ທ່ານ ທຣຳ ສັ່ງເດີນໜ້າແຜນ ສົງຄາມຢູ່ອັບການິດສະຖານ

- advert banner 728 90 728x90 - ທ່ານ ທຣຳ ສັ່ງເດີນໜ້າແຜນ ສົງຄາມຢູ່ອັບການິດສະຖານ

- lt31yoik - ທ່ານ ທຣຳ ສັ່ງເດີນໜ້າແຜນ ສົງຄາມຢູ່ອັບການິດສະຖານ

- new3 - ທ່ານ ທຣຳ ສັ່ງເດີນໜ້າແຜນ ສົງຄາມຢູ່ອັບການິດສະຖານ

ປະທານາທິບໍດີ ​ໂດ​ນັນ ທຣຳ ກ່າວ​ວ່າ: ການ​ຖອນ​ທະຫານ​ອອກ​ຈາກ​ອັບ​ກາ​ນິດ​ສະຖານ​ຈະ​ເປ​ັນ “ຄວາມ​ຜິດພາດ” ​ແລະ ຢືນຢັນ​ວ່າ: ອາ​ເມ​ລິ​ກາ​ຕ້ອງ​ສູ້​ຈົນ​ກວ່າ​ຈະ​ຊະນະ​ກຸ່ມ​ຕາ​ລີ​ບັນ.

 

+ ອາເມລິກາຕັ້ງເປົ້າກຳຈັດ IS ຢູ່ອັບການິດສະຖານໃຫ້ໄດ້ໃນປີນີ້

+ ຕາລີບັນປ່ຽນກົນລະຍຸດກໍ່ເຫດກັບລັດຖະບານອັບການິດສະຖານ

 

ສຳນັກ​ຂ່າວ​ຕ່າງປະ​ເທດ​ລາຍ​ງານ​ຈາກ​ນະຄອນຫລວງ​ວໍ​ຊິງ​ຕັນ ປະ​ເທດ​ອາ​ເມ​ລິ​ກາ ​ໃນ​ວັນ​ທີ 21 ສິງຫາ​ວ່າ: ປະທານາທິບໍດີ ​ໂດ​ນັນ ທຣຳ ກ່າວ​ຄຳ​ຖະ​ແຫລ​ງຕໍ່​ທະຫານ​ຢູ່​ຖານ​ທັບ​ຟອດ ​ໄມ​ເອີ ນອກ​ນະຄອນຫລວງ​ວໍ​ຊິງ​ຕັນ ​ໃນ​ວັນ​ທີ 21 ສິງຫາ​ວ່າ: ອາ​ເມ​ລິ​ກາ​ຈະ​ຢືນ​ຢູ່​ຄຽງ​ຂ້າງ​ອັບ​ກາ​ນິດ​ສະຖານ​ໃນ​ການ​ປ້ອງ​ກັນ​ບໍ່​ໃຫ້​ກຸ່ມ​ຕາ​ລີ​ບັນ​ກັບ​ມາ​ມີ​ອຳນາດ​ອີກ, ​ເຖິງ​ວ່າການ​ໃຊ້​ມາດ​ຕະການ​ທາງ​ທະຫານ​ບໍ່​ແມ່ນ​ແນວທາງ​ຂອງ​ການ​ສ້າງສັນ​ຕິ​ພາບ​ແບບ​ຍືນ​ຍົງ​ຢູ່​ອັບ​ກາ​ນິດ​ສະຖານ, ​ແຕ່​ສ່ວນ​ຕົວ​ທ່ານ​ເຊື່ອ​ວ່າ​ຈະ​ເປັນ​ວິທີ​ທີ່​ນຳ​ໄປ​ສູ່​ການ​ຕັ້ງ​ເງື່ອນ​ໄຂ​ຂອງ​ຂະ​ບວນການ​ທາງ​ການ​ເມືອງ ​ເພື່ອ​ນຳ​ໄປ​ສູ່​ການ​ສ້າງສັນ​ຕິ​ພາບ​ໃນ​ທີ່​ສຸດ. ອີກ​ທັງ​ເບິ່ງ​ວ່າ​ກຸ່ມ​ຕາ​ລີ​ບັນ​ສາມາດ​ເຂົ້າມີ​ສ່ວນ​ຮ່ວມ​ໃນ​ຂະ​ບວນການ​ນີ້​ໄດ້, ​ແຕ່​ບໍ່​ແນ​ໃຈ​ວ່າ​ຈະມີ​ໂອກາດ​ເກີດ​ຂຶ້ນ ຫລື ບໍ່.

