ໃຜໄດ້ຈາກແຫລ່ງທ່ອງທ່ຽວ?

- advert banner 728 90 728x90 - ໃຜໄດ້ຈາກແຫລ່ງທ່ອງທ່ຽວ?

ກ່ອນຈະເຂົ້າຕັບເຂົ້າບີຂອງບົດຄວາມນີ້ຜູ້ຂຽນຂໍນຳສະເໜີ ເງື່ອນໄຂກ່ອນເນາະ, ພວກເຮົາ ຮູ້ດີວ່າ ວຽກງານ ທ່ອງທ່ຽວຢູ່ປະ ເທດເຮົາພວມຂະຫຍາຍຕົວດີ ແລະ ລັດຖະບານເຮົາ ເພິ່ນກໍສະ ໜັບສະໜູນ ແລະ ມີແຜນພັດທະ ນາໃນໄລຍະຍາວຕື່ມອີກ ໂດຍສະ ເພາະການພັດທະນາແຫລ່ງທ່ອງທ່ຽວທາງທຳມະຊາດ.

 

 

 

- Tanpan - ໃຜໄດ້ຈາກແຫລ່ງທ່ອງທ່ຽວ?
(ຕາດຟານ)

 

 

 

+ ຊົມພາບທິວທັດທຳມະຊາດງົດງາມ “ອ່າງນ້ຳຊວງ”

+ ຂີ່ເຮືອຊົມວິວທີ່ວັງວຽງໃຜເຫັນແລ້ວກໍ່ຫລົງສະເໜ່

+ ທ່ຽວແຂວງວຽງຈັນ

 

 

ຫວ່າງບໍ່ດົນມານີ້ ຜູ້ຂຽນ ໄດ້ມີໂອກາດໄປຢ້ຽມຢາມແຫຼ່ງທ່ອງທ່ຽວນໍ້າຕົກຕາດ ຕາດຟານ ແລະ ຕາດເຍືອງ ຂອງແຂວງ ຈຳປາສັກ, ນໍ້າຕົກຕາດທັງສອງ ແມ່ນຕັ້ງຢູ່ຫ່າງຈາກຕົວ ເມືອງ ປາກເຊ ປະມານ 40 ກວ່າກິໂລ ແມັດ, ທາງໄປມາກໍສະດວກດີ. ເມື່ອເບິ່ງສະພາບແວດລ້ອມທັງ ສອງຕາດແລ້ວເຫັນວ່າ ນອກ ຈາກຄວາມງົດງາມຂອງ ຕາດ ທີ່ມີນໍ້າໃສໄຫຼລົງ ເຊິ່ງທຳມະ ຊາດ ປັ້ນແຕ່ງແລ້ວຍັງມີເນື້ອທີ່ປ່າໄມ້ ທີ່ຕືບໜາຂຽວງາມອ້ອມຮອບ ຕາດ ແລະ ອາກາດກໍເຢັນສະບາຍຄາຍຮ້ອນຕື່ມອີກ, ດຶງດູດ ນັກທ່ອງທ່ຽວມາແວ່ຊົມຢ່າງ ບໍ່ຂາດສາຍ.

 

 

- Tiger Head 728x90 - ໃຜໄດ້ຈາກແຫລ່ງທ່ອງທ່ຽວ?
- 1 1 - ໃຜໄດ້ຈາກແຫລ່ງທ່ອງທ່ຽວ?

 

- derr 300x186 - ໃຜໄດ້ຈາກແຫລ່ງທ່ອງທ່ຽວ?

 

ແນວໃດກໍດີຄຳຖາມ ທີ່ຈື່ບໍ່ ລືມຂອງຜູ້ຂຽນ ເມື່ອຍ່າງເຂົ້າ ແຫຼ່ງທ່ອງທ່ຽວທາງທຳມະຊາດ ແບບນີ້ກໍມີຢູ່ວ່າ ໃຜເປັນຜູ້ລົງທຶນ ແລະ ໃຜໄດ້ຮັບຜົນປະໂຫຍດ, ກໍ ແນ່ນອນແລ້ວທີ່ລັດ ຖະບານເພິ່ນ ໄດ້ສົ່ງເສີມນັກລົງທຶນພາຍໃນ ແລະ ຕ່າງປະເທດ ເຂົ້າມາພັດທະ ນາແຫລ່ງທ່ອງທ່ຽວຕ່າງໆ ໂດຍ ສະເພາະແຫລ່ງທ່ອງທ່ຽວ ທາງທຳມະຊາດ ເຊິ່ງມັນກໍເປັນ ບາດກ້າວ ສຳຄັນໃນການພັດ ທະນາໃນຂະແໜງນີ້, ເມື່ອມອບ ໝາຍໃຫ້ບັນດານັກລົງທຶນ ເປັນແກນຫລັກໃນການດຳ ເນີນວຽກງານທ່ອງທ່ຽວໃນສະ ຖານທີ່ໜຶ່ງໆແລ້ວ, ພວກເຮົາ ກໍມີລາຍຮັບ ຈຳນວນໜຶ່ງທີ່ອາດຈະເປັນຄ່າສຳປະທານ, ຄ່າທຳ ນຽມຕ່າງໆຕໍ່ລັດຖະບານ ແລະ ສາມາດສ້າງວຽກເຮັດງານ ທຳແກ່ປະຊາຊົນ ທ້ອງຖິ່ນ ຈຳນວນໜຶ່ງແຕ່ຜົນປະໂຫຍດ ສ່ວນໃຫຍ່ອາດ ຕົກຢູ່ມືຂອງນັກລົງທຶນ.

