ເກີດໄຟ​ໄໝ້ເຮືອນຢູ່ບ້ານໂພນຕ້ອງຍ້ອນໃຕ້ທຽນບູຊາ

- advert banner 728 90 728x90 - ເກີດໄຟ​ໄໝ້ເຮືອນຢູ່ບ້ານໂພນຕ້ອງຍ້ອນໃຕ້ທຽນບູຊາ

ເຈົ້າໜ້າທີ່ສະກັດກັ້ນ ແລະ ມອດໄຟນະຄອນຫລວງວຽງຈັນ ໃຫ້ຮູ້ວ່າ: ເຊົ້າວັນທີ 21 ສິງຫານີ້, ໄດ້ເກີດເຫດໄຟໄໝ້ເຮືອນປະຊາຊົນຢູ່ເຂດບ້ານໂພນຕ້ອງເມືອງຈັນທະບູນະຄອນຫລວງວຽງຈັນ, ເຊິ່ງເປັນເຮືອນວິນລາຊັ້ນດຽວ, ໂດຍເຈົ້າໜ້າທີ່ໄດ້ໃຊ້ລົດນໍ້າ 2 ຄັນ ແລະ ໃຊ້ເວລາເກືອບໜຶ່ງຊົ່ວໂມງຈຶ່ງສາມາດຄວບຄຸມເພີງໄວ້ໄດ້ ແລະ ເຮືອນຫລັງດັ່ງກ່າວໄດ້ຮັບຜົນເສຍຫາຍໝົດຫລັງ.

- new3 - ເກີດໄຟ​ໄໝ້ເຮືອນຢູ່ບ້ານໂພນຕ້ອງຍ້ອນໃຕ້ທຽນບູຊາ

ຜ່ານການສືບສວນ-ສອບສວນ ຮູ້ວ່າ: ກ່ອນເກີດເຫດຜູ້ເປັນເຈົ້າຂອງເຮືອນໄດ້ໄຕ້ທູບທຽນບູຊາແລ້ວອອກໄປໃສ່ບາດຢູ່ວັດໃນໂອກາດມື້ຫໍເຂົ້າປະດັບດິນແລະ ພາຍຫລັງກັບມາກໍເຫັນໄຟລຸກໄໝ້ໄປທົ່ວເຮືອນແລ້ວ. ຊຶ່ງສິ່ງນີ້ເປັນອຸທາຫອນເຕືອນໃຫ້ພວກເຮົາມີສະຕິໃນການນໍາໃຊ້ຟືນໄຟ, ໂດຍສະເພາະການໃຕ້ທູບທຽນບູຊາ ຕ້ອງປະຕິບັດຢູ່ບ່ອນປອດໄພ ແລະ ເອົາໃຈໃສ່ຄອຍຕິດຕາມ ເມື່ອໃດທູບທຽນດັບມອດແລ້ວ ຈຶ່ງຄ່ອຍອອກໄປທີ່ອື່ນ, ພ້ອມນັ້ນກໍແມ່ນລະບົບໄຟຟ້າໃນເຮືອນ ຖ້າແມ່ນມີສະພາບເກົ່າແກ່ເປ່ເພທີ່ບໍ່ຮັບປະກັນກໍໃຫ້ປ່ຽນຖ່າຍ ເພື່ອສະກັດກັ້ນການເກີດອັກຄີໄພທີ່ຈະຕາມມາ.

- lattana 1 - ເກີດໄຟ​ໄໝ້ເຮືອນຢູ່ບ້ານໂພນຕ້ອງຍ້ອນໃຕ້ທຽນບູຊາ
error: Content is protected !!