- gmppqer5 - ທ່ານ ທຣຳ ສັ່ງເດີນໜ້າແຜນ ສົງຄາມຢູ່ອັບການິດສະຖານ

ຂະນະ​ດຽວ​ກັນ, ຜູ້ນຳ​ອາ​ເມ​ລິ​ກາ​ກ່າວ​ວ່າ: ທະຫານ​ອາ​ເມ​ລິ​ກາ “ຈະ​ສູ້​ຈົນ​ກວ່າ​ຈະ​ຊະນະ” ​ໃນ​ສະໜາມຮົບ​ອັບ​ກາ​ນິດ​ສະຖານ ​ແລະ ວິຈານ​ປາ​ກິດ​ສະຖານ​​ແບບ​ກົງ​ໄປ​ກົງ​ມາ​ວ່າ: ອາ​ເມ​ລິ​ກາ​ຈະ​ບໍ່​ອົດທົນ​ຕໍ່​ປະ​ເທດ​ທີ່​ເປັນ “​ແຫ​ລ່ງລີ້​ຊ້ອນ” ​ໃຫ້​ຜູ້​ກໍ່​ການ​ຮ້າຍ​ອີກ​ຕໍ່​ໄປ, ສົ່ງ​ສັນຍານ​ຂອງ​ການ​ຂະຫຍາຍ​ຂອບ​ເຂດ​ແຜນ​ຍຸດ​ທະ​ສາດ​ທາງ​ທະຫານ​ຢູ່​ອັບ​ກາ​ນິດ​ສະຖານ​ໃຫ້​ຄວບ​ຄຸມ​ເຖິງ​ປາ​ກິດ​ສະຖານ​ນຳ​ອີກ. ນອກຈາກ​ນີ້ ທ່ານ ທຣຳ ຍັງ​ກ່າວ​ອີກ​ວ່າ: ​ແຕ່​ກ່ອນ​ທ່ານ​ຕ້ອງການ​ຖອນ​ທະຫານ​ອາ​ເມ​ລິ​ກາ​ທີ່​ເຫລືອ​ຢູ່​ອອກ​ຈາກ​ອັບ​ກາ​ນິດ​ສະຖານ, ​ແຕ່​ທົບ​ທວນ​ແນວ​ຄິດ​ອີກ​ຄັ້ງ ​ເນື່ອງ​ຈາກ​ບໍ່​ຕ້ອງການ​ໃຫ້​ເກີດປະຫວັດສາດ​ຊ້ຳຮອຍ​ຄື​ທີ່​ເຄີຍ​ເກີດ​ຂຶ້ນຢູ່​ອີຣັກ.

ທ່ານ ທຣຳ ບໍ່​ໄດ້​ກ່າວ​ຢ່າງ​ຈະ​ແຈ້ງວ່າຈະ​ເພີ່ມ​ຈຳນວນ​ທະຫານ​ຢູ່​ອັບ​ກາ​ນິດ​ສະຖານ​ອີກ​ເທົ່າ​ໃດ, ​ແຕ່ ພົນ​ເອກ ​ເຈ​ມ ​ແມດ​ທິສ ລັດຖະມົນຕີ​ກະຊວງ​ປ້ອງ​ກັນ​ປະ​ເທດ​ອາ​ເມ​ລິ​ກາ ກ່າວ​ວ່າ: ປະມານ 4.000 ຄົນ ​ແລະ ​ໄດ້​ມອບ​ໝາຍ​ໃຫ້ ພົນ​ເອກ ​ໂຈ​ເຊບ ດັນ​ຟອດ ປະທານ​ຄະນະ​ເສນາ​ທິການ​ທະຫານ​ຮ່ວມ ກຽມ​ການ​ຕາມ​ຄຳ​ສັ່ງ​ຂອງ​ປະທານາທິບໍດີ​ແລ້ວ ​ແລະ ຈະ​ມີ​ການ​ຫາລື​ກັບ​ອົງການ​ສົນທິສັນຍາ​ອັດ​ລັງ​ຕິກ​ເໜືອ (ນາ​ໂຕ) ອີກ ​ໂດຍ​ປັດຈຸບັນ​ອາ​ເມ​ລິ​ກາ​ມີ​ທະຫານ​ຢູ່​ອັບ​ກາ​ນິດ​ສະຖານ​ປະມານ 8.400 ຄົນ ​ແລະ ນາ​ໂຕ​ມີ​ທະຫານ​ຢູ່​ປະມານ 5.000 ຄົນ.

- 4yq9aqmg - ທ່ານ ທຣຳ ສັ່ງເດີນໜ້າແຜນ ສົງຄາມຢູ່ອັບການິດສະຖານ

​ ​ເຖິງ​ຢ່າງ​ໃດ​ກໍ​ຕາມ, ກຸ່ມ​ຕາ​ລີ​ບັນ​ອອກ​ຖະ​ແຫລ​ງການ​ໃນ​ອາທິດ​ຜ່ານ​ມາ ​ເຕືອນ​ທ່ານ ທຣຳ ວ່າ: ການ​ສົ່ງ​ທະຫານ​ເຂົ້າມາ​ອີກ​ຈະ​ຍິ່ງ​ເຮັດ​ໃຫ້​ອາ​ເມ​ລິ​ກາ​ຈົ່ມ​ຢູ່​ໃນ​ວັງ​ວົນ​ຂອງ “ສົງຄາມ​ທີ່​ບໍ່​ມີ​ວັນ​ຊະນະ”. ທັງ​ນີ້ ອາ​ເມ​ລິ​ກາ ​ແລະ ກອງ​ກຳລັງ​ປະສົມ​ຂອງ​ນາ​ໂຕ​ສົ່ງ​ທະຫານ​ເຂົ້າ​ໄປ​ໃນ​ອັບ​ກາ​ນິດ​ສະຖານ​ລວມກັນ​ປະມານ 100.000 ຄົນ ​ໃນ​ເດືອນ​ຕຸລາ 2001 ຫລື 1 ​ເດືອນ​ຫລັງ​ເຫດ​ວິນາດສະກຳ 9/11 ​ເພື່ອ​ເຮັດ​ສົງຄາມ​ລົ້ມອຳນາດ​ລັດຖະບານ​ຕາ​ລີ​ບັນ ​ແລະ ຖອນ​ທະຫານ​ອອກ​ເກືອບ​ທັງ​ໝົດ​ໃນ​ທ້າຍ​ປີ 2011.

error: Content is protected !!