ໂທລະສັບຕົກນ້ຳ ເຮັດ 5 ຂັ້ນຕອນນີ້ມີໂອກາດລອດ

-                          samsung                                                  - ໂທລະສັບຕົກນ້ຳ ເຮັດ 5 ຂັ້ນຕອນນີ້ມີໂອກາດລອດ
- 16583075379783 - ໂທລະສັບຕົກນ້ຳ ເຮັດ 5 ຂັ້ນຕອນນີ້ມີໂອກາດລອດ

ອຸບັດເຫດສາມາດເກີດຂຶ້ນໄດ້ທຸກເມື່ອ ໂດຍທີ່ເຮົາຍັງບໍ່ທັນໄດ້ຕັ້ງຕົວ ແລະ ບັນຫາໂທລະສັບປຽກ ຫຼື ຕົກນ້ຳແມ່ນເປັນສິ່ງຢູ່ໃກ້ຕົວທີ່ສຸດ ເນື່ອງຈາກເຮົາບໍ່ສາມາດຮູ້ໄດ້ເລີຍວ່າເຮົາຈະພາດມື້ໃດ, ແຕ່ຖ້າເຮົາພາດຂຶ້ນມາກໍຢ່າຟ້າວແຕກຕື່ນ ເພາະພວກເຮົາມີວິທີແກ້ບັນຫາເບື້ອງຕົ້ນ ກ່ອນທີ່ຈະຮອດມືຊ່າງໄດ້ດັ່ງນີ້:

– ຮີບນຳຂຶ້ນຈາກນ້ຳທັນທີ: ຢ່າແຕກຕື່ນ ຈົນເຮັດຫຍັງບໍ່ຖືກຖືກ ເພາະຍິ່ງແຊ່ນ້ຳດົນເທົ່າໃດຄວາມເສຍຫາຍກໍຍິ່ງເພີ່ມຂຶ້ນ, ເມື່ອໂທລະສັບຕົກນ້ຳຮີບຟ້າວນໍາຂຶ້ນມາໃຫ້ໄວທີ່ສຸດເທົ່າທີ່ຈະໄວໄດ້.

– ຢ່າກົດປຸ່ມເປີດ – ປິດຢ່າງເດັດຂາດ: ລວມເຖິງປຸ່ມຕ່າງໆທີ່ຢູ່ໃນໂທລະສັບພ້ອມ ເພາະຄວາມຊຸ່ມຈາກການຕົກນ້ຳ ຫຼື ແຊ່ນ້ຳ ອາດເຮັດໃຫ້ເກີດການລັດວົງຈອນ ແລະ ເສຍຫາຍໜັກ ກວ່າເກົ່າ.

– ຖອດສ່ວນປະກອບໃຫ້ໄວ: ສ່ວນປະກອບໃນທີ່ນີ້ແມ່ນໝາຍເຖິງຊິມກາດ, ແມັມໂມຣີ, ແບັດເຕີຣີ, ຝາດ້ານຫຼັງທີ່ສາມາດຖອດໄດ້, ຈາກນັ້ນໃຫ້ນຳເອົາຜ້າ ຫຼື ເຈ້ຍທິດຊູ້ຊະນິດທີ່ບໍ່ມີຂົນມາເຊັດ ນ້ຳອອກ ໃຫ້ແຫ້ງຢ່າງໄວທີ່ສຸດ.

– ເຂົ້າສານສາມາດຊ່ວຍໄດ້: ເມື່ອໂທລະສັບ ແລະ ອຸປະກອນຕ່າງໆເລີ່ມແຫ້ງພໍສົມຄວນແລ້ວ ໃຫ້ນຳໄປວາງໄວ້ໃນເຂົ້າສານ ຫຼື ໃນຖົງພລາສ ຕິກທີ່ບັນຈຸຊິລິກ້າ ຫຼື ສານກັນຄວາມຊຸ່ມ ເພື່ອຊ່ວຍດູດ ຄວາມຊຸ່ມທີ່ຍັງຫຼົງເຫຼືອຢູ່ໃນອຸປະກອນທີ່ເຮົາບໍ່ສາມາດເຂົ້າເຖິງໄດ້ ໂດຍປະໄວ້ປະມານ  2 – 3 ມື້ເພື່ອໃຫ້ແນ່ໃຈວ່າ ຄວາມຊຸ່ມໝົດໄປຈາກໂທລະສັບແລ້ວ.

– ຢ່າໃຊ້ຄວາມຮ້ອນກັບໂທລະສັບເດັດຂາດ: ເປັນຕົ້ນແມ່ນ ໄດເປົ່າຜົມ, ເຕົາອົບ ແລະ ຫ້າມນໍາໄປຕາກແດດ…

 

ຫຼັງຈາກໝັ້ນໃຈວ່າແຫ້ງແລ້ວ ກໍລອງເປີດເຄື່ອງເບິ່ງກ່ອນວ່າອຸປະກອນໃຊ້ໄດ້ປົກກະຕິທຸກຢ່າງ ຫຼື ບໍ່ ເຊັ່ນ: ລຳໂພງ, ການໂທອອກ – ເຂົ້າ, ໜ້າຈໍມີຫຍັງຜິດປົກກະຕິ ຫຼື ບໍ່ ແລະ ອື່ນໆ, ເຖິງວ່າຈະບໍ່ມີບັນຫາກໍຕາມ ບໍ່ຄວນນໍາມາໃຊ້ໂດຍທັນທີ ຄວນນໍາໄປໃຫ້ຊ່າງສ້ອມແປງກວດຄືນເບິ່ງອີກວ່າມີບັນຫາຫຍັງ ຫລື ບໍ່ ເພາະອາດຈະເຮັດໃຫ້ເກີດອັນຕະລາຍຕາມມາກໍໄດ້.

 

-    AD conten website - ໂທລະສັບຕົກນ້ຳ ເຮັດ 5 ຂັ້ນຕອນນີ້ມີໂອກາດລອດ
- lattana banner - ໂທລະສັບຕົກນ້ຳ ເຮັດ 5 ຂັ້ນຕອນນີ້ມີໂອກາດລອດ
- lattana banner 1 - ໂທລະສັບຕົກນ້ຳ ເຮັດ 5 ຂັ້ນຕອນນີ້ມີໂອກາດລອດ
error: Alert: ເນື້ອຫາຂ່າວມີລິຂະສິດ !!