ເຟເດີເຣີ ຈັບຄູ່ ນາດາລ ລົງແຂ່ງຂັນເກມສົ່ງທ້າຍອາຊີບ

- gettyimages 1176023827 1 1643884699 - ເຟເດີເຣີ ຈັບຄູ່ ນາດາລ ລົງແຂ່ງຂັນເກມສົ່ງທ້າຍອາຊີບ
- 16583075379783 - ເຟເດີເຣີ ຈັບຄູ່ ນາດາລ ລົງແຂ່ງຂັນເກມສົ່ງທ້າຍອາຊີບ

- gettyimages 1176023827 1 1643884699 - ເຟເດີເຣີ ຈັບຄູ່ ນາດາລ ລົງແຂ່ງຂັນເກມສົ່ງທ້າຍອາຊີບ

ໂຣເຈີ ເຟເດີເຣີ ຕຳນານນັກເທັນນິສຊາວສະວິດ ກຽມຈັບຄູ່ ຣາຟາເອລ ນາດາລ ຄູ່ປັບຕະຫລອດການ ລົງແຂ່ງຂັນເກມສັ່ງ ອຳລາອາຊີບນັກເທັນນິສໃນການແຂ່ງຂັນ ເລເວີ ຄັພ ວັນສຸກນີ້.

ໂຣເຈີ ເຟເດີເຣີ ຕຳນານນັກເທັນນິສຊາວສະວິດ ຈະຈັບຄູ່ກັບ ຣາຟາເອລ ນາດາລ ຄູ່ແຄ້ນແສນຮັກຊາວສະເປນ ລົງ ແຂ່ງຂັນ ໃນປະເພດຊາຍຄູ່ ການແຂ່ງຂັນເທັນນິສ ເລເວີ ຄັພ ທີ່ສະໜາມໂອທູ ອາຣີນາ ນະຄອນຫລວງລອນດອນ ປະເທດອັງກິດ ວັນສຸກນີ້ ແລະ ຈະເປັນການລົງຫລິ້ນເກມສັ່ງລາຂອງ ເຟເດີເຣີ ກ່ອນປິດອາຊີບຢ່າງເປັນທາງການ.

ເຟເດີເຣີ ແລະ ນາດາລ ຈະລົງຫລິ້ນໃນນາມ ທີມຢູໂຣບ ໂດຍຈະພົບກັບຄູ່ຂອງ ແຈັກ ຊ໊ອກ ກັບ ຟຣານເຊສ ຕີອາໂຟ ຄູ່ຈາກສະ ຫະລັດ ເຊິ່ງຈະລົງຫລິ້ນໃນນາມຂອງທີມເວິລ ເປັນຄູ່ສຸດທ້າຍຂອງການແຂ່ງຂັນໃນມື້ທຳອິດ.

ເຟເດີເຣີ ກ່າວວ່າ : ‘‘ ຂ້ອຍບໍ່ແນ່ໃຈວ່າ ຂ້ອຍຈະຮັບມືໄຫວບໍ່ ແຕ່ຂ້ອຍຈະພະຍາຍາມ ຂ້ອຍເຄີຍມີໄລຍະເວລາທີ່ບໍ່ດີ ມາແລ້ວໃນອະ ດີດ ຂ້ອຍເຄີຍກັງວົນມາຕະຫລອດຫລາຍປີບາງຄັ້ງກໍເປັນກ່ອນໜ້າການແຂ່ງຂັນ ແຕ່ຄັ້ງນີ້ມັນຕ່າງໄປຢ່າງສິ້ນເຊີງ ແນ່ນອນວ່າ ການໄດ້ລົງຫລິ້ນກັບ ນາດາລ ມັນເປັນເລື່ອງທີ່ພິເສດຫລາຍ ຂ້ອຍດີໃຈທີ່ມີລາວຢູ່ໃນທີມດຽວກັນ ແລະ ບໍ່ຕ້ອງລົງແຂ່ງຂັນກັບລາວ ’’.

ຂະນະທີ່ ນາດາລ ກໍຍອມຮັບວ່າ : ພວມຕັ້ງຕາຄອຍຖ້າທີ່ຈະລົງຫລິ້ນຄູ່ກັບ ເຟເດີເຣີ ໃນເກມທີ່ລາວຈະບໍ່ມີວັນລືມໄປຕະຫລອດ ຊີວິດເຊັ່ນດຽວກັນ ໂດຍລະບຸວ່າ : ‘‘  ຫນຶ່ງໃນນັກເທັນນິສຄົນສຳຄັນທີ່ສຸດໃນອາຊີບຂອງຂ້ອຍພວມຈະຢຸດອາຊີບແລ້ວ ທ້າຍ ທີ່ສຸດໄລຍະເວວລາແບບນີ້ມັນຍາກລຳບາກຫລາຍ ຂ້ອຍຕື່ນເຕັ້ນຫລາຍ ແລະ ຮູ້ສຶກດີໃຈຫລາຍທີ່ຈະໄດ້ຫລິ້ນກັບລາວ ’’.

- lattana banner 1 - ເຟເດີເຣີ ຈັບຄູ່ ນາດາລ ລົງແຂ່ງຂັນເກມສົ່ງທ້າຍອາຊີບ
-    AD conten website - ເຟເດີເຣີ ຈັບຄູ່ ນາດາລ ລົງແຂ່ງຂັນເກມສົ່ງທ້າຍອາຊີບ
- lattana banner - ເຟເດີເຣີ ຈັບຄູ່ ນາດາລ ລົງແຂ່ງຂັນເກມສົ່ງທ້າຍອາຊີບ
No comments yet! You be the first to comment.

Leave a Reply

Your email address will not be published.

This site uses Akismet to reduce spam. Learn how your comment data is processed.

error: Alert: ເນື້ອຫາຂ່າວມີລິຂະສິດ !!