ມີແຮງງານລາວຖືກບຸກຄົນອ້າງວ່າເປັນນາຍໜ້າບໍລິສັດຈັດຫາງານ ໄປເຮັດວຽກຢູ່ເກົາຫລີ ສຸດທ້າຍເອົາຂຶ້ນຍົນໄປປະໄວ້ຢູ່ ສສ ຫວຽດນາມ ແລ້ວຂາດການຕິດຕໍ່ໄປເລີຍ

- 376a0157 e152 49e6 88ca 8e9bd22333eb - ມີແຮງງານລາວຖືກບຸກຄົນອ້າງວ່າເປັນນາຍໜ້າບໍລິສັດຈັດຫາງານ ໄປເຮັດວຽກຢູ່ເກົາຫລີ ສຸດທ້າຍເອົາຂຶ້ນຍົນໄປປະໄວ້ຢູ່ ສສ ຫວຽດນາມ ແລ້ວຂາດການຕິດຕໍ່ໄປເລີຍ
- 16583075379783 - ມີແຮງງານລາວຖືກບຸກຄົນອ້າງວ່າເປັນນາຍໜ້າບໍລິສັດຈັດຫາງານ ໄປເຮັດວຽກຢູ່ເກົາຫລີ ສຸດທ້າຍເອົາຂຶ້ນຍົນໄປປະໄວ້ຢູ່ ສສ ຫວຽດນາມ ແລ້ວຂາດການຕິດຕໍ່ໄປເລີຍ

ໃນໄລຍະຜ່ານມາ ມີກະແສກ່ຽວກັບການເຄື່ອນໄຫວໂຄສະນາຮັບເອົາແຮງງານລາວໄປເຮັດວຽກຢູ່ເກົາຫລີ ດ້ວຍເງິນເດືອນດີ ໂດຍມີຫລາຍບໍລິສັດທີ່ໄດ້ຮັບອະນຸຍາດຈາກກະຊວງທີ່ກ່ຽວຂ້ອງ ແລະ ມີຕົວຕົນ ແຕ່ກໍມີກໍລະນີບຸກຄົນບໍ່ດີແອບອ້າງເປັນນາຍໜ້າສວາຍໂອກາດຕົວຍົວະຫລອກລວງ ເພື່ອຂົນຂວາຍເອົາແຮງງານໄປເຮັດວຽກ ແລະ ສຸດທ້າຍບຸກຄົນດັ່ງກ່າວກໍເປັນການຫລອກລວງ ແລະ ມີຜູ້ໄດ້ຮັບຄວາມເສຍຫາຍເກີດຂຶ້ນ.

