ບໍ່ຄວນຖືເບົາ!! ພະຍາດໄຂ້ຍຸງລາຍມີຜູ້ເສຍຊີວິດແລ້ວ 18 ຄົນ ແລະ ຕິດເຊື້ອສະສົມ 25.388 ຄົນ

- image 98 - ບໍ່ຄວນຖືເບົາ!! ພະຍາດໄຂ້ຍຸງລາຍມີຜູ້ເສຍຊີວິດແລ້ວ 18 ຄົນ ແລະ ຕິດເຊື້ອສະສົມ 25.388 ຄົນ
- 16583075379783 - ບໍ່ຄວນຖືເບົາ!! ພະຍາດໄຂ້ຍຸງລາຍມີຜູ້ເສຍຊີວິດແລ້ວ 18 ຄົນ ແລະ ຕິດເຊື້ອສະສົມ 25.388 ຄົນ

ສູນໄຂ້ຍຸງ, ແມ່ກາຝາກ ແລະ ແມງໄມ້ ກະຊວງສາທາລະນະສຸກ ລາຍງານວ່າ: ວັນທີ 21 ກັນຍາ 2022 ນີ້, ທົ່ວປະເທດ ຕິດເຊືື້ອສະສົມໄຂ້ຍຸງລາຍທັງໝົດ 25.388 ຄົນ, ຕິດເຊື້ອເພີ່ມຂຶ້ນ 206 ຄົນ ແລະ ໄດ້ມີຜູ້ເສຍຊີວິດສະສົມ 18 ຄົນ. ເຊິ່ງແຂວງທີ່ມີຫລາຍກວ່າໝູ່ແມ່ນ ນະຄອນຫລວງວຽງຈັນ ເຖິງ 12.818 ຄົນ ເສຍຊີວິດ 5 ຄົນ; ຖັດລົງມາແມ່ນ ແຂວງຫລວງນ້ຳທາ 3.588 ຄົນ ເສຍຊີວິດ 2 ຄົນ; ອົດຕະປື 1.447 ຄົນ ເສຍຊີວິດ 5 ຄົນ;  ສາລະວັນ 1.339 ຄົນ ເສຍຊີວິດ 3 ຄົນ; ສະຫວັນນະເຂດ 1.097 ຄົນ; ເຊກອງ 1.022 ຄົນ ແລະ ນອກນັ້ນຍັງມີແຂວງອື່ນໆອີກ.

