ພິກໄທໃຫ້ຫລາຍຄຸນປະໂຫຍດ

- advert banner 728 90 728x90 - ພິກໄທໃຫ້ຫລາຍຄຸນປະໂຫຍດ

– ຄຸນຄ່າທາງດ້ານໂພຊະນາການຂອງພິກໄທ ມີຄື :

- new3 - ພິກໄທໃຫ້ຫລາຍຄຸນປະໂຫຍດ
  1. ມີທາດການຊຽມໃນປະລິມານຫລາຍ ໂດຍສະເພາະພິກໄທອ່ອນ ເຊິ່ງທາດການຊຽມມີຄວາມສຳຄັນໃນການບຳລຸງກະດູກແລະ ແຂ້ວໃຫ້ແຂງແຮງຢູ່ສະເໝີ ແລະ ທາດການຊຽມຍັງສາມາດປ້ອງກັນການເກີດພະຍາດກະດູກຜ່ອຍໄດ້ນຳອີກ.
  2. ມີຟົສຟໍ, ວິຕາມິນເຊ ເຊິ່ງວິຕາມິນເຊ ເປັນສານຕ້ານອະນຸມູນອິດສະລະ ຂັດຂວາງການເສື່ອມສະພາບຂອງແຊນບໍ່ໃຫ້ເສື່ອມໄວ, ຫລຸດຄວາມສ່ຽງຕໍ່ການເປັນພະຍາດມະເຮັງບາງຊະນິດໄດ້.
  3. ມີເບຕ້າແຄໂຣທີນ ເຊິ່ງເປັນວັດຖຸດິບຕັ້ງຕົ້ນໃນການສ້າງວິຕາມິນອາ ແລະ ມີສ່ວນຊ່ວຍໃນການເບິ່ງເຫັນຂອງດວງຕາ.
  4. ມີສານໄປເປີຣີນ ແລະ ຟິນໍລິກ ເຊິ່ງທັງ 2 ເປັນສານຕ້ານອະນຸມູນອິດສະລະ ແລະ ມີສັບພະຄຸນໃນການປ້ອງກັນພະຍາດມະເຮັງ.

– ສັບພະຄຸນທາງຢາຂອງພິກໄທ ມີຄື :

- lattana 1 - ພິກໄທໃຫ້ຫລາຍຄຸນປະໂຫຍດ
  1. ຕຳລາຢາຈີນ : ໃຊ້ພິກໄທແກ້ປວດ, ແກ້ຖອກທ້ອງຍ້ອນພະຍາດອະຫິວາ, ພະຍາດມາລາເຣຍ ແລະ ແກ້ໄຂ້. ສ່ວນນຳ້ມັນພິກໄທດຳ (blackpepper oil) ມີສານ (piperine) ກິ່ນຂິວແຮງ,​ ລະຄາຍເຄືອງຕໍ່ຜິວໜັງ ເມື່ອໃຊ້ຕ້ອງເຈືອຈາງ ສຳລັບການສືບດົມ ຫລື ທາຖູຊ່ວຍຫລຸດອາການໜາວສັ່ນຈາກຫວັດ ແລະ ໄຂ້ຫວັດໃຫຍ່ ເຮັດໃຫ້ຫາຍໃຈໂລ່ງ ແລະ ຊ່ວຍຂ້າເຊື້ອພະຍາດ, ໃຊ້ປະສົມນຳ້ມັນນວດເພື່ອຫລຸດຜ່ອນອາການປວດກ້າມຊີ້ນໄດ້, ກິ່ນພິກໄທມີລິດກະຕຸ້ນຄວາມສົນໃຈສະພາບແວດລ້ອມໃຫ້ຕື່ນໂຕສະເໝີ, ເພີ່ມພະລັງໃຈ ແລະ ຄວາມແຂງແຮງ.
  2. ຕຳລາຢາອິນເດຍ : ໃຊ້ບ້ວນຄໍ, ແກ້ເຈັບຄໍ, ຫລຸດໄຂ້, ແກ້ຫວັດ, ແກ້ເຈັບທ້ອງ, ຖອກທ້ອງ, ປວດປະຈຳເດືອນ, ວິນຫົວປວດຮາກ, ອາຫານບໍ່ຍ່ອຍ.
  3. ຕຳລາຢາພື້ນເມືອງລາວ : ເປັນຢາລິດຮ້ອນມີສັບພະຄຸນປິ່ນປົວພະຍາດທີ່ເກີດຈາກຂີ້ກະເທີ່ ແລະ ຊ່ວຍຫລຸດອາການແໜ້ນ ທ້ອງ, ຈຸກທ້ອງຈາກອາຫານບໍ່ຍ່ອຍ, ໄລ່ຂີ້ກະເທີ່, ໄລ່ເຫື່ອ, ໄລ່ນຳ້ຍ່ຽວ, ແກ້ໄຂ້ຫວັດ ເຮັດໃຫ້ນຳ້ລາຍອອກມາຫລາຍ ຊ່ວຍໃຫ້ນຳ້ຍ່ອຍຫລັ່ງຫລາຍຂຶ້ນ, ເຮັດໃຫ້ຢາກອາຫານ, ແກ້ອາການອ່ອນເພຍ, ແກ້ທ້ອງບິດ, ປວດເມື່ອຍຕາມຮ່າງກາຍ, ແກ້ອາການຂາປັ້ນ, ບາດແຜເຈັບປວດຍ້ອນຖືກໝາກັດ, ຝີ, ຫ້າມເລືອດ ແລະ ໃຊ້ເປັນຢາຫລັງເກີດລູກໃໝ່ ຫລື ແມ່ລູກອ່ອນ, ສາມາດໃຊ້ໃນແມ່ຍິງທີ່ປະຈຳເດືອນມາບໍ່ສະໝໍ່າສະເໝີ ຫລື ມາໜ້ອຍກ່ວາປົກກະຕິ.
error: Content is protected !!