ສ້າງຂະບວນການຮັກຊາດ-ການພັດທະນາ ຢ່າລືມປາບປາມການສໍ້ລາດບັງຫລວງ

- istockphoto 928085588 170667a - ສ້າງຂະບວນການຮັກຊາດ-ການພັດທະນາ  ຢ່າລືມປາບປາມການສໍ້ລາດບັງຫລວງ
- 16583075379783 - ສ້າງຂະບວນການຮັກຊາດ-ການພັດທະນາ  ຢ່າລືມປາບປາມການສໍ້ລາດບັງຫລວງ

ໂດຍ: ທິດກໍ່າ

ກອງປະຊຸມສະຫລຸບຕີລາຄາການຈັດຕັ້ງວຽກງານກໍ່ສ້າງຮາກຖານການເມືອງຕິດພັນກັບວຽກງານພັດທະນາຊົນນະບົດຮອບດ້ານ, ແກ້ໄຂຄວາມທຸກຍາກ ແລະ ວຽກງານ 3 ສ້າງທົ່ວປະເທດ (2016-2021) ວາງທິດທາງຮອດປີ 2025 (15-16/9/2022) ຫາກໍປິດສາກລົງໃໝ່ໆໝາດໆ ແລະ ໄດ້ຮັບຜົນສຳເລັດຢ່າງໃຫຍ່ຫລວງ.

ໃນກອງປະຊຸມຄັ້ງນີ້ ນອກຈາກໄດ້ສະຫລຸບຕີລາຄາການຈັດຕັ້ງປະຕິບັດວຽກງານທີ່ໄດ້ກ່າວມາຂ້າງເທິງນັ້ນແລ້ວ ຍັງມີການຍ້ອງຍໍຊົມເຊີຍຜູ້ມີຜົນງານດີເດັ່ນ, ໂດດເດັ່ນໃນໄລຍະຜ່ານມາ ເຊິ່ງໄດ້ມີຫລາຍທ່ານ, ຫລາຍສະຫາຍໄດ້ຮັບການຍ້ອງຍໍຊົມເຊີຍວ່າເປັນຜູ້ທີ່ຮັກຊາດ ແລະ ພັດທະນາ, ລົງມືເຮັດແທ້, ທຳຈິງ ແລະ ໄດ້ຮັບຜົນສຳເລັດເປັນຢ່າງດີ ດັ່ງທ່ານ ເກຍ ອູ່ສິດທິເດດ ໄດ້ຮັບນາມມະຍົດເປັນວິລະຊົນແຮງງານແຫ່ງຊາດ. ນອກຈາກນັ້ນ ກໍຍັງມີຫລາຍໆທ່ານໄດ້ຮັບການຍ້ອງຍໍຊົມເຊີຍມອບຫລຽນນາມມະຍົດເປັນນັກພັດທະນາດີເດັ່ນແຫ່ງຊາດ 2, ຫລຽນໄຊແຮງງານຊັ້ນໜຶ່ງ 2.945 ທ່ານ, ຊັ້ນສອງ 6.160 ທ່ານ, ຊັ້ນສາມ 10.916 ທ່ານ, ມອບຫລຽນກາແຮງງານໃຫ້ບຸກຄົນ 19.949 ທ່ານ ແລະ 1.152 ກົມກອງ, ໃບຍ້ອງຍໍລັດຖະບານເປັນລາຍບຸກຄົນ 47.246 ທ່ານ ແລະ 2.113 ກົມກອງ.

ອັນທີ່ພິເສດສຸດໆ, ໃນກອງປະຊຸມຄັ້ງນີ້ຍັງໄດ້ຮັບກຽດຕ້ອນຮັບສະຫາຍ ທອງລຸນ ສີສຸລິດ ເລຂາທິການໃຫຍ່ຄະນະບໍລິຫານງານສູນກາງພັກປະຊາຊົນປະຕິວັດລາວ, ປະທານປະເທດແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ. ໃນໂອກາດນີ້ເອງ, ທ່ານປະທານປະເທດແຫ່ງ ສປປ ລາວ ໄດ້ໃຫ້ກຽດໂອ້ລົມ ແລະ ມີຄຳເຫັນ ເຊິ່ງມີປະໂຫຍກທີ່ເດັດສຳຄັນຕໍ່ກອງປະຊຸມວ່າ: ການພັດທະນາຊົນນະບົດຕ້ອງເອົາປະຊາຊົນເປັນກົກ ແລະ ຮູ້ເຮັດເພື່ອຜົນປະໂຫຍດຂອງປະຊາຊົນ.