ສູນໄຂ້ຍຸງ, ແມ່ກາຝາກ ແລະ ແມງໄມ້ ໃຫ້ຮູ້ຕື່ມວ່າ: ປີນີ້ຝົນຕົກແຕ່ຫົວປີບວກໃສ່ເປັນປີລະບາດໃຫຍ່ຂອງພະຍາດດັ່ງກ່າວ ຈຶ່ງເຮັດໃຫ້ຜູ້ຕິດເຊື້ອໄຂ້ຍຸງລາຍເພີ່ມຂຶ້ນຫລາຍ ຖ້າທຽບໃສ່ໄລຍະດຽວກັນຂອງປີຜ່ານມາ ແລະ ມີຄວາມສ່ຽງສູງທີ່ຈະເກີດການລະບາດຮ້າຍແຮງ ຊຶ່ງໄລຍະທີ່ຕິດເຊື້ອສ່ວນໃຫຍ່ນັບແຕ່ທ້າຍເດືອນເມສາຫາເດືອນຕຸລາ. ປັດຈຸບັນໄຂ້ຍຸງລາຍຖືເປັນພະຍາດໜຶ່ງທີ່ເປັນບັນຫາທາງດ້ານສາທາລະນະສຸກ ແລະ ການແພດ ເພາະໃນແຕ່ລະປີພົບຄົນເຈັບພະຍາດນີ້ເກືອບທຸກແຂວງໃນທົ່ວປະເທດ ເຊິ່ງພະຍາດນີ້ສ່ວນໃຫຍ່ແມ່ນຈະແຜ່ລະບາດໃນໄລຍະລະດູຝົນ ພະຍາດໄຂ້ຍຸງລາຍສາມາດຕິດຕໍ່ຈາກຄົນ ໄປສູ່ຄົນ ເຊິ່ງມີຍຸງລາຍເປັນພາຫະທີ່ສໍາຄັນ ໂດຍຍຸງໂຕແມ່ຈະກັດ ແລະ ດູດເລືອດຂອງຄົນເຈັບທີ່ມີເຊື້ອພະຍາດດັ່ງກ່າວ ຈາກນັ້ນ ເຊື້ອພະຍາດນີ້ຈະເຂົ້າໄປຟັກຕົວ ແລະ ເພີ່ມຈໍານວນໃນຍຸງລາຍ ເຮັດໃຫ້ມີເຊື້ອໄວຣັສຢູ່ໃນໂຕຍຸງໄລຍະປະມານ 1-2 ເດືອນແລ້ວຖ່າຍທອດໄປສູ່ຄົນທີ່ຖືກຍຸງລາຍກັດໄດ້, ຍຸງລາຍເປັນຍຸງທີ່ອາໄສຢູ່ພາຍໃນເຮືອນ ແລະ ນອກເຮືອນ ມັກອອກກັດເວລາກາງເວັນ ມີແຫຼ່ງເພາະພັນຄື: ນ້ຳທີ່ຂັງຢູ່ໃນ ພາຊະນະເກັບນ້ໍາຕ່າງໆ ເຊັ່ນ: ໄຫ, ໂຖດອກໄມ້, ຖານຮອງຕີນຕູ້, ຈານ, ຖ້ວຍ, ກະໂປະ, ກະປ໋ອງ, ໝໍ້, ຢາງຕີນລົດ, ແລະ ອື່ນໆ ເຊິ່ງພະຍາດໄຂ້ຍຸງ ລາຍສ່ວນໃຫຍ່ແມ່ນຈະແຜ່ລະບາດເປັນວົງກວ້າງໃນໄລຍະລະດູຝົນ

- 854774 - ບໍ່ຄວນຖືເບົາ!! ພະຍາດໄຂ້ຍຸງລາຍມີຜູ້ເສຍຊີວິດແລ້ວ 18 ຄົນ ແລະ ຕິດເຊື້ອສະສົມ 25.388 ຄົນ

ດັ່ງນັ້ນ, ຕໍ່ສະພາບການດັ່ງກ່າວ ພວກເຮົາຕ້ອງພ້ອມກັນປະຕິບັດຄຳຂັວນທີ່ວ່າ “ບໍ່ມີໜອນນ້ຳຍຸງລາຍ ກໍ່ບໍ່ມີຍຸງລາຍ ແລະ ບໍ່ມີໄຂ້ເລືອດອອກ” ​ແລະພ້ອມກັນປະຕິບັດ 5 ປ ຢ່າງເຄັ່ງຄັດໃຫ້ເປັນປະຈຳຈຶ່ງສາມາດທຳລາຍແຫຼ່ງເພາະພັນຂອງຍຸງລາຍໄດ້ ເພື່ອສະກັດກັ້ນພະຍາດໄຂ້ຍຸງລາຍໃຫ້ຫລຸດລົງເທື່ອລະກ້າວ.

 

- lattana banner - ບໍ່ຄວນຖືເບົາ!! ພະຍາດໄຂ້ຍຸງລາຍມີຜູ້ເສຍຊີວິດແລ້ວ 18 ຄົນ ແລະ ຕິດເຊື້ອສະສົມ 25.388 ຄົນ
- lattana banner 1 - ບໍ່ຄວນຖືເບົາ!! ພະຍາດໄຂ້ຍຸງລາຍມີຜູ້ເສຍຊີວິດແລ້ວ 18 ຄົນ ແລະ ຕິດເຊື້ອສະສົມ 25.388 ຄົນ
-    AD conten website - ບໍ່ຄວນຖືເບົາ!! ພະຍາດໄຂ້ຍຸງລາຍມີຜູ້ເສຍຊີວິດແລ້ວ 18 ຄົນ ແລະ ຕິດເຊື້ອສະສົມ 25.388 ຄົນ
No comments yet! You be the first to comment.

Leave a Reply

Your email address will not be published.

This site uses Akismet to reduce spam. Learn how your comment data is processed.

error: Alert: ເນື້ອຫາຂ່າວມີລິຂະສິດ !!