ຄະນະຊີ້ນຳແກ້ໄຂບັນຫາລະເບີດບໍ່ທັນແຕກຈະເລັ່ງປັບປຸງຕົນເອງ

- advert banner 728 90 728x90 - ຄະນະຊີ້ນຳແກ້ໄຂບັນຫາລະເບີດບໍ່ທັນແຕກຈະເລັ່ງປັບປຸງຕົນເອງ

ກອງປະຊຸມຄະນະຊີ້ນຳແກ້ໄຂບັນຫາລະເບີດບໍ່ທັນແຕກ, ໄດ້ໄຂຂຶ້ນໃນທ້າຍອາທິດຜ່ານມາ, ທີ່ນະຄອນ ຫລວງວຽງຈັນ, ໂດຍການເປັນປະທານຂອງທ່ານ ຄຳແພງ ໄຊສົມແພງ ລັດຖະມົນຕີກະຊວງແຮງງານ ແລະ ສະຫວັດດີການສັງຄົມ, ມີຜູ້ຕາງໜ້າ ອົງການສະຫະປະຊາຊາດເພື່ອການພັດທະນາປະຈຳລາວ, ທ່ານເອກອັກຄະລັດ ຖະທູດອາເມລິກາ ປະຈຳລາວເຂົ້າຮ່ວມນຳດ້ວຍ.

ກອງປະຊຸມໄດ້ຮັບຟັງການລາຍງານຄວາມຄືບໜ້າຂອງການຈັດຕັ້ງປະຕິ ບັດວຽກງານການແກ້ໄຂບັນຫາລະເບີດບໍ່ທັນແຕກທີ່ຕົກຄ້າງຢູ່ລາວໃນຜ່ານມາ, ໂດຍສະເພາະວຽກງານສຳຫລວດ, ການກວດກູ້, ການໂຄສະນາສຶກສາຄວາມສ່ຽງຂອງບັນຫາລະເບີດບໍ່ທັນແຕກ ແລະ ການຊ່ວຍເຫລືອຜູ້ຖືກເຄາະຮ້າຍຈາກບັນຫາດັ່ງກ່າວ, ຊຶ່ງເຫັນວ່າມີການ ເອົາໃຈໃສ່ແກ້ໄຂໄດ້ຫລາຍຂຶ້ນກວ່າເກົ່າຄື: ຈໍານວນຜູ້ບາດເຈັບ ແລະ ຜູ້ເສຍຊີວິດຫລຸດລົງຕ່ຳກວ່າ 5 ຄົນຕໍ່ປີ, ສະເພາະປີ 2016 ມີຜູ້ບາດເຈັບ ແລະ ເສຍຊີວິດ 59 ຄົນ ແລະ ຈຳນວນພື້ນທີ່ໄດ້ຮັບການກວດກູ້ເພີ່ມຂຶ້ນເປັນເກືອບ 20 ພັນເຮັກຕາ, ຊຶ່ງໃນນັ້ນ 78% ແມ່ນເນື້ອທີ່ກະສິກຳ ແລະ ອີກ 22% ແມ່ນເນື້ອທີ່ພັດທະນາ ຕ່າງໆ, ພ້ອມນີ້ ກໍໄດ້ວາງແຜນການສຳລັບປີ 2017-2021 ເພື່ອສືບຕໍ່ແກ້ໄຂ ຫາລະເບີດບໍ່ທັນແຕກທີ່ຕົກຄ້າງຢູ່ລາວທີ່ເປັນອຸປະສັກຕໍ່ການພັດທະນາເສດຖະ ກິດ-ສັງຄົມຂອງລາວ ແລະ ເພື່ອກ້າວໄປສູ່ການບັນລຸເປົ້າໝາຍການພັດທະນາ ແບບຍືນຍົງອັນດັບທີ 18, ພ້ອມທັງປຶກສາຫາລືການວາງແຜນວຽກສະເພາະໜ້າ ປີ 2018, ໂດຍໃຫ້ມີການເຊື່ອມສານກັບຄວາມຮຽກຮ້ອງຕ້ອງການຂອງທ້ອງ ຖິ່ນ ແລະ ໃຫ້ເຂົ້າກັບແຜນນະໂຍບາຍແຫ່ງຊາດ, ໃນນີ້ ແມ່ນສຸມໃສ່ໃນການ ປັບປຸງດຳລັດຂອງນາຍົກລັດຖະມົນຕີ ວ່າດ້ວຍການຈັດຕັ້ງ ແລະ ການເຄື່ອນ ໄຫວຂອງຄະນະກຳມະການຄຸ້ມຄອງແຫ່ງຊາດ ເພື່ອແກ້ໄຂບັນຫາລະເບີດບໍ່ທັນ ແຕກທີ່ຕົກຄ້າງຢູ່ລາວ ແລະ ການສຳຫລວດກວດກູ້ບັນດາພື້ນທີ່ເປົ້າໝາຍໃຫ້ສຳ ເລັດ, ຍ້ອນວ່າບັນຫາດັ່ງກ່າວເປັນໄພອັນຕະລາຍຕໍ່ກັບຊີວິດການເປັນຢູ່ຂອງປະ ຊາຊົນໃນຊົນນະບົດ ແລະ ຍັງເປັນສິ່ງກີດຂວາງການນຳໃຊ້ພື້ນທີ່ໃນການທໍາມາ ຫາກິນຂອງປະຊາຊົນບັນດາເຜົ່າ.

- Tiger Head 728x90 - ຄະນະຊີ້ນຳແກ້ໄຂບັນຫາລະເບີດບໍ່ທັນແຕກຈະເລັ່ງປັບປຸງຕົນເອງ
- 1 1 - ຄະນະຊີ້ນຳແກ້ໄຂບັນຫາລະເບີດບໍ່ທັນແຕກຈະເລັ່ງປັບປຸງຕົນເອງ
error: Content is protected !!