ຈາກພຶດຕິກຳຕົວຈິງໃນຫລາຍປີຜ່ານມາ ຄືນັບແຕ່ພັກ ແລະ ລັດຖະບານເຮົາມີແຜນພັດທະນາຊົນນະບົດ ແລະ ລຶບລ້າງຄວາມທຸກຍາກເປັນຕົ້ນມາຮອດປັດຈຸບັນ ແມ່ນສາມາດສ້າງເມືອງພົ້ນທຸກໄດ້ແລ້ວ 53 ເມືອງໃນຈຳນວນເມືອງທົ່ວປະເທດ 145 ເມືອງ. ສ່ວນບ້ານພົ້ນທຸກກໍມີ 4.792 ບ້ານ ໃນຈຳນວນບ້ານທົ່ວປະເທດ 8.426 ບ້ານ ແລະ ມີຄອບຄົວພົ້ນທຸກໄປແລ້ວ 964.149 ໃນຈຳນວນຄອບຄົວທົ່ວປະເທດ 1.239 ຄອບຄົວ. ນີ້ຄືຕົວເລກຢັ້ງຢືນຢ່າງເປັນຮູບປະທຳວ່າ: ແນວທາງນະໂຍບາຍຂອງພັກ ແລະ ລັດຖະບານໃນການພັດທະນາຊົນນະບົດແມ່ນພາລະກິດໜຶ່ງທີ່ສຳຄັນຍິ່ງໃຫຍ່ ແລະ ເພື່ອປະຊາຊົນຢ່າງແທ້ຈິງ.

ຢ່າງໃດກໍດີ, ເມື່ອປຽບທຽບໃສ່ບາງບຸກຄົນ ແລະ ກຸ່ມຄົນໃນສັງຄົມລາວເຮົາປັດຈຸບັນມີຫລາຍໆຄົນກໍວ່າຕົນຮັກຊາດ ແລະ ຈົງຮັກພັກດີຕໍ່ພັກ, ຫລື ບາງຄົນໄດ້ແຕ່ເວົ້າ ຫລື ເວົ້າແລ້ວບໍ່ເຮັດ, ມີອະຄະຕິ ແລະ ອິດສາກັບໝູ່ຜູ້ເຂົາເຮັດໄດ້. ຊ້ຳບໍ່ໜຳ ມີຈຳນວນບໍ່ໜ້ອຍມີພຶດຕິກຳສໍ້ໂກງເອົາຊັບສິນຂອງລັດ ແລະ ຂອງປະຊາຊົນໄປເປັນຂອງຕົນເອງ, ເກີດມີການສໍ້ລາດບັງຫລວງ, ສໍ້ຫລວງບັງລາດ, ຄົນພວກນີ້ເຂົາເອີ້ນວ່າພວກກົດໜ່ວງຄວາມຈະເລີນຂອງຊາດ.

- lattana banner - ສ້າງຂະບວນການຮັກຊາດ-ການພັດທະນາ  ຢ່າລືມປາບປາມການສໍ້ລາດບັງຫລວງ
-    AD conten website - ສ້າງຂະບວນການຮັກຊາດ-ການພັດທະນາ  ຢ່າລືມປາບປາມການສໍ້ລາດບັງຫລວງ
- lattana banner 1 - ສ້າງຂະບວນການຮັກຊາດ-ການພັດທະນາ  ຢ່າລືມປາບປາມການສໍ້ລາດບັງຫລວງ
No comments yet! You be the first to comment.

Leave a Reply

Your email address will not be published.

This site uses Akismet to reduce spam. Learn how your comment data is processed.

error: Alert: ເນື້ອຫາຂ່າວມີລິຂະສິດ !!