ວັນທີ 21 ກັນຍາ 2022 ນີ້ ຜູ້ເສຍຫາຍຄົນໜຶ່ງໃນກຸ່ມ 9 ຄົນທີ່ຖືກຕົວຍົວະຫລອກລວງເປີດໃຈເລົ່າຕໍ່ໜັງສືພິມລາວພັດທະນາ ວ່າ: “ໃນວັນທີ 22 ສິງຫາ 2022 ຕົນເອງໄດ້ຫາຄົນຮູ້ຈັກພາໄປແລ່ນເອກະສານເພື່ອໄປເຮັດວຽກຢູ່ປະເທດເກົາຫລີ (ໂດຍບໍ່ຮູ້ມາກ່ອນວ່າຈະຖືກຕົວະ)  ຄົນຮູ້ຈັກໄດ້ແນະນຳວ່າ ຖ້າຢາກໄປເຮັດວຽກຢູ່ເກົາຫລີຕ້ອງໄດ້ກຽມເອກະສານຄື: ໃບຢັ້ງຢືນທີ່ຢູ່, ປື້ມສຳມະໂນຄົວ ແລະ ພັດສະປອດ ພ້ອມເງິນໂດລາ 2.000 ໂດລາ ແລະ ເງິນກີບຈຳນວນ 8.000.000 ກີບ, ຮອດວັນທີ 26 ສິງຫາ 2022 ຕົນໄດ້ຈ່າຍເງິນໃຫ້ຜູ້ທີ່ອ້າງຕົນວ່າ ເປັນນາຍໜ້າບໍລິສັດ ຈັດຫາງານ ແຫ່ງໜຶ່ງຢູ່ບ້ານນາໄຊ ເມືອງໄຊເສດຖາ ນະຄອນຫລວງວຽງຈັນ ຕາມຈຳນວນເງິນດັ່ງກ່າວ ແລະ ນັດໝາຍວັນທີ 30 ສິງຫາ 2022 ໃຫ້ໄປຂຶ້ນຍົນຢູ່ສະໜາມບິນວັດໄຕໄປລົງປະເທດຫວຽດນາມ ເພື່ອຕໍ່ຍົນໄປ ເກົາຫລີ, ພໍຮອດມື້ຂຶ້ນຕົວຈິງອ້າງວ່າ ປີ້ຍົນຂຶ້ນລາຄາ ຕ້ອງໄດ້ຈ່າຍເງິນເພີ່ມ 175 ໂດລາ/ຄົນ. ຫລັງຈາກຍົນລົງໄປຈອດປະເທດຫວຽດນາມ (ແຂວງດານັງ) ແລ້ວກໍບໍ່ສາມາດຕິດຕໍ່ຜູ້ກ່ຽວໄດ້ອີກເລີຍ. ພໍດີຕົນເອງມີພີ່ນ້ອງຢູ່ຫວຽດນາມຈຶ່ງໄດ້ໂທຫາໃຫ້ມາຫາ ແລະ ຈ້າງແທັກຊີໃຫ້ພາໄປຊອກທີ່ພັກລາຄາຖືກຢູ່ເປັນເວລາ 1 ອາທິດ, ມື້ທຳອິດທີ່ໄປຮອດແມ່ນໄດ້ຈ່າຍຄ່າໃຊ້ຈ່າຍເອງທັງໝົດ, ຕົກມາມື້ທີ່ສອງແມ່ນນ້ອງສາວນາຍໜ້າຕິດຕໍ່ມາ ແລະ ໂອນເງິນໃຫ້ໃຊ້ຈ່າຍຊ່ວງພັກຢູ່ຫວຽດນາມ ລວມເປັນເງິນ 8.500.000 ດົງ, ພໍມາຮອດວັນທີ 7 ກັນຍາ 2022  ຮູ້ສຶກວ່າຖືກຕົວະ ແລະ ຄິດວ່າຕ້ອງບໍ່ໄດ້ໄປເກົາຫລີຢ່າງແນ່ນອນ ຈຶ່ງໃຫ້ພີ່ນ້ອງຕິດຕໍ່ຫາລົດເມດານັງ-ນະຄອນຫລວງວຽງຈັນ ມາຮັບ ກັບຮອດປະເທດລາວ ວັນທີ 8 ກັນຍາ” ແລະ ປັດຈຸບັນນີ້ຜູ້ກ່ຽວໄດ້ເຂົ້າແຈ້ງຄວາມຕໍ່ເຈົ້າໜ້າທີ່ ປກສ ແລ້ວ.

ຄ່າໃຊ້ຈ່າຍຖືກຕົວະ ແລ່ນເອກະສານໄປເຮັດວຽກຢູ່ ປະເທດເກົາຫລີ ຕໍ່ຄົນໃນຄັ້ງນີ້ມີ: ເງິນໂດລາ 2.000 ໂດລາ, ເງິນກີບ 8.000.000 ກີບ, ຈ່າຍເງິນເພີ່ມມື້ຂຶ້ນຍົນ 175 ໂດລາ, ໃບກວດສຸຂະພາບໂຮງໝໍແຫ່ງໜຶ່ງໜາຍໜ້າພາໄປກວດ 650.000 ກີບ (ຈັດສັນກວດນອກໂມງ), ສູນສອນພາສາເກົາຫລີແຫ່ງໜຶ່ງຢູ່ເຂດດົງໂດກ ເຂົ້າຮຽນຈຳນວນ 4 ວັນ, ໄດ້ໃບປະກາດ 600.000 ກີບ.

