ຄະນະກຳມະການຄຸ້ມຄອງໄພພິບັດແຫ່ງຊາດສືບຕໍ່ໃຫ້ການຊ່ວຍເຫລືອແຂວງຄຳມ່ວນ

- advert banner 728 90 728x90 - ຄະນະກຳມະການຄຸ້ມຄອງໄພພິບັດແຫ່ງຊາດສືບຕໍ່ໃຫ້ການຊ່ວຍເຫລືອແຂວງຄຳມ່ວນ

ທ້າຍອາທິດຜ່ານມານີ້, ຄະນະກຳມະການຄຸ້ມຄອງໄພພິບັດແຫ່ງຊາດ ແລະ ກະຊວງແຮງງານສະຫວັດດີການສັງຄົມ ນຳໂດຍທ່ານນາງ ໃບຄຳ ຂັດທິຍະ ຮອງລັດຖະມົນຕີກະຊວງດັ່ງກ່າວ, ໄດ້ເດີນໜ້າສືບຕໍ່ໃຫ້ການຊ່ວຍເຫລືອແຂວງຕ່າງໆ ທີ່ໄດ້ຮັບຜົນກະທົບຈາກໄພພິບັດນ້ຳຖ້ວມໃນໄລຍະຜ່ານມາ, ໃນນັ້ນ ໄດ້ນຳເອົາເງິນຈຳນວນ 70 ລ້ານກີບໄປມອບໃຫ້ແຂວງຄຳມ່ວນ ເພື່ອນຳໃຊ້ເຂົ້າໃນການປັບປຸງຊີວິດການເປັນຢູ່ຂອງເຂົາເຈົ້າມາສູ່ປົກກະຕິໂດຍໄວ.

- new3 - ຄະນະກຳມະການຄຸ້ມຄອງໄພພິບັດແຫ່ງຊາດສືບຕໍ່ໃຫ້ການຊ່ວຍເຫລືອແຂວງຄຳມ່ວນ

ທ່ານ ໂອໄດ ສຸດາພອນ ເຈົ້າແຂວງຄຳມ່ວນ ໃຫ້ຮູ້ວ່າ: ພື້ນທີ່ທີ່ໄດ້ຮັບຜົນກະທົບຈາກໄພພິບັດນ້ຳຖ້ວມຄັ້ງນີ້ ປະກອບມີ 4 ເມືອງຄື: ເມືອງມະຫາໄຊ, ຍົມມະລາດ, ເຊບັ້ງໄຟ ແລະ ເມືອງຄູນຄຳ, ລວມມີ 50 ບ້ານ, ໃນຈຳນວນ 3.774 ຄອບຄົວ, ມີເນື້ອທີ່ຖືກນ້ຳຖ້ວມ 1.664 ເຮັກຕາ, ໃນນັ້ນ ມີສັດລ້ຽງປະເພດງົວ ແລະ ສັດປີກຈຳນວນໜຶ່ງ ໄດ້ຮັບຄວາມເສຍຫາຍ. ຂະນະດຽວກັນ ໃນທ້າຍເດືອນກໍລະກົດ, ທາງແຂວງ ໄດ້ລົງແຈກຢາຍເຂົ້າສານໜຽວ ຈໍານວນ 70 ໂຕໃຫ້ປະຊາຊົນ 4 ເມືອງດັ່ງກ່າວ ເພື່ອເປັນການຊ່ວຍເຫລືອສຸກເສີນເບື້ອງຕົ້ນແກ່ການຟື້ນຟູການຜະລິດ ແລະ ການປັບປຸງຊີວິດການເປັນຢູ່ຂອງຜູ້ໄດ້ຮັບຜົນກະທົບຈາກໄພພິບັດດັ່ງກ່າວດີຂຶ້ນ.

- lattana 1 - ຄະນະກຳມະການຄຸ້ມຄອງໄພພິບັດແຫ່ງຊາດສືບຕໍ່ໃຫ້ການຊ່ວຍເຫລືອແຂວງຄຳມ່ວນ
error: Content is protected !!