ລາວຈະສືບຕໍ່ສ້າງນະໂຍບາຍຊຸກຍູ້ວຽກງານເງິນຕາໃຫ້ເຂັ້ມແຂງ

- advert banner 728 90 728x90 - ລາວຈະສືບຕໍ່ສ້າງນະໂຍບາຍຊຸກຍູ້ວຽກງານເງິນຕາໃຫ້ເຂັ້ມແຂງ

ທະນາຄານແຫ່ງ ສປປ ລາວ ໃຫ້ຮູ້ວ່າ: ເພື່ອສືບຕໍ່ຮັກສາສະຖຽນລະພາບເງິນຕາແຫ່ງຊາດໃຫ້ໝັ້ນທ່ຽງທະນາຄານແຫ່ງ ສປປ ລາວ ຈະຈັດຕັ້ງປະຕິບັດນະໂຍບາຍເງິນຕາ ແລະ ນະໂຍບາຍອັດຕາແລກປ່ຽນທີ່ມີ, ໂດຍສະເພາະສືບຕໍ່ນຳໃຊ້ອັດຕາດອກເບ້ຍພື້ນຖານ, ອັດຕາສ່ວນເງິນແຮຝາກບັງຄັບ ແລະ ດັດປັບເມື່ອເຫັນວ່າຈຳເປັນ, ຊຸກຍູ້ໃຫ້ທະນາຄານ ແລະ ຕະຫລາດເປີດເຄື່ອນໄຫວ ຢ່າງແຂງແຮງ ແລະ ມີປະສິດທິພາບສູງ, ພ້ອມທັງຊຸກຍູ້ໃຫ້ກະຊວງການເງິນຈຳໜ່າຍພັນທະບັດໃຫ້ມີຫລາຍຮູບແບບເພື່ອລະດົມທຶນໃຫ້ຫລາຍຂຶ້ນ, ສືບຕໍ່ຄຸ້ມຄອງການກຳນົດອັດຕາດອກເບ້ຍເງິນຝາກສະກຸນເງິນກີບຂອງທະນາຄານທຸລະກິດ, ໃນນັ້ນ ຈະປັບປຸງຖານອັດຕາດອກເບ້ຍເງິນຝາກຂອງທະນາຄານທຸລະກິດ ຕາມອັດຕາເງິນເຟີ້ສະເລ່ຍຂອງປີ 2017 ບວກ 2% ແລະ ສືບຕໍ່ກຳນົດສ່ວນຕ່າງລະຫວ່າງອັດຕາດອກເບ້ຍເງິນກູ້ ແລະ ເງິນຝາກສະເລ່ຍບໍ່ເກີນ 4% ທັງເງິນກີບ ແລະ ເງິນຕາຕ່າງປະເທດ. ສຳລັບນະໂຍບາຍອັດຕາແລກປ່ຽນແມ່ນ ຈະສືບຕໍ່ກຳນົດອັດຕາແລກປ່ຽນອ້າງອີງ, ກຳນົດສ່ວນຕ່າງລະຫວ່າງອັດຕາຊື້-ຂາຍເງິນຕາຕາມຂອບເຂດທີ່ໄດ້ກຳນົດ ແລະ ດັດປັບເມື່ອເຫັນວ່າຈຳເປັນ, ສືບຕໍ່ດັດສົມຕະຫລາດເງິນຕາຕ່າງປະເທດເມື່ອເຫັນວ່າຈຳເປັນ ເພື່ອໃຫ້ທະນາຄານ ແຫ່ງ ສປປ ລາວ ສາມາດຄວບຄຸມອັດຕາແລກປ່ຽນຂອງຕະຫລາດນອກລະບົບໄດ້ຢ່າງຂາດຕົວ, ພັດທະນາເຄື່ອງມືທາງການເງິນເພື່ອປ້ອງກັນຄວາມສ່ຽງຈາກອັດຕາແລກປ່ຽນ.