ເຫດການລັກສະນະດັ່ງກ່າວນີ້ ອາດບໍ່ແມ່ນເຫດການທຳອິດ ຫລື ສຸດທ້າຍ  ປັດຈຸບັນ ຍັງມີກຸ່ມຄົນບໍ່ດີເຄື່ອນໄຫວລັກສະນະດັ່ງກ່າວນີ້ຢູ່. ດັ່ງນັ້ນ, ຈຶ່ງຂໍຝາກເຕືອນສັງຄົມບໍ່ໃຫ້ຫລົງເຊື່ອຂະບວນການດັ່ງກ່າວໂດຍງ່າຍເດັດຂາດ ຖ້າຫາກມີຈຸດປະສົງໄປເຮັດວຽກຢູ່ຕ່າງປະເທດຄວນສຶກສາຂໍ້ມູນໃຫ້ລະອຽດກ່ອນເຊັ່ນ: ບໍລິສັດທີ່ຕົນຈະໄປສະໝັກມີຕົວຕົນແທ້ຫລືບໍ່? ມີໃບອະນຸຍາດຈາກພາກສ່ວນທີ່ກ່ຽວຂ້ອງຢ່າງຖືກຕ້ອງບໍ່? ແລະ ຜ່ານມາເຄີຍມີຄົນໄປເຮັດວຽກຜ່ານບໍລິສັດດັ່ງກ່າວແລ້ວຫລືຍັງ? ແລ້ວຈຶ່ງຕັດສິນໃຈ ເພື່ອບໍ່ໃຫ້ຕົກເປັນເຫຍື່ອຂອງກຸ່ມຄົນບໍ່ດີ, ກໍລະນີນີ້ຖືວ່າໂຊກດີໃນລະດັບໜຶ່ງ ແລະ ກໍລະນີອື່ນອາດຈະບໍ່ໂຊກດີໄດ້ກັບປະເທດແບບນີ້ກໍເປັນໄດ້.

ພ້ອມນີ້ກໍຝາກເຖິງເຈົ້າໜ້າທີ່ກ່ຽວຂ້ອງທຸກພາກສ່ວນ ສາມາດນຳຕົວບຸກຄົນບໍ່ດີນັ້ນມາລົງໂທດຕາມກົດໝາຍດ້ວຍ.

- lattana banner - ມີແຮງງານລາວຖືກບຸກຄົນອ້າງວ່າເປັນນາຍໜ້າບໍລິສັດຈັດຫາງານ ໄປເຮັດວຽກຢູ່ເກົາຫລີ ສຸດທ້າຍເອົາຂຶ້ນຍົນໄປປະໄວ້ຢູ່ ສສ ຫວຽດນາມ ແລ້ວຂາດການຕິດຕໍ່ໄປເລີຍ
- lattana banner 1 - ມີແຮງງານລາວຖືກບຸກຄົນອ້າງວ່າເປັນນາຍໜ້າບໍລິສັດຈັດຫາງານ ໄປເຮັດວຽກຢູ່ເກົາຫລີ ສຸດທ້າຍເອົາຂຶ້ນຍົນໄປປະໄວ້ຢູ່ ສສ ຫວຽດນາມ ແລ້ວຂາດການຕິດຕໍ່ໄປເລີຍ
-    AD conten website - ມີແຮງງານລາວຖືກບຸກຄົນອ້າງວ່າເປັນນາຍໜ້າບໍລິສັດຈັດຫາງານ ໄປເຮັດວຽກຢູ່ເກົາຫລີ ສຸດທ້າຍເອົາຂຶ້ນຍົນໄປປະໄວ້ຢູ່ ສສ ຫວຽດນາມ ແລ້ວຂາດການຕິດຕໍ່ໄປເລີຍ
No comments yet! You be the first to comment.

Leave a Reply

Your email address will not be published.

This site uses Akismet to reduce spam. Learn how your comment data is processed.

error: Alert: ເນື້ອຫາຂ່າວມີລິຂະສິດ !!