ນະຄອນຫລວງ ຈະຈັດບຸນຊ່ວງເຮືອຢ່າງຄຶກຄື້ນ ຄຽງຄູ່ກັບ ການຮັກສາວັດທະນະທຳອັນດີງາມ

- 309647878 536481935146286 5014221343611384150 n - ນະຄອນຫລວງ ຈະຈັດບຸນຊ່ວງເຮືອຢ່າງຄຶກຄື້ນ ຄຽງຄູ່ກັບ ການຮັກສາວັດທະນະທຳອັນດີງາມ
- 16583075379783 - ນະຄອນຫລວງ ຈະຈັດບຸນຊ່ວງເຮືອຢ່າງຄຶກຄື້ນ ຄຽງຄູ່ກັບ ການຮັກສາວັດທະນະທຳອັນດີງາມ
ທ່ານ ພຸດທະພອນ ໂຄດປັນຍາ ຮອງເລຂາພັກເມືອງຈັນທະບູລີ ໄດ້ໃຫ້ຮູ້ໃນວັນທີ 26 ກັນຍາ 2022 ນີ້ວ່າ:
ບຸນອອກພັນສາປະວໍລະນາ ກໍຄື ບຸນຊ່ວງເຮືອ ປະຈຳປີ 2022 ຈະຈັດຂຶ້ນຢ່າງຄຶກຄື້ນ ໄປຄຽງຄູ່ກັບການຮັກສາມູນເຊື້ອວັດທະນະທຳອັນດີງາມຂອງຊາດ ຢູ່ທ່າວັດຈັນ ເມືອງຈັນທະບູລີ ນະຄອນຫລວງວຽງຈັນ ໃນລະຫວ່າງວັນທີ 8-11 ຕຸລາ 2022 ທີ່ຈະມາເຖິງນີ້, ເຊິ່ງໄດ້ກຳນົດເອົາເຮືອ 12 ສີພາຍ 20 ລຳ ແລະ ເຮືອປະເພນີ 55 ສີພາຍ 20 ລຳ, ພ້ອມທັງຈະເຊີນເອົາເຮືອຈາກ 4 ແຂວງມາເຂົ້າຮ່ວມແຂ່ງຂັນ ຄື: ແຂວງໄຊຍະບູລີ, ແຂວງຫລວງພະບາງ, ແຂວງວຽງຈັນ ແລະ ແຂວງບໍລິຄຳໄຊ, ໃນນີ້ການແຂ່ງຂັນຊ່ວງເຮືອ 12 ສີພາຍ ຈະຈັດຂຶ້ນໃນວັນທີ 10 ຕຸລາ ແລະ ເຮືອປະເພນີ 55 ສີພາຍ ຈະຈັດຂຶ້ນໃນວັນທີ 11 ຕຸລາ 2022.
ການຈັດງານບຸນອອກພັນສາ ໃນປີນີ້, ຄະນະກຳມະການຈັດງານບຸນ ໄດ້ຈັດສັນພື້ນທີ່ຈັດງານ ຢ່າງເປັນລະບຽບຮຽບຮ້ອຍ ໂດຍໄດ້ກໍານົດເອົາຈຸດປ່ອຍເຮືອ ຢູ່ເຂດບ້ານສີຖານເໜືອ ເມືອງສີໂຄດຕະບອງ ລົງໄປຫາຜາມໄຊ ໜ້າວັດຈັນ. ສ່ວນສະຖານທີ່ວາງສະແດງ-ຂາຍສິນຄ້າກຳ ນົດເອົາເຂດສວນເຈົ້າອານຸວົງ ແລະ ເສັ້ນທາງເຈົ້າຟ້າງຸ່ມທັງ 2 ຟາກ ນັບແຕ່ໂຮງແຮມລ້ານຊ້າງ ຂຶ້ນມາຫາສາມແຍກປາກປາສັກ ແລະ ເສັ້ນທາງດ້ານໜ້າ ແລະ ດ້ານຫລັງໂຮງຮຽນປາກປ່າສັກ(ຈົ່ງທາງເຂົ້າ-ອອກ) ໃຫ້ມວນຊົນ ແລະ ລົດການນຳເຂົ້າມາໄດ້ຢ່າງສະດວກ.
ພາຍໃນງານຈະມີການວາງສະແດງ ແລະ ຂາຍສິນຄ້າເຄື່ອງທົ່ວໄປທັງພາຍໃນ ແລະ ຕ່າງປະເທດ, ພ້ອມນີ້, ຍັງໄດ້ເນັ້ນການສົ່ງເສີມຜະລິດຕະພັນ, ສິນຄ້າທີ່ພົ້ນເດັ່ນຂອງທ້ອງຖິ່ນ, ຂອງບ້ານ, ຂອງເມືອງ, ຂອງຄົວຄອບຕົວແບບ, ຄອບຄົວຜະລິດສິນຄ້າໂອດັອບ ເພື່ອເປັນການສົ່ງເສີມຫົວໜ່ວຍທຸລະກິດຕ່າງໆ, ຄາດຄະເນຈຳນວນ ຫົວໜ່ວຍທຸລະກິດ, ຫ້າງຮ້ານ ທີ່ມາວາງສະແດງ, ຂາຍສິນຄ້າ 600 ກວ່າຫົວໜ່ວຍ.
