ກຳປູເຈຍ ນຳໃຊ້ພະລັງງານທົດແທນກວມເອົາ 40% ທົ່ວປະເທດ
ວັນທີ 15 ກັນຍາ 2022 ທີີ່ຜ່ານມາ ທ່ານ ຮຸນເຊນ ນາຍົກລັດຖະມົນຕີ ກຳປູເຈຍ ເປີດເຜີຍວ່າ: ພະລັງງານທົດແທນຈາກພະລັງງານນ້ຳ, ພະລັງງານ ແສງຕາເວັນ ແລະ ພະລັງງານ ຊີວະມວນ ກວມເອົາ ອັດຕາສ່ວນ 40% ຂອງພະລັງງານທັງໝົດ ໃນປະເທດ ປີ 2021 ພາຍຫລັງ ຈັດກອງປະຊຸມ ທາງພະລັງງານ ຄະນະລັດຖະມົນຕີ ອາຊຽນ ຄັ້ງທີ 40 ຈັດຂຶ້ນ ແບບເຊິ່ງໜ້າ ແລະ ທາງໄກ ຢູ່ນະຄອນ ຫລວງພະນົມເປັນ ໂດຍກຳປູເຈຍ ໄດ້ປະກອບແຫລ່ງການດ້ານພະລັງງານ ທົດແທນ ຢ່າງຕັ້ງໜ້າ ເຂົ້າໄປໃນການປະສົມພະລັງງານ (energy mix) ຢ່າງເຂັ້ມແຂງ.ການໄຟຟ້າ ກຳປູເຈຍລະບຸວ່າ: ຄວາມຕ້ອງການ ພະລັງງານໃນປະເທດເພີ່ມຂຶ້ນ ກວ່າ 4.000 ເມກາວັດ ໃນປີ 2021 ຊຶ່ງປະມານ 3.000 ກວ່າເມກາວັດ ຜະລິດ ໂດຍເຂື່ອນໄຟຟ້າ ພະລັງງານນ້ຳ,ໂຮງໄຟຟ້າ ຖ່ານຫີນ,ໂຮງໄຟຟ້າ, ນ້ຳມັນກາຊວນ,ໂຮງໄຟຟ້າພະລັງງານ ແສງຕາເວັນ ແລະ ໂຮງໄຟຟ້າ ຊີວະມວນ ໃນປະເທດ ແລະ ອີກ 981 ເມກະວັດ ນຳເຂົ້າ ຈາກປະເທດໃກ້ຄຽງຈາກ ໄທ,ລາວ ແລະ ຫວຽດນາມ.
ກຳປູເຈຍ ຍັງຄົງ ໃຫ້ຄວາມສຳຄັນກັບການພັດທະນາ ປະສິດທິພາບທາງພະລັງງານ ແລະ ພະລັງງານ ທົດແທນເພື່ອສ້າງ ລະບົບຈັດຫາ ພະລັງງານ ຢ່າງເຕັມ ຮູບແບບທີ່ສຸດ ຄຽງຄູ່ກັບການຫລຸດການພັດທະນາ ແຫລ່ງພະລັງງານທີ່ໃຊ້ເຊື້ອເພີງ ຟໍສຊີລ ເຊັ່ນ: ຖ່ານຫີນ ແລະ ນ້ຳມັນ