ສໍາລັບການຄຸ້ມຄອງເງິນຕາຕ່າງປະເທດ, ແມ່ນຈະສືບຕໍ່ການສົ່ງເສີມການນຳໃຊ້ເງິນກີບ ແລະ ຊຳລະໂດຍບໍ່ໃຊ້ເງິນສົດ, ໂດຍຈະສ້າງນິຕິກຳລຸ່ມກົດໝາຍວ່າດ້ວຍການຄຸ້ມຄອງເງິນຕາຕ່າງປະເທດ ແລະ ສົ່ງເສີມນຳໃຊ້ເງິນກີບ, ສືບຕໍ່ປັບປຸງກົນໄກຕິດຕາມກະແສເງິນເຂົ້າ-ອອກ ສປປ ລາວ ແລະ ຢຸດເຊົາການອອກອະນຸຍາດສ້າງຕັ້ງຮ້ານແລກປ່ຽນໃໝ່ຊົ່ວຄາວ, ພ້ອມທັງປັບປຸງນິຕິກຳ ແລະ ກົນໄກຄຸ້ມຄອງການເຄື່ອນໄຫວຮ້ານແລກປ່ຽນເງິນຕາ, ສ້າງກົນໄກຄຸ້ມຄອງລະບົບການຊຳລະສະສາງ, ໂດຍການສ້າງກົດໝາຍວ່າດ້ວຍລະບົບການຊຳລະສະສາງ.

- Tiger Head 728x90 - ລາວຈະສືບຕໍ່ສ້າງນະໂຍບາຍຊຸກຍູ້ວຽກງານເງິນຕາໃຫ້ເຂັ້ມແຂງ
- 1 1 - ລາວຈະສືບຕໍ່ສ້າງນະໂຍບາຍຊຸກຍູ້ວຽກງານເງິນຕາໃຫ້ເຂັ້ມແຂງ

ສ່ວນວຽກງານລະດົມທຶນແມ່ນຈະຊຸກຍູ້ທະນາຄານທຸລະກິດລະດົມເງິນຝາກພາຍໃນປະເທດດ້ວຍຫລາຍຮູບການ, ພ້ອມທັງຊຸກຍູ້ການພັດທະນາການບໍລິການໃຫ້ມີຄວາມທັນສະໄໝ, ລູກຄ້າສາມາດເຂົ້າເຖິງໄດ້ສະດວກ ແລະ ທົ່ວເຖິງ, ພ້ອມທັງຊຸກຍູ້ໃຫ້ທະນາຄານທຸລະກິດພາຍໃນຊອກຫາແຫລ່ງທຶນໄລຍະຍາວຈາກຕ່າງປະເທດດ້ວຍຮູບການຕ່າງໆທີ່ເໝາະສົມ, ສ່ວນວຽກງານສິນເຊື່ອຈະສືບຕໍ່ຊຸກຍູ້ໃຫ້ທະນາຄານທຸລະກິດລະດົມແຫລ່ງທຶນມາຈາກຕ່າງປະເທດສາມາດປ່ອຍກູ້ເປັນເງິນຕາຕ່າງປະເທດຢູ່ພາຍໃນປະເທດໄດ້, ຊຸກຍູ້ໃຫ້ທະນາຄານທຸລະກິດເປັນເຈົ້າການພັດທະນາຜະລິດຕະພັນສິນເຊື່ອໃຫ້ມີຄວາມຫລາກຫລາຍ ແລະ ສອດຄ່ອງກັບເປົ້າໝາຍການພັດທະນາເສດຖະກິດ-ສັງຄົມຂອງຊາດ ແລະ ໃຫ້ສິນເຊື່ອຂອງທະນາຄານທຸລະກິດເພີ່ມຂຶ້ນຕາມແຜນທີ່ຄາດໄວ້, ພ້ອມທັງຄຸ້ມຄອງໃຫ້ອັດຕາສ່ວນໜີ້ເກີນກໍານົດບໍ່ເກີນ 3% ຂອງຍອດສິນເຊື່ອທັງໝົດ, ສ່ວນບັນຫາການແກ້ໄຂສະພາບໜີ້ສິນຂອງບາງທະນາຄານ ເປັນຕົ້ນ: ທະນາຄານພັດທະນາລາວ, ສົ່ງເສີມກະສິກໍາ ແລະ ນະໂຍບາຍ ແມ່ນຈະໄດ້ ປັບປຸງໂຄງສ້າງຕາມການເຫັນດີຂອງລັດຖະບານ, ປັບປຸງທະນາຄານທຸລະກິດທີ່ບໍ່ຄົບເງື່ອນໄຂທຶນຈົດທະບຽນ, ຄົ້ນຄວ້າບໍລິສັດປະກັນສິນເຊື່ອ ແລະ ບໍລິສັດປະເມີນຊັບສິນ ແລະ ຄົ້ນຄວ້ານະໂຍບາຍຄຸ້ມຄອງສິນເຊື່ອ ເພື່ອຊຸກຍູ້ການເຂົ້າເຖິງແຫລ່ງທຶນຂອງວິສາຫະກິດ SME.

error: Content is protected !!