ສຳລັບ ບ່ອນຈອດລົດຈັກ ແລະ ລົດໃຫຍ່ ໄດ້ກຳນົດເອົາບາງຈຸດ ຢູ່ເສັ້ນທາງ 4 ແຍກທະນາຄານພັດທະນາລາວ ລົງມາສີ່ແຍກໄຟແດງສີຫອມ, ສາມແຍກໄຟແດງວັດອິນແປງ, ເສັ້ນທາງເສດຖາທິລາດ ໄປຫາສີ່ແຍກໄຟແດງວັດສີສະເກດ. ສ່ວນ ສະຖານ ທີ່ຈອດລົດຂອງການນໍາ, ຄະນະກຳມະການຮັບຜິດຊອບງານບຸນ, ແຂກຖືກເຊີນແມ່ນກຳນົດເອົາເສັ້ນທາງເຈົ້າອານຸວົງໃໝ່(ແຄມຂອງ) ນັບແຕ່ຈຸດທາງເຂົ້າຈົນຮອດອະນຸສາ ວະລີເຈົ້າອານຸວົງ. ພ້ອມນັ້ນ, ຄະນະກຳມະການຈັດງານບຸນ ຍັງໄດ້ວາງມາດຕະການ ເພື່ອຄວບຄຸມລາຄາສິນຄ້າ ແລະ ລາຄາຄ່າຝາກລົດ ພາຍໃນງານຢ່າງເຂັ້ມງວດ, ຖ້າຜູ້ປະກອບການລະເມີດຂຶ້ນລາຄາສິນຄ້າ, ຄ່າຝາກລົດ ແລະ ອື່ນໆ ຈະຖືກປັບໃໝ່ ຕາມ ກົົດໝາຍ.
ທ່ານ ພຸດທະພອນ ໂຄດປັນຍາ ຍັງໃຫ້ຮູ້ອີກວ່າ: ມາເຖິງປັດຈຸບັນ ພວກເຮົາມີຄວາມພ້ອມໃນທຸກໆດ້ານ ເພື່ອກະກຽມເຂົ້າສູ່ງານດັ່ງກ່າວ.
ສະນັ້ນ, ຮຽກຮ້ອງໃຫ້ທຸກພາກສ່ວນໃນສັງຄົມ, ຕະຫລອດຮອດພະນັກງານ, ທະຫານ, ຕຳຫລວດ, ປະຊາຊົນບັນ ດາເຜົ່າ ທົ່ວນະຄອນຫລວງວຽງຈັນ ຈົ່ງພ້ອມກັນຮ່ວມແຮງຮ່ວມໃຈເປັນເຈົ້າການປະ ກອບສ່ວນ ແລະ ເຂົ້າຮ່ວມບຸນອອກພັນສາ ແລະ ບຸນຊ່ວງເຮືອ ປະຈຳປີ 2022 ທີ່ທ່າວັດຈັນ ເມືອງຈັນທະບູລີ ດ້ວຍບັນຍາກາດເບີກບານມ່ວນຊື່ນ, ມີສະຕິລະວັງຕົວ, ເປັນເຈົ້າການໃນການປ້ອງກັນຄວາມສະຫງົບ, ຄວາມເປັນລະບຽບຮຽບຮ້ອຍ, ຮັກສາອະນາ ໄມ ແລະ ມີສະຕິໃນການປ້ອງກັນ, ຄວບຄຸມການລະບາດ ຂອງພະຍາດໂຄວິດ-19 ຢ່າງເຂັ້ມງວດ.
- lattana banner 1 - ນະຄອນຫລວງ ຈະຈັດບຸນຊ່ວງເຮືອຢ່າງຄຶກຄື້ນ ຄຽງຄູ່ກັບ ການຮັກສາວັດທະນະທຳອັນດີງາມ
- lattana banner - ນະຄອນຫລວງ ຈະຈັດບຸນຊ່ວງເຮືອຢ່າງຄຶກຄື້ນ ຄຽງຄູ່ກັບ ການຮັກສາວັດທະນະທຳອັນດີງາມ
-    AD conten website - ນະຄອນຫລວງ ຈະຈັດບຸນຊ່ວງເຮືອຢ່າງຄຶກຄື້ນ ຄຽງຄູ່ກັບ ການຮັກສາວັດທະນະທຳອັນດີງາມ
error: Alert: ເນື້ອຫາຂ່າວມີລິຂະສິດ !!