 

 

 

- dfr74 300x203 - ໃຜໄດ້ຈາກແຫລ່ງທ່ອງທ່ຽວ?
(ຕາດເຍືອງ)

 

 

ມັນເປັນເລື່ອງທີ່ບໍ່ປະຕິ ເສດໄດ້ວ່າ ແຫລ່ງທ່ອງທ່ຽວ ຫລາຍແຫ່ງທີ່ລົງທຶນ ແລະ ດຳ ເນີນການໂດຍເອກະຊົນນັ້ນກໍ ພະຍາຍາມສ້າງວຽກເຮັດງານ ທຳ ແລະ ອະນຸລັກສະພາບແວດ ລ້ອມທາງທຳມະຊາດຂອງ ພວກເຮົາແຕ່ນັ້ນມັນອາດບໍ່ ພຽງ ພໍໃນແນວທາງການພັດທະນາ ໂດຍມີສ່ວນຮ່ວມ, ບາງຄັ້ງຄາວ ຜູ້ຂຽນກໍຍັງສົນໃຈວ່າປະຊາຊົນ ທ້ອງຖິ່ນຜູ້ທີ່ຢູ່ໃກ້ຊິດ ຕິດແທດ ກັບ ຄວາມງົດງາມຂອງທຳ ມະຊາດນັ້ນມາເຮັດວຽກໃນ ນາມລູກຈ້າງ ທີ່ໄດ້ຮັບຜົນຕອບ ແທນທີ່ດີກວ່າ (ບໍ່ມີຫຍັງເຮັດ), ຈຶ່ງໄດ້ຄິດໄວ້ວ່າ ມັນອາດດີກວ່າ ນີ້ ຖ້າເຮົາສາມາດ ພັດທະນາ ແຫລ່ງທ່ອງທ່ຽວທາງທຳມະ ຊາດນັ້ນ ໂດຍໃຫ້ປະຊາຊົນໃນ ເຂດອ້ອມແອ້ມນັ້ນເປັນເຈົ້າ ຂອງໃນການດຳເນີນການ, ບໍລິ ຫານ, ໂຄສະນາ, ພັດທະນາ ດ້ວຍເຂົາເຈົ້າເອງ.

ເຊິ່ງບົດຮຽນນີ້ ຜູ້ຂຽນໄດ້ ໄປເຫັນ ຢູ່ປະເທດຄອສຕາ ຣີກາ ເຊິ່ງຊຸມຊົນທີ່ມີທ່າແຮງໃນການພັດທະນາເປັນແຫລ່ງທ່ອງທ່ຽວທາງທໍາມະຊາດແລ້ວ, ລັດຖະ ບານຮ່ວມມືກັບອົງການພັດທະ ນາຊຸກຍູ້ສ້າງຄວາມ ເຂັ້ມແຂງ ໃຫ້ແກ່ປະຊາຊົນທ້ອງຖິ່ນສາ ມາດບໍລິຫານ ແລະ ຈັດການ ໂດຍສ້າງຫລາຍສີສັນກິດຈະກຳ ທີ່ແມ່ນປະຊາຊົນກັບບ້ານ ເປັນແກນນຳ, ເຮັດແນວນີ້ກໍຈະ ເປັນການເປີດໂອກາດໃຫ້ປະຊາຊົນໄດ້ຮັບຜົນປະໂຫຍດໂດຍກົງ ແລະ ສາມາດແກ້ໄຂຄວາມ ທຸກຍາກໄດ້.

ຕໍ່ແນວທາງນີ້ ກໍເຊື່ອແນ່ວ່າ ທາງລັດຖະບານເຮົາເພິ່ນກໍອາດມີແຜນແຮໄວ້ແລ້ວ ໂດຍສະເພາະ ຍຸດທະສາດໄລຍະຍາວຂອງ ເພິ່ນ ທີ່ຈະພັດທະນາການທ່ອງ ທ່ຽວແບບອະນຸລັກ, ມີຄວາມຍືນ ຍົງໃຫ້ດີຂຶ້ນ ແລະ ປະຊາຊົນມີ ສ່ວນຮ່ວມທາງດ້ານການຕັດ ສິນໃຈ, ບໍລິຫານຈັດການ ແລະ ໄດ້ຮັບຜົນປະໂຫຍດຢ່າງທ່ຽງ ທຳ ຈຶ່ງຈະເຮັດໃຫ້ລາຍ ຮັບຈາກ ນັກທ່ອງທ່ຽວ ເຂົ້າມາສູ່ປະຊາ ຊົນເຮົາແທນທີ່ຈະແມ່ນນັກລົງ ທຶນເປັນຕົ້ນຕໍ.

ໂດຍ: ມຶກບໍ່ແຫ້ງ

error: Content is protected !!