະຍາດຖອກທ້ອງ, ທ້ອງບິດ ຫລື ອະຫິວາເປັນຈຳນວນບໍ່ໜ້ອຍ ສາເຫດຕົ້ນຕໍກໍ ແມ່ນການບໍລິໂພກອາຫານທີ່ບໍ່ສະອາດ ເພາະໄລຍະຮ້ອນເອົ້ານີ້ປະເພດອາຫານຕ່າງໆມັກເກີດອາການບູດເໜົ່າໄດ້ງ່າຍຈາກແມງວັນຕອມ ແລະ ນຳມາເຊິ່ງຄວາມເປື້ອນເປິະຕ່າງໆ ໂດຍສະເພາະແມ່ນອາຫານທີ່ວາງຂາຍຢູ່ຕາມທ້ອງຕະຫລາດ ນັບທັງອາຫານສັດ ແລະ ອາຫານສຸກທີ່ໄດ້ຜ່ານການປຸງແຕ່ງແລ້ວ ແຕ່ຂາດການເກັບມ້ຽນທີ່ດີ ແລະ ປອດ ໄພ.

ໃນຜ່ານມານີ້ ເຖິງວ່າຍັງເຮັດບໍ່ທັນໄດ້ດີ ແລະ ເປັນປະຈຳຂອງພາກສ່ວນອາຫານ ແລະ ຢາ (ອຢ) ຜູ້ຮັບຜິດຊອບວຽກງານດັ່ງກ່າວ, ແຕ່ກໍຂໍຊົມເຊີຍວ່າດົນໆກໍມີການກວດກາ ເພື່ອເຕືອນສະຕິຂອງຜູ້ປະກອບການດ້ານອາຫານ. ແຕ່ເຖິງຢ່າງໃດກໍຢາກໃຫ້ພາກສ່ວນດັ່ງກ່າວເພີ່ມທະວີໃຫ້ຫລາຍຂຶ້ນແມ່ນຈະເປັນການດີທີ່ສຸດ ເພື່ອຄວາມເປັນຕາຍຂອງຜູ້ບໍລິໂພກຢູ່ໃນສັງຄົມ ໂດຍສະເພາະໃນໄລຍະຮ້ອນອົບເອົ້ານີ້ກໍຄວນເລັ່ງມື.

ມີເພື່ອນຜູ້ອ່ານຫລາຍຄົນແຈ້ງມາຫາກອງບັນນາທິການພວກເຮົາວ່າ: ປັດຈຸບັນນີ້ ເມື່ອໃດໄດ້ລົງໄປຊື້ຂອງກິນຢູ່ຕາມທ້ອງຕະຫລາດຕ່າງໆແລ້ວແມ່ນຂົນຫົວລຸກ ຍ້ອນສະພາບແມງວັນບິນຕອມອາຫານປະເພດຊີ້ນ, ປາ ແລະ ອາຫານສຳເລັດຮູບຕ່າງໆທີ່ຜູ້ຂາຍວາງໄວ້ຕາມໂຕະ ແລະ ຮ້ານຂາຍອາຫານຢ່າງບໍ່ມີອັນປົກປິດແຕ່ຢ່າງໃດ ແລະ ກົງກັນຂ້າມ ຖ້າອາຫານ ຫລື ຊີ້ນປະເພດໃດທີ່ບໍ່ເຫັນແມງວັນບິນໄປຕອມກໍແມ່ນອາຫານເປັນພິດທີ່ມີການເຈືອປົນສານກັນບູດ, ກັນເໜົ່າ ດັ່ງຟໍມາລິນເຫລົ່ານີ້ເປັນຕົ້ນ ແລະ ມີຫລາຍຄົນຕ່າງກໍຕັ້ງຄຳຖາມຂຶ້ນວ່າ: ເປັນຫຍັງອາຫານປົນເປື້ອນ ແລະ ເປັນພິດດັ່ງກ່າວ ຈຶ່ງສາມາດວາງຂາຍໄດ້ຢ່າງຕາມໃຈ ? ມັນຂາດການກວດກາຂອງພາກສ່ວນຮັບຜິດຊອບບໍ ? ຫລື ມີການສົມຮູ້ຄວາມຄິດ ແລະ ອື່ນໆ ?. ເອົາລະຄຳຕອບທີ່ດີກໍແມ່ນສັງຄົມ ເພື່ອເຮັດແນວໃດຊ່ວຍກັນເປັນເຈົ້າການສະກັດກັ້ນ ນັບທັງຕ້ອງມີສະຕິເລືອກບໍລິໂພກອາຫານທີ່ປອດໄພ, ພ້ອມກະຕຸກຊຸກຍູ້ຂະແໜງການກ່ຽວຂ້ອງເພີ່ມທະວີການກວດກາ ແລະ ສຶກສາອົບຮົມຜູ້ປະກອບການກໍໃຫ້ຄຳນຶງເຖິງຄວາມປອດໄພຂອງຜູ້ບໍລິໂພກ ແລະ ຈັນຍາບັນຂອງຕົນແມ່ນຈະເປັນການດີທີ່ສຸດ.

- Wave100S AD to Website 2020 0 - ອາກາດຮ້ອນເປັນຫ່ວງເລື່ອງໂພຊະນາການ
- WhatsApp Image 2020 05 27 at 5 - ອາກາດຮ້ອນເປັນຫ່ວງເລື່ອງໂພຊະນາການ
- WhatsApp Image 2020 05 27 at 5 - ອາກາດຮ້ອນເປັນຫ່ວງເລື່ອງໂພຊະນາການ
error: Alert: ເນື້ອຫາຂ່າວມີລິຂະສິດ !!